زوجى بدو أجهض الطفل
السلام عليكم ورحمة الله
صارلى فترة منقطعة عن المنتدى لأسباب أسرية ... بس بعد الله مختاجه مشورتكم أخوانى وأخواتى
كنت حطيت مشكلتى هون باسم مادرى شو اشوى مع زوجى وعيلته
واللى قرأها شاف أد أيش بعانى مع زوجى اللى بدو يطلقنى من أول يوم زواج ومع عيلته الغريبة
للحين صارلى سنتين متزوجة سافرت معه زيارة ورجعت وصارتله حادثة وانكسرت رجله فرجع هو كمان والله يعلم وبشهادتهم كلهم انى وقفت جنبه واستحملت زياراتهم لى كل يوم اللى كانت تدوم من بعد المغرب للساعة 3 و 4 الصبح أحيانا. الحين بدا الحمد لله يقف على رجله وبدا الكسر يتحسن.
أهله لساتهم على حالهم من كيد وحقد وغل عل كل شئ يخصى وعلى شخصيا (مثلا من فترة زوجى بدو يشترى شقة بعيد عن بيت العيلة واستقر على شقة بمكان بعيد زوجى اتفق مع صاحب الشقة انو العقد راح ينكتب باسم زوجى وانا راح أمضى عنو لأنه راح يسافر ولازم حدا يمضى على الأقساط اللى بتندفع لاحقا.. كان لازم نروح مرة ثانية ميشان ندفع مقدم أمو أصرت تيجى معانا بحجة ما حدا يضحك على ابنها. وصلنا مكتب صاحب الشقة وصار زوجى يتكلم مع الرجال والرجال فى كلامه بيقول لزوجى انت فيك تسافر وشيكات الأقساط راح تنكتب باسم المدام ... أمو لزوجى صرخت فى الرجال وقالت شو يعنى بتنكتب باسمها ((افتكرت ان العقد باسمى)) الرجال انخرع وصار يفهمها ان العقد بينكتب باسم ابنها وانا بس راح امضى شيكات الاقساط يعنى اذا فيه ضرر راح يكون على المدام. قالت ايه ماشى. شوفو حقدها على وصل لوين مع ان زوج بنتها كاتبلها سيارة وشقة وشالية باسم بنتها. بس هيا الله يسامحها تفتكرنى بفكر بس فى مصارى ابنها مع انى مابدى أى شى منو والله يعلم حتى انو حاطط مصاريه عند أمو ويعطينى مصروف البيت واقل بس أما أقوله مافى مصارى.
بس هاد ماهو أصل المشكلة
المشكلة أن طول السنتين بترجاه ان نفسى فى أولاد بس هو ما بدو وهو اللى مانع... ذكرته بايات من القران وباحاديث الرسول عليه الصلاة والسلام ان هيك حرام بس مافيه اقتناع.. استحملته واهله واستحملت جنانو انو ما لازم يكون فيه أولاد عشان اذا تركنى وطلقنى طول فترة السنتين ..
الحمد لله إلك ياربى صارلى الحين 3 أسابيع حامل عرفت من 3 أيام طرت من الفرحة .. بس ما كملت ماحدا منهم فرح ميشانى خبرت أمو صاحت فيا أنى لازم أنزل واحلل مرة ثانية ميشان تتأكد وهيا عابسة بوجهى قلتلها ماراح أحلل لانى متاكدة قالت مادامك متاكدة مبروك ولساتها عابسة. أخو زوجى أما عرف صار عابس وكانه مصدوم وقالى مبروك من تحت ضرسه. أخت زوجى اللى متزوجة قبلى بشهر بس لسه ماصارلها نصيب مع الحمل باركتلى وصارت تسألنى أسئلة بدها تعرف اذا كنت بعرف انى حامل بس يومها ولا من قبل ميشان تقول لامها وحماتى وقتها تبهدلنى. سألت زوجى ليش ماهم فرحانين يقولى ميشان هما عارفين أنى مابدى أولاد وهما بدهم أختى تبقى حامل (مافرحولى ولا بينو حتى انهم فرحانين حتى حاقدين على حملى). المصيييييييييييبة الأكبر زوجى قالى شو يعنى انك حامل احنا متفقين قلتله انا مانى متفقة على شى أنا من الأول بدى أولاد. يقول يعنى سويتى اللى براسك قلتله انا ما سويت شى انت اللى مانع انا ماباخد حبوب منع حمل ولا مركبه شى. وهاد أمر الله. يقول يعنى عادى اذا تركتك وفيه ولد قلتله وليش تطلقنى انا أحبك قال وأفرضى تركتك اذا هاد شى عادى اوك صرت أبكى كتييييييييييييييير وهو ولا شى أقوله ليش تفرض الشر عيش حياتك معاى وماتفرض شر اذا مضايقتك بشى قلى وانا بغيرو ميشانك قالى انتى مافيكى شى بس انتى تعرفى ممكن يحصل اننا نتطلق مارديت عليه وصرت أبكى. الحين عدا يومين واليوم يقولى شو راح نسوى بالطفل قلتله شو بدك يعنى انا ماراح أجهضة يقول ليش قلتله ماراح أغضب الله ميشانك قالى مادام 40 يوم ماراح يكون حرام قلتله أبدا ماراح يحصل اذا الله اراد انو ينزل خلاص هاد حكمة الله اذا غير هيك يبقى نموت أنا وابنى مع بعض. قال وش فيها يعنى ..... مافينى أكمل الكلام ماتتخيلون حالتى النفسية
المفروض انو أحسن فترة بحياتى لما اعرف ان الله يرزقنى أخيرا بطفل بس صارت أبشع فترة بحياتى
وش المفروض أسوى الحين؟
مابدو يجلس معاى من أول مابدأ يمشى على رجليه. يجلس معاى 5 دقايق يتكلم على الشقة أو لما ناكل وبعدين يا ينزل عند أمو يا يطلع لأخوه
اليوم بعد اللى قاله قالى ان زوج أخته راح ينزل يجلس معاه قلتله اوك هلا ومرحبا. بعد مامشى زوج أختو قالى انو نازل يشترى طلبات ليه قلتله بدى أجلس معاك شوى قالى انا نازل الحين وبالييل أخوى الثالث راح يجى يجلس معاى. دخلت الغرفة صرت ابكى وهو نزل وكل يوم على هاد الحال.
شيرونى ارجوكم راح يصيرلى شى بسببهم. وماحدا حاسس فينى
11-05-2014, 11:01 PM
ضوابط المشاركة
العرض الشجري