السلام عليكم ورحمته الله وبركاته
اسعدالله ايامكم وجعلها عامره بذكره
من مده كان لي موضوع قديم والحمدلله حلت المشكله http://66n.com/forums/showthread.php?t=248881


بعد مرور سنتين تحدد الزواج وبديت اللويه والتجهيز
كنت احاول قد مقدر ان فرحتي ماتكون ظاهره مره اخاف اجرح مشاعرها او اضايقها >> طبع فيني لازم احسب حساب للكل ماحب ازعل احد
وهي كمان ماقصرت ساكته .. بس اهم شي محد يطري الزواج قدامها او خطيبي لان مودها راح ينقلب ويبين علي وجهها الزعل .
والامور ماشيه .. اقترحت علي اختي اني اكلمها واقول لها تساعدني بتجهيز القاعه والكوشه واني احتاج مساعدتها من باب اني ادخلها معي بالجو وماحسسها اني نافرتها .
رفضت وبشده لاني عارفه انها بترفض وبتتضايق وماله داعي اضغط عليها
بس اختي الله يهديها اصرت الا اكلمها
استخرت ورحت امس وارسلت لها اني محتاج مساعدتها بالتريبات وان اذا كان هالشي يضايقها مو لازم ولاتزعل ..
تمنيت اني ما ارسلت لها ردها حزني جدااااااا وضاق صدري ضيقه لايعلم. بها الا الله
ماقريت كلامها الامره وحده وجلست ابكي اليوم كله
كان من ضمن كلامها انها حاولت تضغط علي نفسها وتساعدني لاكنها ماقدرت .. حتي النوم مو قادره تنام من الحزن وتتمني ان يحصل لها شي منشان ماتحضر الزواج ..
شعرت بالاحباط والحزن جلست اندب حظي الا اليوم
تمنيت اني رفضت الخاطب من البدايه وابتعدت عن وجع الراس ..
ماعرف من الملام ومن المذنب ..
حسيت بعد كلامها فرحتي قلت ماعندي حماس ليوم الزواج ابد .. ونفرت من خطيبي مابي اكلمه ولا يكلمني ولا اسمع طاري عنه احسه هو السبب ..!!
احس اني مشتته ومحبطه ..
والله توقعتها نست سنتين كفيله انها تزيل حزن ..

كيف اقدر اواجهه بعد اللي قلت .
ارجع ارسل لها ابرر موقفي
والله الحزن باين علي وجهي ماني عارفه كيف ابعده ..من امس جالسه بغرفتي ماني قادره اطلع منها مشتته ومتضايقه
الله يسسسر الامور ويعديها علي خير

تم تعديل العنوان ليتناسب مع المضمون