عمري 33 وزوجي 44 متزوجين من 11 سنه من اول ليله كان عنده ضعف ومع الأيام زاد ومع قدوم اول طفل زاد وصار ينام برا الغرفه على أساس ان البنت تزعجه ومايقدر ينام على انه وضع موقت
حاولت معاه مره يجي ويرجع لنفس النظام
تكلمت معاه مليون مره وقال ان عنده مشكله واكتشفت انه كان مدمن أفلام اباحيه ..
واخر مره قال لي انه قاطعها على كلامه بس عنده مشكله
ومافكر حتى يروح يتعالج ... بكيت وقلت له عالاقل ابي حنان مب شرط .حس فيني ماكنت كذا في بدايه الزواج قال كبرنا ومرحله وانتهت ..
ووصلت في انفعالي وهددته اني بخونه

كان رده هذا انا تبيني والا بكيفك ننفصل .كنت .ابي يحس يغار يهتم ..صنم حتى ما شك ولا كأني قلت شي
بالنسبه لي انا مااقدر انفصل عشان اهلي وعيالي عند اهلي الموت ولا الانفصال
ولنا سنه الحين انا امثل اني طبيعيه وهو اغلب وقته برا البيت او نايم في غرفه ثانيه طبعا

وانا مجروحه ومكسوره وكل نقص في الدنيا احسه فيني احاول اشغل نفسي وأصوم مشكلتي مالها حل

وانا الحمدلله شكلي عشرينيه وماني ناقصه شي وبشهادته

بس الله مبتليني الحمدلله على كل حال