السلام عليكم ورحمه الله وبركاته
أخواتي / أخواني
اسعد الله أوقاتكم بكل خير
انا مطلقه من 9 شهور وعندي طفله وحبيت أفضفض ماحصلت أحد يفهمني وحالتي مايعلم فيها إلا الله
انا مو متضايقه على الطلاق لا..!
قرار الطلاق كان برغبتي والحمد لله على قضاءه وقدره
طليقي يخونني مع بنات من أول شهور زواجي وصدمني صدمة العمر وكانت من ضمن علاقاته وحده متزوجه ولها 3 اطفال وحسيته يحبها ومتعلق فيها من الاسم المسجل لارقامها عكس غيرها من البنات مسجلهم ق...
واجههته في البدايه وأنكر وظلم صديقه أنو الجهاز له وتبادلوا الاجهزه والأرقام لصديقه فلان وهو خلوق وشريف مايعرف بنات والا ماكان تزوج وحلف لي بس قلبي حاس انه كذاب بس ماعندي دليل غير الارقام اللي شفت
لحد ماكشفته في آخر يوم لي معه نفس رقم البنت المتزوجه بجهاز ثاني غير عن الجهاز الأول ورغم حرصه على الجهاز وكان فيه رمز سري بس بقدرة قادر كشفته وربي أراد اعرف الحقيقه ونصر صديقه بعد سنه من الخداع والكذب والظلم
ولما واجهته ماقدر ينكر لأن التهمه ثابته
وليته اعتذر وحسسني انو ندمان ،، بالعكس جرحني واهانني وقال لي البنت أبيها من سنتين يعني من قبل زواجنا يعرفها
لو مو متزوجه ممكن اقول نهاية الحب الزواج بس هي متزوجه من قبل تعارفهم وعندها 3 اطفال
تبي متزوجه خاينه وانا صاينه نفسي ومحافظه على عرضك رغم تقصيره معي من جميع النواحي ويوميايتركني بالبيت لوحدي ويخرج ويرجع الفجر ينام كم ساعه قبل الدوام وأحيانا ينام برى البيت وانا لسى عروس
وبااستطاعتي اخونه مثل مايخونني وكل شئ مهيأ لي بس خوفي من الله واخلاصي له يمنعني وكنت صابره اقول لعل وعسى يتغير
بس طعني وسرق فرحتي ماتهنيت مثل أي عروس ودمر بيتي وحرم بنتي من أبسط حقوقها
ومن صغري كنت أحلم بالزواج وأعوض النقص العاطفي بالحلال وكانت مشاعري عذراء تمنيت تكون لمن يستحقهابس للأسف
رغم كل عيوبه وتقصيره حبيته حب صادق لأنه اول رجل بحياتي ماعرفت غيره لاقبله ولابعده وجزاني بالكذب والخداع والخيانه وهضم حقوقي حتى بنته من طلاقي ماعطاني مصروف لها وهو عارف ماعندي وظيفه اصرف عليها
9شهور وكل ليله انام ودمعتي على خدي
كلما أتذكر خيانته وكلامه الجارح واهانته لي احس بسكين في قلبي تنغرز أكثر وأكثر
يمكن اللي جربوا آلم الخيانه يحسوا بالشعور اللي بداخلي ويفهموا علي
لو عشيقته ماتزوجت ممكن اقول ماجربت معنى الزواج وماحست بجو الاسره والأرتباط بس هي متزوجه للأسف وعندها اطفال وماقدرت نعمة الزوج والأطفال وعارفه انه متزوج وعنده طفله ليه تهدم بيتي وتشاركني بحلالي وتأخذه مني ومن بنته وهي عندها زوج واطفال وعايشه أفضل مني
وهو كمان ليه يحب متزوجه بذمة رجل غيره وعندها اطفال منه مايخاف على أعراض الناس؟!
حرقوا قلبي ودمرواحياتي وشتتوا بنتي الله يحرق قلوبهم ويشتت شملهم ويذوقهم من نفس الكأس اللي ذوقوني منه
حسبي الله ونعم الوكيل،،، الله ينصرني ويريني فيهم عجائب قدرته ويأخذ بحقي منهم بالدنيا قبل الآخره..
اعذروني كلامي مو مرتب بس اكتب وانا ابكي وفيني قهر وحرقة قلب..







تم تعديل العنوان ليتناسب مع المضمون

يا حبيبتي الله يعوضك بحياة جميلة وهانئة
بس لا تفكرين في الماضي وتقتلين حاضرك ومستقبلك
قدامك الحياة جميلة صدقيني أما هو فعاقبته وخيمة ولا حول ولا قوة إلا بالله.. نسأل الله العافية ولا نظلم أحد من المسلمين ..

حبيبتي الله يعينك ويصبرك ،،

الطلاق قدر حاله حاله حال الزواج لازم ترضي فيه

اول شيء غيري اسم معرفك لاسم فيه تفاؤل وأمل واحمدي ربك انك اكتشفتي ف البداية

ساعدي نفسك تنسيه وربي بنتك وبالنسبة للنفقة كلمي والدك ف الموضوع وشوفي ردة الفعل

اللي صار ف حياتكم بنتكم مالها دخل فيها لاتحطوها بالمنتصف !

الله يفرج همك

__________________




ربِ هب لي من لدنك ذرية طيبة أنك سميع الدعاء

فضفضي واخرجي مافي قلبك
هذا انسان لايستحق انسانه شريفة زيك
وانتي عوضك الله بخير منه وافضل منه بأذن الله
وبنتك اطلبي من المحكمة مصروفها
عليك بالدعاء والاستغفار

__________________
يارب ابدل حزني فرحا وسرورا وابدل مرضي صحة وعافيه ياكريم

اسأل الله العظيم رب العرش العظيم ان يبرد قلبك ويفرج عنك ويبدلك بالتقي النقي حسن الخلق المحب المتودد اللي تكوني ملكة قلبه وحبه الاول والخير

الله يجبر قلبك ويجبر كسرك
ويعوض بنتك خير من ابوها


واقف لك احتراما على موقفك الشجاع
بتخلصك من الزاني وعدم اضاعة عمرك مع شخص قذر

__________________
ربنا هب لنا من ازواجنا وذرياتنا قرة أعين

واجعلنا للمتقين إماما

الحمد لله الذي اراحك منه
وسيعوضك بأحسن و انظف
هو اللي مفروض يبكي على بلواه

__________________

خاااااين ؟؟

الله معه ، بسلامته ؟

ليش ياختي تبكي عليه ؟ المفروض تبكي فرح تخلصتي منه ؟

خيانته سبب كافي انك تطوي صفحته ولا تتذكريه بخيره وشره

لاتبكي علي الاطلال ، وخلك قويه ، خذي حقوق بنتك ، وكثر الله خيره

هو الي اختار ، جرب الحرام فحرمه الله لذة الحلال

لاتزعلي حبيبتي ، قولي لنفسك دائمآ ان الله يمهل ولا يهمل ، والمتزوجه لاتخافي ربي ممهله
تحسبي وكفي بالله خير وكيل

انسي ، انسي ، هو ولا عباله انتي ولا بنته ،

لاتحبسي نفسك بالماضي ، تجاااوزيه ، بقوه

تري مايستاهل يابنت الحلال والله فكك منه ،

فيه بنات من يوم ماتتطلق من الخاين ، ترد لها الروح وتبني حياتها وتصير مضرب للمثل والاعجاب

انتبهي لنفسك وبنتك وبس ، وانسيه الله يستر عليه

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

الله يجبر كسرك ويعوضك بأفضل منه

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

الله يكتب لكِ الخير حيث كان

ويبدل حالك الى حال ترضينه منه عزوجل

الحياة مواقف وتجارب حتى لو كانت قاسية لكن واجب ان نعرف كيف نقف على اقدامنا مرة اخرى

اسأل الله ان يربط على قلبك ويلهمك الصبر كالنفس الذي تتنفسيه

__________________

يا أختي يكفيك فخرا وشرفا كلامك عن شرفك وعفتك وصيانتك لزوجك !
والله هذي في حد ذاته نعمة لك من الله عز وجل
وطلاقك منه أمر عادي تنفيذا لسنة إلهية : الخبيثون للخبيثات والخبيثات للخبيثين والطيبون للطيبات والطيبات للطيبين ..
أنت طيبة وتستحقين طيبا مثلك
والله العادل الجبار سيعوضك بإذن الله خيرا في كل شيء ..

__________________
## مهم ##
هل تتعرضين للابتزاز في الانترنت؟


هنا من ينقذك