(تناقص اهتمام خطيبتي بي )
السلام عليكم ورحمة الله وبركاتة
اخواني واخواتي انا ماسجلت في هالمنتدى الا بعد ماشفت التفاعل بينكم وحبكم للخير واتمنى تساعدوني
انا مملك من تقريبا 8 شهور وزواجي بعد 4شهور
مشكلتي مع خطيبتي ان لها شهرين متغيره علي ماصارت زي اول قبل كانت تكلمني وتهتم وتسال علي وتسمع لي وتحاول تقضي اكثر وقتها معي, طبعا عبر الواتساب وسالتها ليش كذا؟ تقول مشغولة!!!قلت لها انا دايم مشغول واذا كلمتيني اكلمك واحاول ابديك على كل شي في حياتي وافضي نفسي لك عشان اكلمك وكلمتها ثلاث مرات عن هالموضوع ,انها لازم تهتم واني محتاج لها واني اضحي بحاجات كثيره على شانها, واكلمها باسلوب حلو وامزح معها وتقولي ابشر, ومايجي بكرا الا ولاكاني كلمتها المشكلة قلت لها في المره الثالثه هاذي اخر مره اكلمك عن االاهتمام واللبيب بالاشارة يفهم (بغيت اقول لها ترا لو كررتيها ابي ازعل عليك بس خفت تزعل علي ومشكلتي اني حنون )
سالتها قلت تحبيني؟ قالت: اموت فيك. متضايقه مني ؟ تقول لا ابدا مستحيل اتضايق منك. احد موصيك علي قايل اثقلي عليه ؟ قالت: لا المشكلة واضح عليها انها متضايقه من اسئلتي بس ماتقول انا متضايقه
انا مو مقصر معاها بشي احبها واهتم فيها واسال عنها واقول لها كل كلمة حلوه وانواع الهدايا.
ياناس والله طفشت وش الحل ؟ صرت اكلم نفسي وافكر كثير

(تم التعديل ليتناسب مع المضمون)

وعليكم السلام ورحمة الله وبركاته
خلها تنفس شوي يمكن انت من النوع اللي كثير تتكلم وهي ماعندها وقت.
والواتس ضايع للاوقات صدق"
خلاص اصبر اجل كل سوالفك للزواج ما باقي شي.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

اشكرك على تفاعلك معي

دايم اخليها تتنفس يوم او اكثر بس اقلها تسال علي تشوف ميت ولا حي

عجل با الزواج احسن لك ولها كل مت كثرت المدة تصيب الاثنين با الملل

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

أشكرك على المشاركة

حددت موعد الزواج واتفقنا حنا وأهلها وهي موافقه على الموعد يعني شي وخلصنا منه
اذا هي ملت هاذي مشكلتها بس اقلها تهتم وتسأل وانا اكلمها وما مليت وأحاول اغير أسلوبي معاها للأفضل وأغير الجو اذا تطفش الحين بعد الزواج وش بتسوي
وش اسوي معها وش الحل ؟

العيشه معها شي ثاني
ترى التواصل الكثير يملل
خفف تواصلك معاها صير
ثقيل الثقل زين ..
ترى وانا مملكه كنت انحرج
لما زوجي يتصل او يرسل
وامسك الجوال تعليقات واحراج
يعني افرض ان هي محرجه
من اهلها الزواج ماباقي عليه شي
انشغل بالتجهيزات افضل
واكرر اثقل عليها المراه تحب الرجال
الثقيل ...

وبالتوفيق اخوي

__________________
ان صبرت عفت الصبر يامعين الصابرين
وان شكيت للناس ماشفت غير احراجها

أشكرك يااختي على الرد الأفضل من رائع
الصراحة كلامك خلاني اتاكد من ان السبب الأحراج(الحياء) لانها دايم تقولي انا استحي.
وانا أفكر اني ما أكلمها اسبوع مع اني مقدر اتحمل بس وش اسوي 😭
هل تعتقدون هذا الحل ينفع ؟

هذا واجبنا .. لا شكر ع واجب

انشغل عنها باي شي واشغل وقتك
بشي من هواياتك او طلعه مع اصحابك
او مع اهلك واعطيها مساحه شوي
مو شرط تحدد اسبوع ولا شهر
بس قلل من التواصل
وراح تشوف النتايج قريب ..

وبالتوفيق

__________________
ان صبرت عفت الصبر يامعين الصابرين
وان شكيت للناس ماشفت غير احراجها

جزاك الله خير🌹، كلامك الصراحة مقنع وطريقتك أن شاء الله تجيب نتيجة أبجربها من اليوم 😍
وإذا فيه نصائح أو حلول أتمنى منكم تساعدوني، بحكم صغر سني ماعندي خبره أو أحد عشان أكلمه في مشكلتي😭 وهذا المنتدى هو المكان الي أرتاح فيه😌 ، وأتمنى تعتبروني "أخوكم الصغير". 😊
في انتظار المزيد من النصائح والحلول. 🌹

وعليكم السلام ورحمة الله وبركاته
أخوي راجع ردي على الموضوع هذا وان شاءالله يفيدك

http://www.66n.com/forums/showthread.php?t=255218