السلام عليكم و رحمة الله

فيه موقف بسيط حصل من اخت زوجي
و بيتكرر بعض المرات .. و عشان قبل لا اتصرف بنفسي و اخد موقف
قلت برضو أستشيركم

.
.

- عملت حلى و قهوة و رحنا لبيت اهله و انا الي قلت لزوجي نروح لهم !؟
مع اني غير مجبرة اسوي لهم و لا زوجي يجبرني .. بس قلت عشان وصلوا أخواته من السفر

- طبعا يسلموا علي أخواته بدون نفس و لا يطالعوا فيا و لا كيف حالك و لاشي .. و سلام بارد
سواء انا او سلفاتي .. مع انه سلفاتي يخدموهم و يشوفوهم دايم .. يعني يتكبروا على حريم اخوانهم
مع انه انا المفترض اشوف حالي عليهم ..

- تغدينا و انا جالسة جنب زوجي ..
و هو يغرف لي و هما مطنشيني طبعا و انا مطنشتهم و أبرد ماعندي ..

مع العلم انه سلفتي تجلس في السفرة الي فيها الاطفال مثل الشغالات يعاملوها ..
بس انا زوجي ناداني بعد ما غرفت لولدي الكبير في سفرة الاطفال ..
و ناداني زوجي اجلس معاه ..

- جلست أأكل أولادي الصغار في الغرفة الي كنّا نتغدى بها .. لانه الصغار كانوا رافضين ياكلوا
و أولادي مو مرة متعودين على عماتهم .. و قلت لكم من اول انه اهل زوجي باردين مع الاطفال مررررة

- ابو زوجي كان لوحده في الصالة عشانه صايم ..
و هما راحوا يبغوا يجلسوا بالصالة بعد ما اتغدوا ..

- قالت لي اصغر أخواته الي كويسة معايا .. تعالي و قلت لها ااكلهم و اجي ..
و زوجي رقد بعيد شوي و قال ابغى انام .. و ناس داخلة و خارجة و انا مع أولادي

- قلت له ليش ما تجلس في الصالة !؟
عشان ابوك .. و طنش و قال ابغى انام

- قامت اخته ترمي كلام و صوتها واصل عندنا و تقول :
اذا بيجلسوا مع بعض لوحدهم .. كانوا جلسوا في بيتهم ..
و انتبهت انها تقصدنا .. بس طنشتها و كبرت دماغي

و رجعت عادت نفس الكلام .. كانوا جلسوا في بيتهم
دام جالسين مع بعض في الغرفة ..

و هما في الصالة و يشربوا قهوتي و ياكلوا الحلى حقتي

.
.

أولادي شبعوا و شلت صحنهم و دخلته المطبخ
رحت جلست في الصالة

و اخوات زوجي مطنشيننا انا و سلفاتي و جالسين مع أخوهم الكبير و مع زوجي
و انا و سلفاتي جالسين مع ابوهم .. و هو يقرا القران كان

زوجي راح غرفة اخوه الصغير و حط راْسه بينام
اخوات زوجي دخلوا كلهم في غرفة و يهرجوا مع أخوهم الكبير ..
و مع انهم راح يشوفوه كل يوم و كل ساعة

و انا و سلفتي لوحدنا

ايش رأيكم !؟
مع العلم انه حماتي مسافرة لكن تعاملها هي و زوجها كويس معايا و الحمدلله
و محترمين حالهم الحمدلله

و زوجي ما يواصل اهله كثير
و كلهم عارفينه من زمان

.
.

ايش الحل المرة الجاية
عشان لا اتهور مع اخت زوجي لو بيوم دقت و رمت كلام

تاني يوم تجمعوا .. و طلبوا من زوجي يجي و يجيبنا معاه في بيت اخوه ..
انا ما كنت متشجعة اروح .. بس اروح عشان أولادي و عشان خاطر سلفتي تحبّني ..
و خاطر زوجي و امه و ابوه

و هما كلهم ينقهروا لما يشوفوني مع سلفتي و هي مررررة تخاف منهم و من زوجها
زوجها يقول عشانها تعطيني فضايحهم و تخرب بيني و بين زوجي .. لانها عاشت معاهم 22 سنة

لكن فعليا هما مقهورين لانه يقولوا السلفات عمرهم ما يتفقوا
و نفسهم اننا نكره بعض .. بس ما بيصير الي في بالهم ..
و سلفتي ضعيفة و تقول لي ماعمره احد قدرني غيرك ..


زوجي كان نايم و صحيته قلت له يتصلوا عليك .. و قال مابغى اروح ..
قالي زوجي لو تبغي تروحي ؛ نروح ..
قلت له مالي نفس .. و باروح عشانك ..

مع اني بالعادة .. و لو عاملوني كويس ..
كنت قلت له خلينا نروح ..

بس كمل نومه و ما راح ..

و سالت سلفتي ايش عملت !؟
قالت انها طبخت لهم .. و بعدين جلسوا مع أخوهم كالعادة
و هي لوحدها جالسة مع الصغار ..

قالت لي لو جيتي كنّا جلسنا انا و انت مع بعض
و عملنا قهوة و حلى و تسلينا ..

قلت لها المرة الجاية ان شاءالله ..

.
.

كيف في عيد الحج أعمل معاهم !؟
و كيف اتصرف معاهم !؟

.
.

حماتي قبل لا تسافر قالت لي بذوق و احترام .. و هي بتكون مسافرة طبعا ..
قالت لي : لا تنسي تجي العيد انت و اولادك و تفطري مع بناتي ..
قلت لها أبشري ..

زوجي طبعا عنده دوام في العيد .. و اخواتي و اخواني مسافرين
و زوجي ما يبغى يذبح أضحية في العيد هذا ..

و لو رحت فطرت في العيد ببيت اخو زوجي ..
راح يرموا علي كلام .. و يسمعوني كلام ..
عشان يبغوني انا اذبح و اضيفهم ..

و اخته السوسة هذه .. من زمان لاحظت عليها
لما تنزل بالإجازات .. تقلب امها علي ..

بس المرة هذه .. ام زوجي كويسة معايا ..
محترمتني و انا محترمتها .. و ما اعتقد ام زوجي مستعدة انه نختلف من جديد مع بعض ..
عشان لا نتقاطع من جديد ..

www.66n.com/forums/showthread.php?t=261297

هذا مختصر الي كان بيني و بينهم ..
و وصلت الامور و الحمدلله لوضع سليم ..

لكن شكلهم أخواته الاتنين ..
مو ناويين يجيبوها للبر ..

و أفكر اني أرد عليهم
و مرات اقول اطنشهم و استفزهم بطريقتي ..

و تصرفاتهم هذه عن قصد ..
انه مرة الولد ( شغالة )

اخو زوجي يسب حرمته قدامهم و ينبسطوا
يشوفوه رجال ..

تعدلوا معايا في عيد الفطر ..
و دحين بداوا يرجعوا للحركات القديمة

مع انه امهم و ابوهم كويسين

بس أختهم هذه من زمان لاحظت انها تقلب راس امها علي

.
.

المختصر ..

كيف اتصرف معاها !؟

امس كنت راح ارسل لها رسالة و أوقفها عند حدها
و اقول لها تحمد ربها اني عايشة الى الان مع اخوها و عشان الاولاد
و اُسلوب الدق بالكلام .. اُسلوب غير محترم و غير مهذب

و مثل ما أعاملها باحترام ..
تحترمني غصب عنها .. و باستطاعتي الرد عليها و على غيرها

.
.

بس طبعا ماني غبية
عشان أحقق لها مرادها

بس هي زودتها
و انا مو مثل زمان اتحمل و اسكت و أعدي اي موقف

عزيزتي روح افضل حل انك تطنشيها تسمعي من هون وارمي الكلام من هون
والسبب اذا احسنا الظن و كانت مش قاصدة الاساءة بس حابة انكن تجلسوا معها هيك بتكوني ابتعدتي عن مشكلة

واذا في حال قاصدة الاساءة او انها تقهرك
وقت ما تردي على كلامها هيدا اكبر جواب بيضايق الشخص المسيء لك
وخاصة بس يعرف انو يا جبل ما يهزك ريح
والعيد بحسو نهار للواجبات بفضل تروحي تفطري المهم تبسطي الاولاد
وخاصة عمك موجود يعني اعتبري انك عم تزوريه الو
وبس تحسي حالك بحاجة لتنهي الزيارة انهيها وهيك بدون اي مشكلة وسوء تفاهم

الله ييسخر لك عباده حبيبتي روح😙😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

تعديل :
كنت أفكر اقول لها .. لو بينها و بين اخوها شي
ما تدخلني بينهم .. و تحل مشكلتها بعيد عني ..
و عيب اُسلوب الدق ..

ما راح اقول .. تحمد ربها على اني عايشة معاه ووو الخ
بس لحظة غضب جات ببالي ..

.
.

بس ما ينفع معاهم الأسلوب هذا .. لانهم كذابين و بسهولة ينكروا

- ميمو

ينقهروا من أخوهم انه بعيد عنهم .. و هما عارفين مالي دخل ..
و يقوموا يرموني و يدقوني بالكلام ..

و الأسلوب هذا ما يعجبني .. و اعتبره قلة ادب ..
لما يقولوا لزوجي ( كنت جلست انت و حرمتك في بيتكم !؟ )
او ما شابه من تعليقات ..


و لو جيت جلست معاهم ..
طنشوني و خسروني و لا كاني موجودة ..


و لو ما جيت .. برضو اذوني ..


و لو جلست مع سلفتي .. انقهروا كمان و ارسلوا اي وحدة من البنات الصغار
يقولوا عشان السلفات ما يصيروا يجلسوا مع بعض ..


يبغونا عبيد باختصار .. و خدم ..

و عشان كذا .. ينقهروا لما يشوفوا زوجي معطيني اعتبار قدامهم ..

.
.

ابغى أرد عليهم المرة الجاية ..
بس اخاف اجيب العيد ..

مابغى أطنش ..
لانه زودوها ..

.
.

الحل /

اتدلع على زوجي قدامهم ..
مع اني كنت محترمة مشاعرهم و محترمة حالي ..
و ماني من الحريم الي تخلع الحياء قدام اهل زوجها و تلصق بزوجها ..

بس لازم أصير كذا ..

المشكلة في العيد

انهم يروحوا بيت أخوهم .. وًيبغوني اروح هناك

و لو رحت هناك .. راح يسمعوني كلام كمان ..
و يقلوا أدبهم ..

انه كاننا جوعانين و جايين ناكل ..

.
.

مع انه أولادي و انا .. ما ناكل الحمدلله
و أكلنا قليل مرة .. واولادي الحمدلله رشيقين ..

رايحين بس عشان الواجب ..

حبيبتي روح ما دام علاقتك مع سلفتك منيحة وهالشي بضايقهن
كثري القعدات معها ويقولوا شو ما يقولوا
وخدي معك ضيافة من احسن ما يكون لسلفتك
بالعكس اذا رديتي رح تقول انو كلامها جاب نتيجة ووصلتلك اللي بدها توصلوا وهوي تضايقك وتزعجك
اما اذا ما اعطيتي ردة فعل هيي رح تاكل حالها بحالها انو ما عم يأثر فيكي شي ولا مهتمة لكلامها وقيمتك ما بتنزل لمستوى ما فيه احترام
هيك بتكوني رديتي الصاع صاعين وبتكون ورقتك بقيت بيضا ما دام قلتي بكذبوا يعني ممكن يحكوا الكلام اللي بدهن ياه
وبتوسع البكار وبتكبر القصة
صدقيني وقت تتعودي تقابلي هالشي بقلة الاهتمام وعدم الرد ولا كأنك متأثرة او مهتمة للكلام اللي اتوجهلك ولا حتى اسمعتيه
بتكوني اعطيتي اكبر درس للمسيء وضربتيه الضربة القاضية 😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

روح..

روحي عيدي عليهم في العيد ـ من باب أداء الواجب ووفاء بوعدج لأم زوجج .. ولا تطوّلين.

سلمي على عمج وعلى الجميع واجلسي مع سلفتج .. وإذا بعثوا لكن وحدة من الصغار تخرب عليكن عطيها عين حمرا وقولي لها: عيب تقاطعين الكبار لما يتكلمون.

__________________


اللهم طِيبَ الأثر .. وحُسْنَ الرحيل.

كويس .. يعني ما أرد عليهم .. و خلي تصرفاتهم هذه مع نفسهم ..
بعدين لو تكلمت معاهم .. يطنشوا ؛ و لا يعملوا حركات بوجههم ..
و ما عمري رديت لهم نفس الحركة .. طبعا حركاتهم مو قدام ابوهم او زوجي ..

مع اني ما اذيتهم بشي ابدا ..
هما بالتحديد ( ثلاث من أخواته )
البقية مشي حالهم .. الى الان .. يعني اخف منهم ..
او بالاصح ؛ صاروا اخف من قبل ..

مقهورين و يبغوني اكون مثل سلفتي معاهم ..

مسكينة .. هي تخاف منهم ..