مساء الخير

محدثتكم متزوجة من سنتين ونص تقريبا
عمري 26 وعندي ابن مازال بسنة الاولى تعليمي جامعي
زوجي عمره 31 موظف بالقطلع الحكومي تعليم ثانوي

حاليا انا ببيت أهلي من اسبوع وافكر بلأنفصال وسبب بكتبة بالموضوع واتمنى تشوفون اذا انا فعلا مكبرة الموضوع ولا هو فعلا كبير
انا اعترف اني عندي سلبيات وهي السكوت وعدم المصارحة بوقت المشكله وحاولت اتغلب عليها لاكن مازالت موجودة ومع كثرة التراكمات السلبية بحياتنا وصلت للتفكير بالطلاق

طولت بالمقدمة وبدخل بالمشكلة علطول
زوجي انسان طيب وحنون لاكن مهمل لدرجة كبيره فيني وانا زوجة اشوف نفسي مثاليه انا ماراح اظلم نفسي واقول اني مقصرة لاوالله ماقصرت سواء باهتمامي بشكلي ولا ببيتي ولا بزوجي نفسه كله من حبي لزوجي وحتى مايشوفني مقصره بحق من حقوقه قبل حوالي سنة اكتشفت علاقتة ببنت يعرفها قبل زواجنا ومتواصل معها لبعد زواجنا ولا ادري وصل للحرام معها بس كانت له علاقة حب تربطه معها من كلامهم وهي كانت على مشارف الاربعين وهذا اول تراكم سلبي بحياتنا لانه ما انحل بطريقة مناسبه مجرد تأسف زوجي ووعدني مايتكرر وانا دخلت بدوامة من الشك وانعدام الثقه ونظرا لاني كنت اعطيه كل حاجه ولاقصرت خلاني احقد عليه واقلق من المستقبل اذا قصرت معه كيف بيقابلني المهم ان الموضوع راح بحال سبيله وبعد فتره كمان اكتشفت يكلم بنت متزوجه كان بموضوع شغل وشوي شوي بدى يخرج للسوالف لين صاروا يتراسلون بالواتس وبرضو تأسف زوجي ووضحلي اني فاهمه غلط رغم الضحك والمزح والسوالف اللي بينهم كمان صارت فيه مكالمات وضحت لزوجي ان الشي هذا يجرحني كزوجة بالوقت اللي كنت اهتم بامور البيت والغداء قبل لايرجع من الدوام كان هو مشغول بالسوالف معها مجرد مايجيني للبيت يمسك اللاب ويجلس ولاحاط اعتبار لوجودي كزوجة متناسي اني انثى ومحتاجة منه حب ورعايه بعد ماتكلمت معه وزعلت بموضزع محادثاته مع المتزوجه تأسف واتخذ الحل بأنه تأسف و يغير الرمز السري لجواله واذا جاء يفتحه ماينحرج مني يبعد الجوال ويحط الرمز ويطالبني بالثقه فيه طبعا غير اني بالصدفه لما جلست جنبه ارتبك ولمحت اسم بنت بالواتس عنده وطلع علطول وقفل الجوال
طبعا كنت خلاال الفتره هذي قمة الاحباط والخذلان منه انسان اعطيته كل ما املك ولقيت منه الشي هذا واهمال هذا اول الاسباب بمشاكلي معه واللي اتخذت اساليب عدة لحالها معه اولها الزعل وثانيها النقاش وثالثها السكوت والصبر واخر حل قلته له انه يتزوج وانا بدعيله بالتوفيق

نجي للمشكلة الثانيه كمان قبل سنة هههههه سنة النكبات بحياتي
اكتشفت زوجي وابو ولدي يشرب طبعا من زمان قبل زواجنا وانا ماكتشفت الشي هذا الا بعد زواجنا بسنة لاني طلعت من مجتمع ما اعرف شكل ولاريحتة الشراب ولا صفات اللي يشرب كنت اشوف زوجي يسهر ولما يرجع عيونه حمراء وريحته كريهة بس ماجاء ببالي لين اكتشفت الطامه بكيت وذكرته بابوة وامه واهله وولدة والفضيحة اللي بتلازمنا اذا طلع الخبر ووعدني يبطل ومازال من فترة لفتره اشم نفس الريحة مع انكاره انه مازال يشرب هذي ثاني مشكلة

وبعدها كمان لقيته يتعاطى حبوب ياخذ نص حبه مرات مهدئات ومرات منومات ومرات كبتاجون ومرات حبوب توتر ومرات حشيش لف زوجي على كل الانواع بالسوق اتوقع مع انه زوجي اللي يشوفه يقول انسان طبيعي جدا غير سهره بلايام ونشاطه ومايحس بتعب واذا نام ينام يومين ورى بعض وصلاة يتهاون فيها كثير يجمعها لين يصحى او متى ما كان رايق !!! وطبعا ماينشاف وجه بالمسجد الله يهديه صلاته بالبيت وهذي ثالث مشكلة بحياتي

والفراش حدث ولاحرج البس واتضبط ولا كأني انثى مايهتم ويشغل نفسه بالجوال واللابتوت لين يشوفني نمت ويكمل سهرته لوحده ويجي ينام بعدها مره مرتين ثلاث عشرين لين مليت وكرهت قمصان نوم وصرت احقد على محلات القمصان من كثر ماصرفت فلوسي عندهم
توقعت موضوع الفراش مو مهم بالنسبه له لين اكتشفت بالتويتر انه ضايف وحده تعرض جسمها وتطلع سهرات لقاء فلوس وكانت بحي قريب من الحي اللي احنا ساكنين فيه وهنا عرفت انه يمكن فعلا انا مو بنظره مثل ماكان يتمنى رغم اهتمامي بالموضوع هذا
طبعا ما اقول زوجي مايقربني الا يجيني بالوقت اللي يحدده هو متناسي ان لي رغبات ولا يطول علطول يخلص وينام غير انه مايجي الا بالظلام ولايطلب مني اي حاجه ويختصر كلامه انتي عاجبتني مثل ما انتي كأنهاء للمشكلة وهذي رابع مشكلة وحاولت احلها بالنقاش وكأني اتناقش مع نفسي طبعا

واخر حاجة واللي خلتني ما اطيق العيشة هي الاهممممممال والله طفشت من وضعي المستمر كذا طبيعتي كأنثى تخليني اقارن واشوف كيف عايشين غيري من دلع واهتمام صح ممكن يكون عندهم مشاكل بس يكفي اشوف الاهتمام هذا بعيوني انا ماطلبت هديه ولاسفره ولاتمشيه بس تمنيت الاقي حضن يلمني اذا شافني متضايقه انسان يسألني كيف يومي انسان يرسلي اذا برى يتطمن علي انسان يرسلي كلام حب ويحسسني انه شاريني ويحبني
وطبعا انا وصلت لمرحلة من التراكمات السلبيه اللي مو قادرة تنمسح من ذاكرتي ومع تصرفات زوجي اللي عدمت الثقه فيه وخلتني احس بعدم الامان والله احط راسي على المخده وانا ماني مرتاحه منه وما ادري ايش بكتشف فيه كمان ومع انضغاطي بتربية ولدي لوحدي قررت اطلع واكسب راحة بالي واحتفظ على الباقي مني

موضوع النقاش مع زوجي تناقشت مليون مره ولافاد اخر مره اخذت اغراضي كلها وودعت شقتي بلا عودة وهذي نيتي حاليا
هل تشوفون المشاكل هذي عادية وان تفكيري بالطلاق مبالغ فيه ولا ايش انا احبه كزوج لاكن ماني مرتاحة معه نفسيا ولا 1 % ولا حاسه بلأمان
انتظر ارائكم وجهوني لاني ماتكلمت مع اهلي ابدا بأي مشكلة حاصلة بيني وبين زوجي
من باب انه ابو ولدي ولا ابغى كلمة او نظره مو كويسه تمسه لاكن شايفه حياتي بعيد عنه اريح لي بكثثثير
اعذروني على كلامي الطويل بس محتاجه اقوله اذا مو من باب حل المشكله اكون فضفضت على الاقل

وعليكم السلام ورحمة الله وبركاته ..
أختي الكريمة الحب غير كافي أبدا، لاحظت سردك عندما قلت الأمور التي وقع بها زوجك وفي النهاية ذكرت الصلاة بأنه متهاون!
كيف تتوقعين حياة الإنسان بدون صلاة فهي التي تنهى عن الفحشاء والمنكر ؛ وإذا أردتِ إصلاح المشاكل التي تمران فيها فلتبدئي بالصلاة وتقوية الوازع الديني .
صدقا لا أعلم كيف تشعرين بحب من لا يصلي .
وفقكِ الله .

أختي مافكرت تعالجينه بالمستشفى كخطوة أولى لحل مشكلتك معه؟
الصراحة أختي الحياة مع انسان متعاطي، مضيع صلاته ودينه جدا صعبة،الخيار والقرار لك،
إذا هو تعالج من البلاوي اللي يبلعها ويشمها فيه أمل إنه يصلي وينصلح حاله،
مقدر أقول لك شي أكثر هذا اللي طلع مني.
الله يفرج همك ويصلح حالك ويرشدك للي فيه الخير لك.

الله يكتب لك اللي فيه الخير ويرشدك لطريق الصواب ..آمين

اختي الفاضله

من ترك لله شيئا عوضه بخيرا منه

ودمتي في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء

حبيبتي كما قالت سقيا عالجي الخلل الاساسي اللي سبب كل هالامور الثانوية وهي التهاون بالصلاة ....
موضوع الشرب والحبوب هاذي لازم يدخل فبها شخص حكيم وكبير بالعائلة فاهم وعاقل وهادئ يخلي زوجك يدخل لاحد المراكز للتخلص من للادمان لان منه ومن نفسه ماعتقد ! هالشي يبغي له ارادة وقوة عزيمة ويحتاج لظفعه قوية تجبره ع هالخطوة لنفسه اولا ودينه ولاسرته ثانيا ...

خطأك كان بالسكوت عن هالمسئلتين الشرب والحبوب والتهاون بالصلاة لان مثل هالامور تحتاج لوقفه مو منك فقط من اهله بالذات وهالشي مايعني الفضبحة لان هذا ولدهم مهما يكون وبيخافون على مصلحته وبيحاولوا معاه وع الاقل يحملوا الحمل معاك بظل معاناتك كلها ...

حاليا اتركي لنفسك المجال تفكري بحاضرك ومستقبلك وهل بالامكان تدخلي انسان حكيم من عائلته يساعدك عشان يتخلص من هالشي وايصا ينصحه بالنسبة للصلاة ام لا ... اذا تحسين وتعتبرين ان زوجك يستحق محاولة اخيرة للاصلاح اذن قوي نفسك واعطي نفسك دفعه اخيرة من الصبر والارادة بانك تساعديه يطلع من اللي هو فيه فان حصل واعطى نتيجة ايجابية ممتاز تكوني ضمنتي الخطوة الجاية وان لا فلك بعدها حرية الاختيار ،، انا اتوقع كل اللي سواه ويسويه هو من هللثلاث نقاط ...

الاخوات هناكلكم تكلمتم عن تهاونه في الصلاه وهذا شي عظيم طبعا بس ليش لما عضوه هنا فكرت بالطلاق عشان زوجها متهاون جدا في الصلاة ويختلس اموال من عمله اغلبكن استنكرتن عليها وانه هذا مو سبب عشان تتطلق وانه هذا بينه وبين ربه وعليها النصيحه بس ........ ليش نصايحكم متناقضه

اخواتي ماوضحت حاجه الصلاة مايتركها بس يصليها بوقت متأخر
واما مسأله الحبوب كانت من فتره طويله ووعدني مايستخدمها ومن بعدها ماصرت اشوفها لاكن ما ادري اذا باقي يستخدمها او لا واما الشراب اشم ريحة احيانا لما يرجع من سهره من اصحابه من فاسبوع لاسبوع
موضوع اني اكلم احد للأسف مافيه شخص حكيم اكلمه سواء من عايلته او من عايلتي والله محتاره بشكل كبير بين الطلاق وبين الاستمرار
طبعا غير اني عاطله ومع طلاق راح اعاني لصرفيه ولدي وهذا محيرني كثير ما ابغى يحس بنقص وفرق عن غيره من الاطفال

روحي لاهلك..وقبل تمشين قوليله بقولك كلمتين قبل امشي ..اذا تبيني ارجع لك واعيش معاك ونكمل سوى عالج عن الادمان..واترك الشراب وصل بالمسجد واترك بنات الحرام ..لاتزيدين عليها وروحي لاهلك اجلسي عندهم فتره وارتاااحي وخليه يعيد حساباته ..وانتي هالفتره استخيري واكثري من الدعاء والاستغفار والصدقه ..وان شاءالله بتفرج لك قريب

واضح من ردك هنا انك ضعيفه للاسف..لاتستطيعين مواجهة مشاكلك بقوه ..تبحثين عن اعذار له حتى يقال لك اصبري وتنازلي عن حقوقك ...خذيها نصيحه :لاترخصين نفسك