السﻻم عليكم
قصه حب طويله و عنيفه و خطوبه وزواج دام لمده 10 سنوات اجمالى عشرتى بيه 16 عام كان تاريخه معروف بيحب يعرف بنات و احنا نعرف بعض و كان بيمد ايده عليا و احنا مخطوبين بس الحب خلانى مااشوفش كل الكﻻم ده اتجوزنا و كانت صدمتى ف ابنى كبيره طفل معاق بس انا تحملت الصدمه و هو بقى يحس ان حياته فيها غلطه لازم تدارى و انفصل عننا بعدها بس كان عايش معانا بقيت انا متوليه كل شئ و جبت ابنى التانى قبل مااعرف انه ع علاقه بطالبه عنده هو مدرس خطط و تخطيطات و افكار شيطانيه لتطفيشى و انه يكره اى حد فيا و خصوصا اهله وصل الموضوع للطلاق بحيله نسى كل العشره القديمه و خﻻنى ابريه و مااخدتش اى حاجه من حقوقى و رمانى انا و العيال سبتله الولدين و سافرت و هو اتجوزها و خلف منها ولد من يوم ما سافرت و هو بيعذب فيا و يقولى هنرجع و ذللنى بمكلماتى بابنى و بالعافيه لما بشوفهم بقالو سنتين ع موال هنرجع لكن و ﻻ بيتقدم خطوة عيالى وحشونى و البيت وحشنى عيشتى كزوجه وحشتنى بس مااعرفش هو عايز منى ايه دلواتى الحجه انه مش معاه فلوس يجيب شقه عشان نرجع و انا تعبت خﻻص من كل حاجه و استقريت تانى ف بلدى مش عارفه انساه نفسى انساه و ابدا بنفسيه جديده مش عارفه كل مااشوف وﻻدى اتعب متعذبه و شكلى بقى صعب خالص قولولى اعمل ايه اسافر تانى و ﻻ ايه العمل


تم تعديل العنوان ليتناسب مع مضمون الموضوع

__________________

الله يفرج همك امين
تواصلي مع اهله
وخلي ابوك يكلم ابوه
واستخيري الله قبل ﻻ تعملي اي شي

__________________
انا لله وانا اليه راجعون

هو يلعب عليكي ويعشمك بالزواج علشان ما تتزوجي من بعده تفضلي قاعده مستنياه
طلقك من دون سبب وببرود ولسه مستنياه ده ما فيهوش خير خااالص
اولادك مرتاحين معاه ومع مراته الجديده ؟؟؟

__________________
وهل من مصير اخر ؟

الله يفرج همك ويكتب لك مافيه الخير

انت حطيتي نفسك في موقف صعب لما تركتي اطفالك
ولا زوجك ماينبكى عليه بصراحة واعذريني على صراحتي
التفتي لنفسك وكفايه اللي جرى..

اه مصريه و هو مصرى الولد الطبيعى عايش معاه و المعاق مع والدته لان مراته صغيره السن و مش هينفع انا و الله سبتهم لانى مش هاقدر اتعامل معاهم سهل كانو ياذونى انا ووﻻدى و يبهدلونا زى ماكانو بيعملو ايام جوازى منه لله بهدلنا و مرمطنا ده كده اقل احتكاك بينى و بينهم دلواتى بشوفهم كل اسبوع من بعد مااستقريت ف مصر

اه مرتاحين بس استناه ليه عشان يرجعنى و بيعمل ليه كده هو بيقول انه بيطفش مراته الجديده لو واحده مكانى اكيد هتفرح لانها اكيد هتشرب من نغس كاس الذل اللى شربته بس و بعدين ايه اخرتها بجد تعبت و مش مرتحاله بس عيالى بيضعفونى وووضعى كمطلقه و عيشتى و انا طول عمرى بحب البيت و الاسره و الاستقرار وجعنى اوى و دلواتى فيه واحد متقدملى وضعه الاجتماعى و المادى كويسه جدا بس بتعفرت و اتجن لما احس انه هيجى يتقدم خﻻص و اطلع اكتر من حجه

استخيري الله فيهم الاثنين

طليقك بيتعفرت ويجن لما يسمع انك حتتخطبي ؟؟؟ وهو حد حايشوا ما يكون راجل ويبقه قد كلمته ويتقدم رسمي ، يا عبيطه ده بيتلكك عشان يفركش الجوازه بتاعتك خليكي ناصحه وواعيه يا بت ، وبيكدب عليكي انو ما يحبش مراته
هاه اعرف اتكلم مصري وله لا

__________________
وهل من مصير اخر ؟