بسم الله الرحمن الرحيم
اخواني واخواتي الاعزاء تحيه طيبه لكم وكل عام وانتم بخير
طبعآ أغلب الاعضاء والمشرفين والقائمين على هذا المنتدى الرائع يعرف موضوعي والمشاكل اللي حصلت لي مع طليقتي وام عيالي واريد ان اخبركم بأخر المستجدات بعد الطلاق
انا من يوم طلقت وانا اشعر براحه كبيره وحريه شخصيه لابعد الحدود
وتفرغت لنفسي ولعملي اكثر ومافي شي شاغلني غير ابنائي
ولله الحمد اقوم بإرسال المصروف شهرينآ لابنائي ولأمهم على الحساب البنكي
وفي هذه الفتره التي طلقت فيها زوجتي حاولت ان تكلمني على الواتساب وماعطيتها فرصه للكلام وقلت لها اذا تبي اي شي دعي اخاك يكلمني واعطيتها حظر
وفي ثاني ايام عيد الحج المبارك كلمت اخو طليقتي علشان يجهزو عيالي واجي اخذهم
وعندما سلمت على ولدي اعطاني ورقه وقال ماما تقول لك خذ الورقه
فتحت الورقه وقريتها ولقيت ام عيالي كاتبتلي انها ندمانه على فراقي وودها ترجع لي وانها تعيش في دوامه من دوني واني احسن انسان شافته عيونها وانها تبي تكمل حياتها بس معي وماتبي تتزوج غيري وتقول ودها نربي عيالنا سوا وانه ولدي دايم يبكي يبيني .
طبعآ انا مارديت لها ولا قلت اي كلمه لانه اللي سوته فيني مو قليل وماأبي ارجع اعيش نفس المعاناه السابقه . بس حزت في قلبي يوم ولدي يسألني يقول يابابا متى تاخذ ماما ونرجع بيتنا .. مدري حسيت انها هي اللي محفظته هذا الكلام علشان يقوله لي والله اعلم
وانا والله ماافكر بالرجعه ولا ابيها لاني مبسووووط بحياتي كذا مع انهم صايرين طيبين معي هي واهلها . وانا كل همي بالحياه عيالي والحمدلله ماني مقصر معاهم ولا بتخلى عنهم وولدي وبنتي كل مااشتقت لهم شفتهم