السلام عليكم
سبق انا طرحت مشكلتي مع زوجي ..عصبي كثير السب والشتم والاهانة لي
بحكيلكم الموقف
اول يوم دوام واعية مصدعة جدا من النوم وكالعادة جلس يستهزأ قمتي ارتحتي اهم شىئ راحتك لعنت بليس وسكتت جلس بنتي وسخت نفسها قام يغلط علي بعصبية وبالفاظ بذيئة..انا انقهرت ولا قمت خلا الشغالة تنظفها وهو يسب ويلعن في وفاهلي ومابقى كلمة علي..طبعا هالموال كل يوم..انا سكتت وجلست استغفر واستغفر ..وكل يوم يرسلي وانا رايحة الدوام دعوات علي عشان يقهرني ويسبني ويتمنالي الموت والمرض ..سكت عنه وجلست 10 ايام انتظر يعتذر لان تعبت يغلط ويسب وانا اركض وراه لان اتعب من الزعل بس للاسف هو كل يوم يتمادى..ويخط من قدري قدام اولادي واهله والشغالة...المهم امس رحت بيت اهله وشاله بنتي كنت ما طايقة اجلس فالبيت دقيقة وحدة لانه فكل ثانية يحط من قدري..جى بيت اهله وبنتي لما شافته بغت معاه تخيلو قام يشل حصى ويرميني فيه وفبيت اهله....رجعت بيتي ابكي مثل المجنونة ومنصدمة للهدرجة وصلنا...بعدها جات بنتي تصيح تريد معي ..وجى ولدي الكبير 8سنوات وجلس يضارب اخته ويغايرها وكنت ما ناقصة والله ضربته بس بالمخدة بس كان ماسك من الايباد وضرب نفسه وجلس يصيح جيت وحضنته ومسحت عراسه بس دخل ابوه واسمع صياحه..جى وسحبني من وسط اولادي وقام يضربني والشغالة سمعت صريخة وانا ما حركت ساكن كنت بعدني باث الصدمة الاولى..دخلت الغرفة وقام مد يده علي جات بنتي حبيبتي بابا ليش تنازع ليش وجلست تصيح بحرقة ينفطر منها القلب شلها وطلع ...وجلست وحيدة نص ساعة ...ما صرخت ولاشئ بس جالسة كذا مصدومة..بعدها جى زوجي وسكر الباب وباس راسي وقال سامحيني وانتي السبب وانتي تستفزيني بتصرفاتك..خليت عيوني فعيونه وقتله 10 ايام انت غلطت علي وسبيتني وجرحتني قدام اولادي واهلك ةالشغالة تنتظر اجي ابوس رجولك احظنط ..انا بشر انا عندي احساس وكرامة...8 سنين عهذا الموال يسب ويلعن ويهيني وانا ازعل وانهار وكنت غالبا انا ابادر بالصلح لان اتعب نفسيا م الزعل..بس للاسف ما جاب نتيجة معاه ياترضي بهذه العيشة ولا تزعلي مهما اهمنتك او ارضي من نفسك يا بزيد عليك الاهانة والتجريح اذا ورمتي وزعلتي
ياناس ياعالم والله العظيم انا ما سيئة للهدرجة اتنازل واجد عشانه وعشان بس نعيش حياة طبيعية احسه مان علي بزواجه مني...للعلم انا جامعية ..موظفة ..من بيت اصل وفصل ونسب عالي...
تعبت ايش يرضيه وكيف اعيش معه بدون تصادم...ماشئ فايدة معاه جربت كل شئ
هو حاليا يريد نفتح صفحة جديدة
بس انا قتله ما مسامحتنك لادنيا ولاآخرة..واكرهك ليوم الدين
والله العظيم عارفة ما شئ بيتغير بيوعد يوم وبعد يومين بيرجع يسب ويلعن علي لابسط موقف تافه
اريد مشورتكم الحكيمة



تم تعديل العنوان ليتناسب مع المضمون