السلام عليكم ورحمة الله وبركاته
كيف حالكم
يمكن بعضكم راح يعرفني من المعرف حقي وقد نزلت المشكلة قبل يمكن سنة او اقل
انا تعبان نفسيا انا الله بلاني بالعرضي بلاني بكل شي تتوقعوه تمنيت صدمتني سيارة ذاك الوقت عجزت اقدر اسكر هالصفحة
انا افكر انتحر بشكل جدي قسم بالله الدمعة بالخدي انا انسان اعتديت على عرض طفل
وكنت وقتها طفل بعد ومادري حتى ياناس شلون بديت وكيف تجرأت هلى هذا شي
بدت المصايب من 4 ابتدائي انولد فيني شعور بالشذوذ قوي وانا توني لسى طفل
والى يومكم هالشعور فيني واتمنى القى علاج
لدرجة كان تجيني احاسيس وافكار غريبة مدري من وين جت
واستمر الوضع لما شافني واحد من قارايبي واستغل الوضع واعتدى علي عرضي واستممرت القصة 4 سنين حتى ماتحملت وقلت للوالدة وقالت لخالي وخالي جلده جلد وبغى يذبحه بعد مانتهيت منه اذكر لاختلينا انا وهو في مكان واحد كان يحاول يولد فيني الشذوذ بطريقة غير مباشرة وكم مرة حاول يبي يعتدي علي وانا كنت امنعه وكنت خواف وقتها من دخلت المتوسطة وانا بالعذاب تحرشوا فيني طلاب واجد لدرجةة كنت عايش في عذاب نفسي حسبي الله عليهم ونعم الوكيل البركة من الوالد وتربيته معي صرت خواف وتكسرت وتحطمت وكنت اغيب واجد عشان ماقابل واحد منهم وفوق لما كنت وحداني وبعيد عن مجتمع الشباب ما احتاج اقولكم وقتها كيف الناس يشوفوني ويتمسخروا علي لاني لا اعرف اتكلم مثل الناس ولا اعرف ارد مثل الناس ويوم خلصت من المتوسطة
وبديت بالثانوي نفس شي لاعرف ارد واصلا ماكنت اتجرأ بسبب تربية الوالد والتعنيف وتهديد يعني اللقاها من من من هي المدرسة هو البيت واستمرينا لما خلصنا الثانوي
وتغيرت شوي بس مازال فيني الخوف وربكة لدرجة كان معي طالب من ثاني ثانوي حطني عيارة للناس لان فيني رعشةة وخوف ورهاب الاجتماعي قاتل وثقة بالنفس معدومة
والمسؤولية احطها برقبة الوالد والوالد عني معترف هو الغلطان فشل في كل شي
وكان يخليني ارابط امي حتى خلوني اختلط معا قريباتي وقعدت معهن 8 سنين ومايحتاج كيف اسلوبي وانتم خابرين النتيجة وفوق هذا عيال عماني مابيني وبينهم اي ذرة احتكاك
عكس اخواني الباقين طبعا بقولها عن تجربة قعدت وحيد من سنين طويلة ومراهقتي كلها وحيد حتى فقدت مهارات الاجتماعية لاعرف اتصرف ولا اعرف اركز
وتحطيم الدايم اسمعه من اهلي حسبي الله ونعم الوكيل مادري انا وش سويت عشان ابتلي على هالبلاوي وفيه اثنين من عيال خالتي بما اننا قبيلة وحدة وبدو فاكانوا الى يومكم يستنقصوني ويصفوني بالقليل المرجلة وبالعربي مايع وموب رجال وعز الله صادقين
لاكن في سابق اما اللحين تغيرت بشكل افضل وللحين ينظرون لي هالنظرة وافكر اقطع علاقتي بالكامل يبون الواحد بدوي وانا باصل عشت بيئة حضرية وفحبيت العيشة وتربيت على هالشي معا نفسي وبعيد عن الوالد
وانا زي ماقلت فقدت مهارات الاجتماعية وعند عيال خالتي عكس تربوا بيئة بدوية
وحياتهم كلها برا اكتسبوا مهارات كثيرة لدرجة تعلموا سواقة وهم بزارين عكسي انا يالي كان عمري 18سنة وماعرف اسوق وصار عندهم خبرة كبيرة بكل امور ومايحتاج اوضح عن الفطانة الي اكتسبوها من المخالطة معا البدو الاحظ فيهم فطانة وسرعة الرد بكل شجاعة واجتماعين عكسي انا وفي مجتمعي مافيه احد مايسوق كلن يعرف يسوق
وانا مايحتاج اوضح شعوري القاتل الي احسه ليه الناس تعرف تسوق وتروح وتجي وانا لا
بدت الجامعة ووضعي خطير مستوعبين ماعرف اسوق وماعرف ابدا وفوق هذا حالتنا المادية سيئة جدا ومن سكان الرياض وتخبرون سواقة الرياض الصعبة
رحت داومت وشعوري كان سيئ وحالتي صعبة جدا ونفسيتي ضاربة
احيانا وانا اسوق كنت افكر اسقط على اي سيارة وتدعسني وارتاح
ورحت وجيت واستودعت نفسي لرب العالمين لما تعودت شوي لاكن الدراسة كانت صعبة
او المشكلة فيني ماستوعب شي وماعرف اركز وكان فيني خوف
رحت وأجلت سنة كاملة وبعدها عودت وقعدت شهور وانسحبت من الجامعة
بعدها قدمت يدوي بالجامعة باحد المحافظات القريبة وقبلوني وقعدت ثلاث اسابيع واعتذرت وحاليا انا معتذر والسبب الخوف وحدة ونفسيتي تعبانة من احداث القديمة
الى يومكم وانا اطالع الناس وتجيني غيرة ليش انا الوحيد الي ابتليت ليه ما مت
هذولي كيف عايشين حياتهم واكيد انهم احسن مني بالواجد
لاني مريض نفسي هذا الي يجي ببالي وحالتي جدا صعبة
فيني نسيان حاد مرعب حتى صرت معروف عند العايلة
واظن كثرة تفكير واجهاد المخ وارتكبت اخطاء تشيب الراس واخطاء محرجة طبعا بالهبل بالهببببببببببببببل وكانت تطيح من قدري وكأني بزر وصرت معروف عند الوالد ولايعتمد فيني واجد وكان احيانا يستنقص فيني ويقول السبب ماتروح معي المناسبات وانا الحقيقة ماحب اروح المناسبات بسبب اقارن نفسي بشكل مستمر واحياانا ماعرف ارد
واحيانا ارد بشكل طبيعي وجميل واعرف اتكلم وتجي فترة ماعرف انطق كلمتين
ولاحظت نفسي هالفترة بشكل طالع عن غير ارادتي اتلعثم بالكلام احيانا
واغلط بالوصف شخص مثلا بقول سالفة لشخص نقول انهو سلطان فعل وسوا وشخص اسمه احمد واحمد راح جاب الشي فلاني وهكذا
وجيت برجع لموضوع احمد الاحظ نفسي اقول سلطان بدل ما اقول احمد
مليون مرة صارت معي موبس في اسامي بحاجات ثانية حتى ماعاد قمت اسولف بالشي واحيانا احاول وهذي كلها بسبب الحياة الي عشتها بعيد عن الناس سببت لي صعوبة في اختلاط وصعوبة بالكلام هذا وزيادة ماعرف اشب ضو ولا اعرف اصلح الطيب للرجال ولاعرف اتصرف فحاجة وصبة القهوة ويالله يالله
انا تجيني فكرة من فترة طويلة ووافكر اطبقها وهي اعيش في مدينة ثانية وابعد نفسي عن الجماعة مادام حياتي كذا متدمرة
والله شي يجزن تشوف الي اصغر منك خبرته خبرة واحد عمره في سن 30 ويعرف يصلح كل شي وانت يبو 20 سنة ماتعرف تسنع شي حتى صرت عن عيال خالتي عيارة
ي غبي ومايعتمد عليه بالشي وقد صارت مواقف لي معهم ف انا افكر بشكل جدي اقطع علاقتي نهائيا انا حتى صرت من كثر ما اسمع كلامهم صدقت نفسي وصارحت نفسي لابوي ومرة وكانت غلطة كبيرة كنت احسب الوالد بيقدر يساعدني وطلعت غلطان
اقصى شي يسويه اني اروح معه المناسبات ومرة غلطت الي اغلاطي ماتخلص
وعصب الوالد وقال صدق فلان الي هو ولد خالتي يوم قال انك مانتب رجال
وغلطت واجد وتفشلت عند العرب كم مرة حتى حفظوني والجماعة حطوا فيني اني متوحد
وفيه اكثر واكثر بس هذا الي يحضرني حاليا وتعبان ولا ابي السالفة تطول
استنتج من كل الحوادث وعلى كل الي صار لي

- يوكل حقي وأنهان ومارد
- الخوف ونظرة اني مختلف عن الناس
- وساويس قاتلة وسواس قهري
- ضعف الوزاع الديني
- قلة الخبرة الاجتماعية
- الرهاب الاجتماعي
- اكره التجمعات بسبب عدم وجود ثقة النفس
- والي يخطر على بالكم تراه فيني لاحد يتفاجأ بشي واحتمال كبير فييني

وفوق هذا سويت وراتكبت معاصي من سرقة من كلام ومن امور عدة والدين عندي ضعيف جدا لدرجة ما اقرا قران وهاجر القران سنين الثثقافة اسلامية معدومة الله المستعان
واستيعاب عندي ضعيف مادري نقص فيتامينات ولا السبب حياتي غير الاجتماعية
ومالي حظ بالحياة والله مالي حظ بالشي فاشل بكل شي بكل الجوانب
وحياتي بالبيت ماعندي اي حرية لافي لبس ولا باي شي اللبس حتى محروم من البدل بسبب التخلف يعني عايش بالعربي بالكبت وحاب وللاتوضيح الوالد ماعنده اي معلومة عن ماضيي اسسود يمكن بعض احداث عند خلفية عنها اما الباقي والاكبر مايعرف ولو درا علقني في مشنقة الله لايبلاكم انا بس عار على قبيلتي وعار على عايلتي فيه احداث بالهبل ماذكرتها حتى في فترة اعتداءات الي صارت لاني منحرج

مادري وش اسوي انا اشوف الحل ومقتنع ابتعد عن الناس واسافر منطقة ثانية واشتغل هناك وابعد عن الي اعرفهم واعيش هناك لحالي وودي ابتعد من اهلي ويتبرون مني

مرات اقول احتاج شخص يوقف معي ويسمعني لاكن من الي بيسمعني وبيساعدني
لو قلت همي لاهلي بيخلونها عيارة لو صارت مشكلة ولا واحد فيهم اثق فيه
ولا واحد منهم بيوقف معي كلن على همه سرا ومحدن همه الثاني
ننهاية الكلام عندي نصايح من مجرب ياناس يالي عنده اخوان صغار خافوا الله فيهم
ولاتهملوهم وخلوهم يخالطون الي اكبر منهم حتى يكتسبون مهارة الرد وعدم الخوف
والفطانة وعلموهم السواقة لاصارت اعمارهم 15سنة وكثروا طلعاتهم الاجتماعية
ولاتخلوهم يكونون منطوين على انفسهم وخلوكم قريبين منهم عشان تكونون على بينة بكل شي ولايصير لهم مثل ماصار لي انا لما كانت عندي المشكلة كنت خايف من اهلي اقول لهم المشكلة حتى تدرجت وصارت من مصيبة الى مصيبة وفاجعة
فاتقوا الله فيهم وزيدوا ثقتهم بأنفسهم وارحموا المراهقين تراهم يعيشون فترة صعبة جدا يتحسسون من كل شي

ولو كان فيه اخطاء املائية استروا على ماوجهتوا لاني تعبان ولي فترة وانا اكتب

ورجاءا لاحد يكبر مصيبتي ويقنعني باني في دوامة مالها حل فا أنا احاول اقنع نفسي فيه الي أسوأ مني واحاول اتعايش معا الوضع من سنين والى اللحين ماقدرت واحيانا اتناسى ولاكن الحزن والامها بداخلي
ولو كان فيه اخطاء املائية استروا على ماوجهتوا
ولاتنسوني من دعاكم انا وصل عمري 20سنة وانا حالتي نفسها متدمرة وودي بالموت
وودي اصلح في ديني ودنياي
اللهم رضيت بك ورضيت بالقدري فارحمني انك الرحمن الرحيم
اللهم ي مقلب القلوب ثبت قلبي على دينك

اولا اعانك الله وساعدك اخي الفاضل
ثانيا انصحك وبشدة مراجعه طبيب نفسي وبماانك في الرياض ارشح وبقوه الدكتور طارق الحبيب سوي موعد ممكن ماتلقى قريب وروحله واحكيله كل شي بالتفصيل لانه طبيب ومتفهم ماشالله في هذه الامور كثير وعلى حسب حالتك حيقرر هل تحتاج دواء او فقط جلسات تغيير سلوك معرفي فيه في اليوتيوب له مقاطع كثير عن الرهاب والثقه بالنفس وغيرها ولا تقول ولا لاحد لانه هذا امر يخصك مااحد له علاقه فيه
ثالثا : حافظ على الصلاه والمسجد والدعاء بان يشفيك الله نفسيا وبدنيا ويشرح صدرك وييسر امرك ويرزقك صحبة صالحة بين الاذان والاقامه اخر الليل بعد التشهد قبل السلام
رابعا بين كل فتره وفتره انزل عمره لانه العمره سبحان الله قجدد النفس وخذ معاك احد من اهلك من اي شخص تحسه قريب منك

اخوي محمد
ان كان من شي اريد قوله فانت رجل كونك اعترفت بكل مشاكلك عكس الكثير الذي لايصارح نفسه ويكابر.

الخطوة الاولى في الحل تعريف المشكلة واسبابها وانت عرفتها واعترفت بمجموعة من اسبابها.

الحل بيدك واقترح عليك ما يلي:
1. تقوية الوازع الديني بشكل كبير جدا .
2.ملئ وقت فراغ بما يفيدك من دورات حلقات تحفيظ قران زيارة اقارب.
3. زيارة استشاري او مختص نفسي ومصارحته بكل مافي نفسك ليبدئ معك خطوة خطوه.
4. انسى الماضي واستغفر ربك لمى ما مضى واحمد ربك على ما انت فيه من نعم لاتعد ولاتحصى وتفائل وقل ان شاء الله لمستقبلك.

وتذكر ان الله عز وجل قال في كتابه الكريم : ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))

وقال عز وجل : :" وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ (36)"

طيب وين المشكله انك تصلي الصلوات الخمس و تقرا الأذكار ، بعدها امورك تتحسن من نفسها

لا حول و لا قوة الا باالله العلي العظيم
اسأل الله العظيم ان يأخد بيدك و ان يدبر امرك فيحسن تدبيرك و يدلك سبيل الرشاد
و يرفع عن البلاء و يسخر لك من يعينك علي الخروج الي نور الله و ضياءه

__________________

كيف تيأس وتحزن وربك اللطيف ذو الرحمه؟

وكيف تهتم لكلام الناس وإلى الله مرجعك لا الى الناس؟

وكيف تتعلق بالدنيا وانت مفارقها في يوم لا تعلمه؟

. . . . . .

أخطأت في حياتك لا يعني بإنك إنسان معدوم

بإمكانك أن تتغير ، بإمكانك أن تكون الشخصية التي تريد أن تكون عليها

بإمكانك أن تحدد مصيرك ، أن تغير ظروفك ، وتحس بالحياة إحساس جديد

لاتجعل ظروف الحياة القاسية تعميك عن إيمانك بالله ويقينك بأنه هو من سيفرجها

فكلما حزنت اعلم أن الله يرسل لنا الآلام والمتاعب لكي يقوينا لكي نرجع لأصلنا وهو عبادتنا له

. . . . . .

افصل الناس واراءهم عنك

أنت بشر تخطئ مرة وتصيب مرة

لا تعلم ربما ربي قدر لك هذه الحياة لـــ تصبح انسان رائع انسان لك كيانك انسان في حياتك عظيم

دائماً هناك شيء جميل في الألم ، سينفعك عاجلاً أو آجلاً

. . . . . .

كن كما تريد أنت

أنت لن تستطيع تبديل الماضي ، ولا تغيير أفكار من حولك ، ولا إصلاح اساليب وتعامل الآخرين معك

لكن تستطيع تغير أفكارك ، وتبني ذاتك وجمال شخصيتك

لذلك ركز على صنع نفسك الآن ومستقبلك العظيم

. . . . . .

ارجع إلى الله وكن همك الله فقط ، فلا حياة حقيقية إلا معه

لايكن همك أن تكون انسان رائع واجتماعي ومضرب المثل

قد مايكون همك رضى رب العالمين

عندما ترضي ربك ، ربك سيرضيك لا محالة

القوة يا محمد عند الله

القوة يا محمد بقربك منه

القوة يا محمد في صلاتك

في اذكارك

في علمك ودينك

في جمع زادك للآخرة

كلمة جميلة قرأتها - قد يبتليك الله بالأذى ممن حولك حتى لا يتعلق قلبك بأي أحد

لا أم ولا أب لا أخ ولا صديق، فيتعلّق قلبك بهِ وحده.

وما أجمل أن تكون حياتنا وتفكيرنا فيه فقط لا يشغلنا انسان ولا يعيبنا فعل

تغير وكن كما تريد ، لا تنتظر شيئاً يغيرك ، كن أنت سبباً بعد الله في استخراج جمال روحك

انصحك بمصاحبة الأخيار - وفكرتك أن تغادر مدينة آخرى فكرة ممتازة

لكي تبعد وتعرف نفسك على حقيقتها

هم ستتغير افكارهم تجاهك عندما يرونك فعلاً متغير

لا تكن ضعيف لأنك أخطأت - الذنوب والحسنات بيد الله ارجع إليه صادقاً تواباً
اطلب منه الغفران وأن يسخرك لطاعته ومرضاته وأن يعطيك القوة. الدعاء الدعاء يامحمد!

اتمنى فعلاً أن ترى نفسك وحياتك النور

__________________

تغيير البيئة اراه قرارا صائبا
سجل في جامعة ام القرى وابذل جهدك في الدراسة
ايضا ادرس القران حفظا ووتجويدا و تفسيرا على ايدي المشايخ في الحرم
اشغل وقتك بالمفيد و المفيد فقط ان كنت تريد ان تبني شخصيتك من جديد سوف تنسى الماضي و تحتك باخرين جدد و تتعلم مع الوقت الاعتماد على النفس .
القران سوف يعطيك فصاحة و جزالة و قوة في الكلام لا تحلم بها
وترجع الى اهلك و قد بنيت نفسك ان شاء الله من جديد و بشخصية مغايرة لشخصيتك باذن الله
طبعا قبل هذا كله ابدا باقامة الصلوات في اوقاتها و اكثر من الاستخارة والدعاء و الصدقة .

مع الرد هذا
اشوفك رجل كامل ومو ناقصك شئ من كلامك فقط ينقصك بعض التجارب والابتعاد عن الماضي
إذا لم تحب الدراسة انصحك تسجل بالعسكرية إذا طولك مناسب واختر مدينه بعيدة وادخل حلقة تحفيظ قران عشان تقدر تحافظ على امور دينك
الله يبعد عنك ما يضرك ان شاء الله

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

لا تحطم نفسك يامحمد أنت تنظر للسلبيات اللي عندك لكن فيه إيجابيات كثيرة عندك ماانتبهت لها ومن راقب الناس مات هماً
ماعليك من كلام الناس خلهم يقولون اللي يقولون خل عندك ثقة بنفسك المهم علاقتك بربك تكون صح حتى يوفقك ربي والمهم أيضا محافظتك على صلاتك وعبادتك وانسى الماضي ولا تفكر فيه ومثل مايقول المثل هرج في الماضي نقصان في العقل ومايمنع تروح طبيب نفسي وماهو لازم احد يدري
الله يوفقك

سلام محمد
اعانك الله وفرج همك
نصيحتي وحده
اصلح مابينك وبين الله تنصلح امورك بينك وبين الناس ..
انا الاحظ تلوم نفسك واهلك كثير بس ما فكرت ولاحاولت تسوي شي يعدل وضعك
يعني الجامعه
هي اكثر شي يغير الانسان نقطة تحول
.. تفكيرك بالامور السلبيه .. يزيد من وضعك
غير تفكيرك .. تفأل
قول انا اقدر اتغير
التغير يبدا بخطوه وهو تغير طريقة تفكيرك
والاهم اصلح مابينك وبين ربك
رتب امورك ..
والله يسعدك ويساعدك و يفرج همك

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..