السلام عليكم ورحمة الله وبركاته
كيفكم ان شاء الله بخير


وانا اتصفح بالنت شفت مواضيع حلوة وافكار حلوة علشان المتزوجات فقط....

وحبيت انقلها لكم لتستفيدوا منها ...

يلااااااااااااااااااااا

نبدأ


هذي الفكرة الاولى ....تقول صاحبة الفكرة :

الوارد ان الكل احمر في احمر صح والا لا..
هالمره سويت حركه حلوه

فرشت الغرفه اخضر في اخضر
حاولت ان مفرش السرير يكون اخضر

وجايبه شوية شتلات خضرا مو شرط طبيعي أي نوع ومن اللي في البيت
وتصدقون ولا تضحكون
جايبه الاشجار اللي في شقتي وحاطيته في غرفتي
يعني خليت الغرفه شئ خيالي
وكاني في غابه
طبعا سويت هالشغلات من بخور وعطور وهلم جرا !!!
خلاص انتم طبعا معاي

طبعا قميص النوم وش بيكون
حزروا فكروا

كان على رسمة جلد النمر
مو انا في غابه

والمكياج على الاكسسوارات شئ خيالي
حطيت في اخر الغرفه مبخره صغيره
فيها قطعة عود كبيره شوي وحاولت انه تدخن على شوي شوي
طالما انا وزوجي في الغرفه

تصدقون دخل الغرفه مو مصدق نفسه^_^

***
**
*
وهذي الفكره الثانيه... وتقول صاحبة الفكره :


كل شيئ كان أحمر يعني الأحمر كان ملك الحفلة....
نبدأ

1) شيلي العيال عند اهلك ... أختك أي حد... انا ولدي وديته بيت اختي
2) وفي غيابه نظفي البيت ورتبيه وممكن تغيري من الأشكال شوي... يعني حركي طاولة.. كرسي.. مزهرية أو اي حركة يحس فيها بتغيير.
3) السفرة فرشتها بفرش ملون بس فيه احمر
4) حطيت وردة وحدة بس حمراء على الطاولة.. وبجنبها شمعدان صغير
4) رتبت السفرة وحطيت الصحون لون احمر+ذهبي والجلصان احمروالمعالق غير لونها ( ما عندي احمر )
5) طلبت منه يجيب لنا عشاء من برى ( خفيف ) والحجة إني مشغولة بأمور البيت
6) راح الغالي يقضي أموره مع الطلبيات ... وهناا خذيت أغير بمفرش الغرفة سويته أحمر سادة... والغطاء ( البلانكيت ) كان((لحاف)) أبيض فيه وروود حمراء
7) أرضية الغرفة حطيت فيها خداديات مختلفة الأحجام والألوان ومنها الأحمر
8) وفتحت المكيف وبخرت الغرفة و ولعت الشموع
9) طبعاً تجهزت وإنتوا عارفين
10) عندي قصاصات على شكل قلوب متوسطة الحجم منها الأحمر والأزرق... نثرتها من مدخل البيت من داخل حتى غرفة النوم... والممرات كانت مضاءة بالشموع بس متباعدين.
11) وصل الحبيب وطلبت منه ما يفتح الباب إلا لما اقول له.

ولكم ان تتخيلوا شكله وهو منبهر من إلي شافه في البيت والممرات... حتى المسكين تلخبط في مشيه علشان بس لا يدوس القلوب.^_^

وطلعت انا من الغرفة بالأحمر... وإصطحبني للعشاء...

وهو إلي حضر السفرة وانا أتأمر عليه...تتغلى وتتدلع يعني ....

***
**
*

وشوفوو هالفكرة بعد..

عرفت ان زوجي يوم الخميس راح يروح عند واحد من اصحابه ويذاكر معاه .....
ومن هذاك اليوم وانا قررت اسوي مفاجئه لزوجي لما يرجع واغير جو المذاكره اللي كان فيها ......

اشتريت اوراق حمرا كثيره وبديت اقصصها على شكل قلوب بمقاييس مختلفه وشفايف ....
وكتبت عليها كلمات مختلفه ( احبك ) ( انت حياتي ) (حياتي بدونك فرااااااغ )( الله لايحرمني منك )
والكلمات اللي كنت اعرف ان زوجي يسعد بسماعها مني ...

وفي نفس اليــوم اللي راح يروح زوجي عند صاحبه طلبت من زوجة صديق زوجي ( لاني ماقدر اطلع لوحدي )انها تشتري لي تورته بالفراوله وتشتري لي ورد احمر ....
ورتبت البيت وبخرته وصلحت فطائر وعصير طازج في البيت ...
وبدأت بتلزيق الأوراق اللي قصصتها على الجدران وعلى البيت كله وبما اني مغرمة شمووووع... شغلت كلللل الشموع اللي بالبيت قبل يجي ...
ورتبت طاولة الطعام والورود والشموع وكل شي جاهز ..
وحطيت له عالسرير ورده وبطاقة فيها كلمات راااائعه ...
ولبست له قميص نوم احمر وصلحت شكلي



لما دخل زوجي البيت واول ماشاف الاضااءه والاوراق اللي عالجدران ماكان مصدق نفسه
لدرجة انه جلس واقف لمدة 5 دقايق ماتحرك من مكانه من الدهشه وعلامات السعاده على وجهه ..<<< هذا المطلوووب..

بس للأسف نسي كل اللي ذاااااااااكره في هذاك اليوم


وايضا من الطرق اللي يحبها زوجي اني بأستمرار ارسل له بطاقات على ايميله
واحيانا رساله اكون انا كاتبتها اوضح فيها مشاعري تجاااه ...

منقووووووووووووول

دعواتكم لي

يه وين الردوووووووووووووود

حقيقي يا هنا زوجك بك ...
مشكورة ..أفكارك تجنن خصوصاً فكرة الغابة.

مشكوره حبيبتي انا طبقت اغلبها لكن الموضوع انا ناقلته...

اشكرج على المرور

الله يوفقك ويسعدك اكثر واكثر

ويهني زوجك بك

احسنت النقل


افكاااااااااااااااااااااار روعه


بس صعبه التطبيق


يبيلها وحده مو بس فاضيه ورايقه بعد...


خاصه للزوجات الجدد

تصير مستحه وما تعرف زوجها يتقبل هذي الاشياء ولا لا


الله يوفقك ويسعدك*.*.*.*.

__________________

افكار جميلة تشكرين عليها

لكن حقيقة لاتناسب جميع الازواج كما اشارت الاخت

انا بصراحة زوج ما احب الشكشكه هذه

لكن يؤثر فيني اللبس والكلام المعسول كثير كثير كثير

يسلمممممممممممممممممممممو اختي
حقيقة حقيقة ماعرف ويش اقول


كل الشكر

افكار رائعة و جديدة ..

سلمت يداكِ على النقل يا غلا ..

تحياتي لكِ

شكرا أختي غلا الله يخليك ويهنيك وياليت كل النسوان تطبق ذلك

__________________
وكل مرادي أن أرى العرب وحدة *** يحف ذراها الشعب وهو سعيد