صباح الخير

بيتنا الحالي له سنه ونص زوجي مجدد البويات قبل زواجنا وقبل شهرين معدلين واحد من الحمامات البيت مكون من مجلسين واحد حاطه الخادمة فيه وغرفه لنا وغرفه لاولاده وصاله انا اللي مو عاجبني ان غرفه الشغالة عند باب البيت وجلستنا بالصالة ولازم وهي رايحه المطبخ تمر فيها احيانا انام اطول ومافي غير زوجي بالصالة ومو مرتاحة من الوضع مرة كنت بنام قلت له قوم مافي قعدة بالصالة وحدك بس احيانا يعاند ويجلس وما ابغى هالموضوع يكون نقطة خلاف بيننا ففكرت ( طبعا باقي ما اخذت رأيه بالفكرة ) ناخذ شقة اكبر اسوي فيهاغرفة معيشة ونستغني عن جلستنا بالصالة

طبعا انا متأكدة مليون في الميه راح يرفض لو قلي الاجار بيكون غالي وعليه ديون الفترة الحالية بساعدة بباقي المبلغ لحد ما يخلص ديونه اللي هي ثلاث سنوات

طبعا في حال رفض راح احول مجلس الحريم غرفة معيشه واستقبل ضيوفي فيها بس خايفة يرفض اعرفه مايحب التعديل في البيت

مساعدتك لزوجك حق واجب

__________________
سبحان الله وبحمده سبحان الله العظيم

مَا لَيسَ ( فِيهِ ) ,, ومَا لَيسَ ( لَديهِ ) ,,

تَمَعَّني يا مُبَارَكةُ ,,

لا أملِكُ خَلفيَةً عن سابِقِ مواضِيعِك ,, لِكن أنتِ بِهذا تَخلُقينَ مُشكِلَةً مًحتًمًلَةً مِن لا شيءٍ ,,
فَهُوَ لا يَملِك ُمالاً لِزيادَةِ الإيِجارِ المُحتَملَةِ حالَ النقلِ ( ما ليسَ لَديهِ ) ,, ولا أقراُ لكِ هُنا أنَّهُ لَهُ سَوابِقُ مَواقِفَ ظَنِّيَة الحُدوثِ أوقَطعِيَةُ الحُدوثِ معَ الخَادِمَة ( ماليسَ فيهِ ) ,, وإلا كانَ مِن الأولى تَسْرِيحهَا إنْ كَانَ حَدثْ ,, لِيطْمَئِنَّ قَلبُكِ ,,
أمَّا مُسَاعَدَتَهُ في دفعِ الإيِجارِ لِشقَّةٍ أُخرى لا يَضمَنُ لَكِ مَوضُوعَ الخادِمَةِ إن كُنتِ تَخافينَ فِعلاً ,, ,, فالمسأَلَةُ لا تَتَعلَّقُ بالمَكانِ ,, بل أراهَا تَتَعلَّقُ بِكِ ,,

لا أدري ,, ولكِن أبعِدي ( سُوءَ الظَنِّ ) ,, فَهُوَ لا يأتِ بِخيرٍ ,, ويَفتَحُ باباً مُشرَعاً للتفكيرِ ( المُتعِبِ ) ,, أشغِلي نفسَكِ ,,

مُوَفقَةٌ يا ( نرجسية .. )

__________________

ممكن اساعده احيانا لان زوجي ما يقصر والحمدلله هو مايطلبني يمكن لاني شارطه هالشيء في العقد
اما المساعدة واجبة فلا

ليش اختلق مشكلة من لا شيء
ممكن أأجل فكرة البيت الجديد واحول مجلس الحريم لغرفة معيشة واستقبال ضيوف خاصة ان ضيوفي قليل
لاني خايفة يتعود على مساعدتي في الاجار ويبغاني استمر عليها بعدين كفاية انا شايلة مصاريفي والشغالة علي وخاصة انه وعدني نغير الشقة بس بعد فترة يمكن سنتين

اما موضوع الشك فزوجي الحمدلله ماله سوابق ولا اشك بأن في شيء بينه وبين الشغالة بس مو حلو انا نايمه بالغرفه والشغالة داخله خارجه قدامه ان ضمنته انا ما اعرفها ولا اعرف اخلاقها
والاحتياط واجب

ماخلا رجل بامرأة الا كان الشيطان ثالثهما

من الحلول اللتي تملكينها
شقة اكبر وتنظيم اكثر
شقة اكبر يصير مجلس الرجال وغرفة المعيشة او مقلط التحضير مع دورات المياة حقتها عليها باب ويتقفل
وباقي الشقة غرفتين وحده لنومك ووحده لاستقبال الحريم وصالة للتلفزيون
هذا من ناحية الشقة الاكبر

من ناحية التنظيم الاكثر
ممكن غرفة النوم تكون كبيره وفيها شاشه عشان لو نمتي يتابع وهو عندك تقطعين الطريق على سالفة هو سهران وانا نمت اذن يسهر ينام وهو معك بالعرفة
رغم اني ارى صعب احتمال الشاشه في غرفة النوم بس اعرف ناس مصلحين كذا


اعرف كثير مصلحين كذا ومرتاحين
ولم اجرب

__________________
من عاش لله ومات لله فقد ربح دنياه وأخرته...

هلا بنت غاليها
انا عشان كذا افكر ببيت اكبر بحيث مجلس الرجال مع دورة المياة بباب يفصلها عن الشقة يكون لها
وهي تشتغل ساعتين الصباح وتروح غرفتها ما تطلع الا لم افتح الفاصل وبالليل بعد 8 او تسعة تروح لغرفتها ماتطلع الا اذا طلبتها بس برضه الحرص واجب وانتظار سنتين لتغيير الشقة اشوفه كثير

والله الخادمه هم

لا تتركينه يجلس في الصاله وأنتي نايمه أنتبهي

وإذا تبين تعدلين عدلي هو بيتك مثل ما هو بيته ولازم يكون لك رأي

مساعدتك له في الاجار دام انك شايله نفسك وجايبه الشغاله امر مفروغ منه

توكلي على الله ساعديه دامه يحب يرضي خاطرك ويبي راحتك وتعرفين اش فلوسه فيه وخوذي شقه اكبر ولا تقولين السبب الشغاله قلي ابي انطم بيتي عشان اخذ رااااحتي معاك البس واتكشخ واحتفل فيك ونصلح كل اللي نبي ما ابيها تراقبنا اخاف من العين والعين حق

__________________
من عاش لله ومات لله فقد ربح دنياه وأخرته...

👍👍👍
وغير العين

قولي ما أرتاح وهي تراقبنا


أحياناً الخادمه تحقد على الزوجه وتنوي لها الشر

الله يكفينا شرهم