سلام عليكم ، اولاً بعطيك الرد وأتمنى تكون ردودي في محلها ، ومع العلم هنا بالمنتدى رجال وحريم هم اكثر مني خبره ودرايه ، ثانياً/بنت اختي موظفه وتزوجت واحد ولكن بعد زواجها بسنتين ماكتب النصيب بسبب مشاكل والسبب منه هو وطلقها وعند قريبتي الولد عمره وقت الطلاق سنه وجلست 5 سنوات كرهت الزواج وقلبها طاب والد عمره الان 6 سنوات وكلمت البنت وانا خالها بأن ليش ماتتزوجين وتشوفين حياتك والدنيا ماتوقف ، دام طليقك تزوجي ، وين المشكله ، قالت ياخال خاف يسحب ولدي ، قلت انتي مجنونه ، حبيبتي الدنيا تغيرت وتطورت للأفضل ، الحين الولد بأمر من القاضي يكون معاك بحضانتك ، الزمان القديم اللي اذا اصبح عمر الطفل سنوات يخير من عند القاضي ياالاب او الام ، والحين لا ، يبقى في حضانتك حتى يصل سن البلوغ وبعدها يخير ياالاب او الام ، زواجها يشهد الله سبحانه بعد العيد ونصحتها بالشروط وهي كالتالي / بيت شرعي ، وحضانة ولدها يكون معاها ، ولايتدخل في راتبها ، ولايمنعها من وضيفتها ، فوافق على الشروط ، طبعاً قالت ياخال ولدي بيكون في حضانة امي وبيتربى عند امي حيث اني موظفه وبكون مشغوله ، قلت مايخالف وعادي لكن اذكري شرطك بأن الولد في حضانتي وابغى اخذه في اي وقت وماتمنعني حتى لو اصبح كبير فوافق على جميع الشروط
ملاحظه/ هو متزوج الاولى وعنده اطفال والناس تشهد له بالخير ، الخبر الثاني ، بنت اختي الثانيه تزوجت معلم ومتزوج الاولى وعنده طفلين والحين عنده من زوجته الثانيه اللي هي قريبتي عنده طفلين ووضعهم ممتاز وفي بيت شرعي / المهم بالموضوع/ خلي اخوانك او احد اقاربك ان استطاع يروح لعمله ويسأل عنه ويحملهم الامانه بأن كيف صلاته وكيف وضعه ، او اسألو عنه بطرق اخرى / ولاتنسين الاستخاره/وعندي ملاحظه مهمه جدا ولاتنسينها / ان كان ماعندك صك حضانه وماعندك صك نفقه / فنصيحه قدمب شكوى رسميه لمحكمة الاحوال الشخصيه واطلبي حضانة الولد واطلبي نفقه ومع العلم النفقه عاده تكون 500 او 600 وايضا اطلبي في العيدين ان تكون النفقه 500 و500 وسجليها بالصك / لاتقدمين على الزواج وانتي ماعندك صك حضانه وصك نفقه ، خذي الموضوع مني ، وإن كان عندك صك حضانه فيبغى لك صك نفقه بكون اضمن لك بأنه يصرف على ولده وهو مايشوف الدرب ، واعطي القاضي رقم حسابك عشان بحولك شهرياً ومسألة يجيبها لك او بعطيها اخوك او ابوك ، فاا لانه لو مثلا بعد فتره ماحول فانتي تقدرين تشتكينه بموجب ثك النفقه وبعدها بيتقطع من راتبه والله لايهينه يشهدالله كأني اهرج مع اختي ، وبالتوفيق للجميع |
إذا املك عليك زوجك الجديد ، فأنصحك بطليقك السابق أن تقطعي جميع التواصل من جميع الجهات ورقمه سوي له حضر ولاتعطيه فرصه يتواصل معاك حتى لو اتصل من رقم ثاني ، سوي له حضر بالواتس ، ليس من باب الكره ، ولكن من باب بداية حياتك الجديده ، ولو اراد بشوف ولده او ياخذه يوم او يومين فيكون تواصله مع ابوك او امك او اخوانك او اخواته اذا سيرتهم طيبه وعلاقتهم طيبه فيك ويعطوك خبر ، وتذكري بأن زوجك الجديد لو اكتشف بأن طليقك يتواصل معاك حتى لو يخص ولده فزوجك ماراح يرضى ، فالزوج الجديد يكره من زوجته الجديده او حتى الارمله اللي مات زوجها ان تجيب له سيره حتى لو سيرته طيبه ، الرجال عندهم غيره ، ويشوف بأنه استنقاص في حقه ، الرجل والله لو انه شديد وقلبه مثل الصخره مايهتز ، اقسم بمن حلل القسم ، بأن كلمه حلوه واسلوب حلو وايضا هديه ولو بسيطه والله بأن قلبه يذوب ، هههههه سامحونا يارجال فضحنا انفسنا قدام الحريم ، لكن الحق ينقال ، والله يسعدكم جميع ويرحم والديكم
|
الله يوفقك يا اختي
ولا تنسين تستخيرين مره ومرتين وثلاث والاخ ساري الليل ما قصر الله يجزاه خير نصحك نصايح حلوه من اخ لاخته الله يعطيه العافيه توكلي على الله وادعي ان يسخره لك (بعد السؤال الملح عنه وعن سيرته في العمل وعند جيرانه) ودامه متزوج ف نصيحه خلي قلبك ابرد من الثلج من ناحية الغيره وتذكري ان زوجته هي ايضا تغار منك ف يطمئن قلبك ويهدا😂 اشغلي نفسك عنه وعن سيرته اذا صار مو يومك وكأنك ما تزوجتي اصلا الا للضروره وفي يومك عيشي اميرة قلبه الوحيده❤ والله ماني متزوجه لكن ماني صغيره وعندي خبره بالدنيا😂 تزوجي وانبسطي وعيشي❤ (( لكن بذكاء )) وزي ما فيه حالات فاشله فيه حالات كثير ناجحه وكل قصه تسمعينها لها ظروفها الخاصه ونصيحة اخت ان كتب الله نصيب ((حبيه لكن لا تتعلقي فيه)) ولا يكون مصدر سعادتك الوحيد والله يوفقك ويسعدك |
طبعا تتزوجي .. ومن حقك نفسك عليكِ انك تتزوجي وتعيشي حياتي مثل باقي خلق الله
اما حكاية الخوف من الفشل او النجاح .. هذه امور غيبية بيد الخالق وحده .. وكل ما على الانسان فعله هو الاخذ بالاسباب والتوكل على الله .. و كفاية عليك أجر المحاولة والاستخارة والدعاء الله يوفقك . |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|