السلام عليكم ورحمة الله


هذي الله يسلم كم وحده قريبتي جداً تغير مني غيره عمياء
وتقلدني في كل شي
واحطه نفسها في مقارنه معي دايم في كل شي ولا تبيني التميز عنها بشي يعني غيرتها ممزوجه بحقد
اذا جلست تجلس وإذا سافرت سافرت حتى لو هي ماتبي تسافر تغصب نفسها ًع السفر اهم شي زيي
الحاصل الحين ان زوجها شرا بيت من اربع سنوات تقريبا وساكنه فيه وعادي
وحاليا زوجي توه شرا بيت بس بيتنا مساحته اكبر من بيتها طبعا هالشي صار صدفه مو بتخطيط مني هي الدنيا قامت وقعدت عندها ليش بيتي اكبر وجالسه الحين تزن على زوجها يبيعون البيت ويشترون بيت اكبر
لا وتقولها لي بالفم المليان ترا جالسين ندور بيت مساحته كذا يعني اكبر من بيتي

وانا خلاص واصله معي منها ابيها تطلعني من رأسها قسم شي يقرف

تم تعديل العنوان ليتناسب مع المضمون

و عليكم السلام

طلعيها انت من راسك. بدها تشتري تشتري ان شاء الله اثنين. لا عاد تاخدين بالك من اللي تعمله او تقوله

اعانك الله ..
التنطيش الكبير + التغافل
خليها اتحس انها طفله بتطنيشك لها

اذا قالتلك انها حصلت بيت كبير ..قولي لها والله ...طيب الحمد لله ...

هل تعتقدين أنها مبسوطة؟

هي متعبة أكثر منكِ .. والمفروض أن تشفقي عليها.


في كل الأحوال تقليدها لكِ لا يضركِ في شيء .. لذلك لا حل سوى التجاهل.

__________________


اللهم طِيبَ الأثر .. وحُسْنَ الرحيل.

تعتقدين لماذا تقلدك؟

اريد اجابة عميقه

حبيبتي العلاج تسوين كل شي بصمت مو شرط تعرف
زوجة اخوي نفس الشي حتى العاب ولدي وشنطة ولدي واكل ولدي
سمعتني اتكلم انه وديت ولدي العبه عادي زي اي طفل دق اخوي اليوم الثاني وين تودينه وين حطيتيه
والكورس الصييفي علمتهم امي انه دخلت ولدي كورس. صيفي دق يسالني
اضطريت ماعاد اعلمهم دخلت ولدي الروضه قلت لاامي لاتعلمون

نزلت صور كوفي رحت له بقروب العائله اليوم الثاني منزله هي صور من نفس الكوفي

انا فاهمه قصدك

انا ابيها تنبسط وتعيش حياتها بدون ماتتابعني ممكن تستفيد بس صفه سيئة يبي يعيش حياته ويعيش حياة الناس

صرت مااطلعها ع اي امر حتى طلاقي تعرف زيها زي غيرها

خلييك رسميه وصامته مو كل شي تعرفه ومو شرط تذكرين مساحة بيتك عيشي حياتك لنفسك مو مهم هي تعرف

طنشي هي اللي بتتعب

__________________
اللهم صَل وسلم على نبينا محمد

هي تقلدني تبغى تثبت ان اي شي عندي هي تقدر تجيب زيه وتجيب الأحسن
تحاول ان ثبت انها الأفضل
يعني الغيره هي الدافع

اختي انا سريه وصامته والأشياء اللي تعرفها تعرفها غصب علي لانها من اهل زوجي وطبيعي يعرفو اي شي عن ولدهم
بس هذي حتى بوسط السوالف ألقاها تنط وترد يعني حتى بالكلام ما اخذ راحتي
يعني استقعاد من كل النواحي