السلام عليكم ورحمة الله وبركاته

أثق فيكم وحابة آخذ آراءكم وتنوروني بنصايحكم كيف أتعامل مع زوجي بعد التقاعد ، هو باقيله عدة شهور ويتقاعد..
كيف تكون نفسية الرجل بعد التقاعد خصوصاً وهو متعود عُمره كله دوام وشغل.

والشي الثاني أنا مدرسة وعندي دوام وهو حيكون جالس في البيت وأنا أروح للمدرسة ،أنا حنام بدري وهو أكيد حيسهر لأنه يحب الكورة وبرامج الكورة ،،كيف أنسق هذا الموضوع؟ وهل هذا الوضع يأثر على نفسيته أو على علاقتنا؟

والأمر الآخر هو يقول إنه راح يريِّح بعد التقاعد شهر ثم يفتح مشروع،،

طيب إلين مايفتح المشروع ويوقف على رجوله معقولة ياخذ مصروفه مني؟

مع العلم هو راح يستلم من عمله كل مستحقاته المالية حقت نهاية الخدمة وراح يكون مبلغ حلو.

أرشدوني كيف أتصرف معاه من هذه الناحية..
خلال زواجنا هو قصر معايا كثير كثير كثير مع إني ماقصرت معه مادياً بشي.. بس لما شفته اتسلتح علي وما قدّر مواقفي صرت ما أعطيه قرش ولا أوقف معاه حتى لو قال ماعندي مايهمني ولا أتأثر ولا أحن عليه ..

قولوا لي دحين كيف أتصرف في حياتي الجاية معه؟
أنا راح أعتبرها حياة جديدة وعلاقة جديدة لأني ماأبغاه يستغلني أكثر مما استغلني ، ولو إنه ماكان متزوج مدرسة كان حيتصرف وياكل ويأكل مرته من عرق جبينه..

أعطوني أي نصيحة تفيدني في حياتي حتى ولو ماكانت النصيحة ضمن المحاور اللي ذكرتها..

الله يسعدكم ويجزاكم كل خير..

واضح من كلامك اخت حور انك النوع المنان في عطائه ..

يأخت حور راجعي نفسك اذا انتي بتذكرينه بأفضالك عليه ليه تعطينه من الاساس ..

معروف الرجل اذا وجد في الحياه الزوجيه من تقوم بدوره يبدأ بالتملص من دوره حبه حبه حتي يكون الحمل كلها عليك ..

وفكره انه يفتح له مشروع جيده جدا حتي مايتفرغ لك ويكون بينكم صدام دائم

من فين اتضح لك من كلامي إني منيت عليه؟
اطلاقاً ماحصل هذا الشي وربنا هو اللي شايف ومطلع على كل شي.
أنا أخذت موقف وقرار ونفذته إني ما أعطيه لأني لمست منه -- مقابل العطاء. فليش أستمر؟

ثم كيف أوفق مابين مقولة الحرمة تساعد زوجها وتوقف معاه وبين كلامك ((((معروف الرجل اذا وجد في الحياه الزوجيه من تقوم بدوره يبدأ بالتملص من دوره حبه حبه حتي يكون الحمل كلها عليك .)))))

استشفيت من كلامك انك مانسيتي الي قدمتيه له فمجرد التفكير في هذا المنطق قد ينغص عليك حياتك

وهذا رأي قد يحتمل الخطأ

عزيزتي انا حور
تقولين بتقاعد معناة راتبه التقاعدي يقدر يصرف على نفسه منه .ماراح ياخذ مصرفه منك،،
ثاني شيء شجعيه على المشروع الي بيسويه وتناقشي معاه ، لأن الرحل يعد التقاعد تتغير نفسيته ،، ابوي تغير بعد ماتقاعد صار يدقق بكل شيء ، صار يراقب تصرقاتنا ، صار اغلب وقته بالبيت ،زادت مشاكله مع امي، لكن له فترة تحسن بكثير عن اول 6سنوات تقاعد فيها.. صار يسهر معانا انا وخواتي ،صار يدخل معانا المطبخ يمزح معانا بالكلام ..يسوي لنا مقالب..

يعني انتي لا تقصري وياه مايصير وقت فراغ عنده اشغليه ،انتي وشطارتك استاذتي الغاليه

__________________

واذا عاونتيه ماديا وكنت مقتدرة هل في اشكاليه ؟ بينكم عشرة عمر ورفقاء درب ,واكيد ماكملتوا المشوار والحياة الزوجيه الا ان شاء الله بينكم الفه وموده .

لو في رجل تزوج فتاة وهي تدرس انتساب في الجامعة ودراستها في منطقة تبعد عن سكنه 150 كيلو
هذا الرجل وقف مع زوجته وتعب لأجلها وضحَّى بأمور كثيرة من أجل تخلص دراستها
مثلاً ماتطبخ يطبخ هو أو يجيب من السوق طول السنة مو بس أيام الإختبارات
يوصلها للجامعة ويظل ماسك بنته الصغيرة معه بالسيارة إلين تخلص من اختباراتها
ينظف البيت بنفسه ومرات يجيب شغالة بالساعة تنظف
ماقصَّر مع أهلها بيَّض وجهها في الصغيرة والكبيرة
يهديها بمناسبة وبدون يسفرها
يحترمها ويقدرها
وووو.....الخ
أكيد ماكان مطلوب منه كل هذا العطاء والحب والإهتمام، لكنه كان يأسس حياته على العطاء والتضحية والوفاء
طبعاً هذا الرجل مو كامل ومايخلى من العيوب البشرية لكن هذه بعض مميزاته..

زوجته تخرجت وتوظفت ولا تدفع في البيت قرش في المقابل ماقصرت على أهلها أغدقت عليهم أشكال وألوان
الرجل اتفيرت ظروفه وصار مسؤول عن أهله وهي مامدت يدها وساعدته أو اتحملت شي من المسؤوليات تخفف العبء عنه ولو على الأقل من باب رد الجميل

ما أصدق إنه ماراح يجي بقلبه إنه وقف معاها وضحَّى عشانها وهي ماوقفت معاه وما ضحَّت عشانه.
جاوبني بواقعية بعيداً عن المثالية لو كنت مكانه حتنسى كل اللي سويته عشانها وحيستمر عطاءك بنفس القدر وبنفس السخاء لهذه الزوجة ولا حتشوف من حقك تاخذ موقف وتوقف عطاء ماله داعي تأدي واجبك وبس.

زوجي مو موظف حكومي مافي راتب تقاعدي لأنه شغال في مؤسسة حياخذ مستحقات نهاية الخدمة وخلاص..

أمك هل كان لها دور في تغيُّر والدك للأحسن؟؟

مابيننا عشرة عمر ولا شي متزوجته من ثماني سنوات تقريباً
من ناحيتي جاني خيبة أمل لأني مديت يد المعاونة وهو جحدها والآن مابدي أكرر نفس المأساة وأنكسر من جديد... القلب ماعاد يتحمل..

تغير محور الموضوع
هل تبحثين عن حل لاقناعك بزوجك وتقصيره عليك سابقاً او تبحثين عن طرق التعامل معه بعد التقاعد؟
لاقناعك شوفي الاشياء اللي بينكم والعشره اللي بينكم مو بس لانك صبرتي شوي يمكن هو بعد عانى وتعب يمكن انتي تشوفين الاشياء اللي سويتيها كثيره بينما لو تقارنين كل شي سويتيه وكل شي هو سواه بيكون هو الاكثر (يمكن) شوفي العشره اللي بينكم والسنين اللي راحت. تقولين انا معلمه وهذا بحد ذاته البعض يشوف انه شي صعب. صحيح انك تساعدينه مادياًَ لكن معنوياً ربة البيت تساعد اكثر منك ولا تحاولين التبرير بانك ماقصرتي معه معنوياً وان الوظيفه ما أثرت عليكم بالبيت لاني دايم اسمع من الموظفات اللي يقربون لي انهم بحياتهم ماقصروا بشي وبالعكس ازواجهم مايلاحظون انهم موظفين واللي حاصل غير اللي يقولون ترجع الوحده منفسه وتعبانه حتى لو انها حاولت تبين غير كذا يظل الشخص يقدر يلاحظ ومايمدها تطبخ الا وهي نايمه ترتاح واذا قامت تحاول تخلص اشغالها التابعه للدوام وعيالها وهواش وازعاج

اما اذا كان الموضوع عن تقاعد زوجك عادي حاولي تشغلينه واذا تقاعد بينزل له راتب ومبلغ عن كل سنه خدم فيها شوفي الاشياء اللي ناقصه بالبيت او قولي له يهتم بالعيال والبنات ويتقرب منهم اذا كانوا مراهقين والحجه علشانه الاب وهم يحتاجونه :)