السلام عليكم


ليا كم ساعه اكتب و امسح
بس ما اقدر اوصل اللي ف قلبي




المختصر انا انسانه لي 3 سنين من زواجي و ما اتهنيت لظروف كثيره


وقفت مع زوجي كثير و لكن طلع اناني الزم ما عليه مصلحته
رافض بعثتي عشان كلام مجتمعه اللي يستحقر الحرمه و انها لازم تكون خددامه لزوجها و اهله و للانجاب ع ان شرطي اكمل دراستي موثق ف العقد
كرييييييييييييييييييييييييييييييييييييييم مع الناس و يقصر علي بحجه انو مستحي منهم و انا عادي

طول حملي اراجع فحكومي عشان اولدف خاص و قاعده اجمع فلوس من عنده و من حافز و تعبت ف شهري الثامن و ايام تعبي كلمتني امه انو اولدي ف حكومي وفري كلفه عليكم قلت ؤبي ما يحيجني للحكومي و قالت له لا تولدها ف خاص و هوا الا يسمع كلامها طيب اتفاقنا و الفلوس و راحتي و صحتي التعبانه رجع وافق بعد ما انهانت كرامتي و لما اخته بعدي ب شهر بتولد و دتها خاص
جات ولادتي عاجله ف اول اسبوع ف الثامن اول ولاده و الله اني من الخوف اسناني تطقطق من الخوف باقي ع عمليتي 3 ساعات اهله ازعجوه الا تجينا تتقهوى و تتغدا و هم عارفين انه معاي ف المستشفى انا ما كلمت امي تجي عشان معاها سكر و تتعب مرا و تركني و راح و جاء و انا رايحه لغرفة العمليات بدل لا يهديني و يطمني يروح يتونس تركني ف اصعب لحظه ف حياتي

حملت جات اعياد ولدت ما شفت منه هديه ع انه يهدي للناس



طلبات اهله ينفذها فورا و بدون نقاش حتى اخواته المتزوجات انا يأجل


طبعا هو ف منطقه يشتغل و انا عند اهلي و عندي بيت هما ف عمارة اهله لما يجي من سفر اول ما ادخل بيتي اكون تاركته من اسبوعين ل 3 يفاجأني انو عازم اهله طيب لسى ما سولفت معاك ما جلست معاك ما قضيت اغراضي الناقصه ما تمشيت حتى ثلاجتنا فاضيه
يعني يجي عشان يعزم اهله او يقعد معاهم يوميا
و انا اكرررررررررف ع بالكم يقول امشيها اوديها سوق مستشفى اعوضها غيابي لا
ع بالكم يجلس معاي يسولف يضحك لا

معلق حياته و سعادته ع اهله و جمعاتهم طيب انا وين مين يسعدني

قدمت ع جدارة و اخترت كل المناطق
عشان افتك و ابعد
و صابره عشان بنتي استناها تكبر شوي و اسلمها له
و اطلق
و الله يعوضني و يعوضه






ما اقدر اعيش مع انسان ما يحبني و لا يحسسني بحبه و يستخسر فيني وقته


انا صح او لا او ابالغ


علما اني مختصرررررررررررررررررررررررررررررررررررررررره كثير


تم تعديل العنوان ليتناسب مع المضمون

الله يهديك بس زواج ثلاث سنوات والثمرة بنوتة وتقولين تبين الطلاق.. بس الاكيد ان هالكلام عتاب وفضفضة لا اكثر وليس طلب جدي لطلاق ..فية اخطاء وتدخلات
والاهم من ذلك كلة والمفترض ان زوجك بعد ما يرجع من عملة بعد سبوع يخصص يوم كامل يجلس معك وهذا من ابسط حقوقك علية والواجب فهمية انك متضايق ولا انتي مرتاحة من هالوضع والله يسخرة لك

__________________
سبحان الله وبحمده سبحان الله العظيم

والله هذا اللي ف بالي و هذا اللي مخططه عليه اني انفصل
و ليته يجي بعد اسبوع احيانا 3 اسابيع او شهر

طيب وماذا بعد الانفصال
هل تتوقعين هذا لحل
وانا متكد لو حصل الانفصل
واستلمتي ورقة الطلاق
ستندمين ندم على هذا القرار
والاتنسى لديك طفلة ومشاكل النفقة
وزيارة وبتدخلين في دوامة لانهاية لها
ولكن اذا انتهت الحلول كلمي والدك يتكلم معة
وياليتك تمرى علي قسم المطلقات عسى الله يفرجها عليهن
وتعرفي حجم المعاناه

__________________
سبحان الله وبحمده سبحان الله العظيم

كلامك صح

والله اني اصبر عشان بنتي تكبر و عشان عندي امل ان الله يبدل الحال لاحسن حال
بس اذا استمر الوضع هاذا قراري

كيف طريقتك بالمطالبة بحقوقك؟؟
وكيف ردة فعلة؟؟

امممم اطلب بهدوء و اذكره بدون زن و تكرير
ردة فعله طيب ان شاء الله و يأجل و يوديني بعدها بأيام
و كلللللللللللله كلام ف كلام بسويلك و بجيبلك و بوديك و لما يجينا يفقد الذاكره و ينسى


و اذا طلبت بصراخ و مشاكل و عصبيه
وداني بس اكون كرهت كل شيء
لأن المفروض يبادر قبل اطلب اساسا
و اموت قهر ع نفسي انو كرامتي انهانت و انا اطلب شيء

من حقي

تصدقو حتى بنتي ما تعلقت فيها و احاول اضبط مشاعري و امسكها
و اتعذب كثير ما العبها ما اضمها ما اغنيلها
اسويلها الاساسيات رضاعه اكل تغيير ترويش تنويم
عمرها 9 شهور احلى شيء ف الدنيا هي
بس اخاف يكسر قلبي فيها و انا ما ابغى اضعف

عشان اذا اطلقت عطيتها ابوها و نسيت الماضي

زوجك مشكلته انه يغيب فتره عنك وعن اهله ..
ف طبيعي يرجع وهو مشتاق لاهله ولكٍ ..
ولكن يأجل وناسته معك بعدين بحجة (انه يمدني عليها )..
ومع الوقت ينسى انه ما جلس معك ويعتبره شي عادي ..
لذلك زوجك ينقصه ثقافة الزواج والمقصد منه وهو (الاستقرار) ..
وعدم معرفته لمشاعر الزوجه ..
وانا كنت مثله نوما ما و حاس بوضعك الان ..

ولكن لا اعتبرها مشكلة كبيرة الا اذا استمر الحال ف هذا خطر وقد يؤدي الى الجفاف العاطفي بينكم ..

لذلك صارحيه بما في داخلك ..!!
والواضح من كلامك ...الشي الوحيد الذي تريدينه منه ( الاهتمام ) فقط ..
وحاولي ان تراجعي نفسك قبل كل شي ..
هل انا مقصره ؟؟
هل تعاملي مع زوجي جيد ؟؟
حاولي ان تتعرفي على الجوانب السلبيه عندك قبل ان تحاولي ان تصلحي ماعنده ..!!

وفقك الله

__________________
كن ثرياً بأخلاقك , غنياً بقناعتك , كبيراً بتواضعك ..

اكيد اني صارحته اكثر من مرا بس نفس الوضع و لو انا مقصره و ما اتعب نفسي كان ما زعلت