بسم الله الرحمن الرحيم


السلام عليكم ورحمة الله وبركاته....


بعرض عليكم مشكلة قريبة وصديقة لي تحتاج لمشورتكم وآرائكم السديده في موضوعها اللي ماخذ فكرها و مأثر عليها كثير (هي جنبي وبنقل كلامها نصا)

ملكت من شهرين احس بعدم راحه وشعوري غريب من ملكت وانا مو مبسوطه حتى واضح علي الهم وضيقة الصدر ما احس اني استلطف منه اي حركه او اي كلام والمشكله انهم طلبوه تعجيل الملكه على اساس تأثيث الشقه يكون بإختياري معه والى الآن تصوروا ما سوينا ولا شي فيها
والادهى والامر انه حتى مكالماتي معه قليله ولفت نظره مرتين لهذا الموضوع حتى شوفاتي له تعتبر قليله جدا، اشوفه مره في الاسبوع او الأسبوعين مع انه دوامه يسمح له
والمكالمات مو يوميه بين كل يومين او ثلاثه وما تاخذ ربع ساعه.
حتى في العيد سافر مع اهله الى مدينه جده يعني في نفس البلد وكان قبلها معطيني خبر انه بيسافر خارج البلد الى دبي لكنه فاجئني بعد مرور اسبوع تقريبا من سفره يسلم فيه ويسأل ولما سألته قال انهم ماراحو لدبي يعني انهم غيرو رايهم في ليله بدون مايعلمني.. وسألته متى بتجون ماعطاني كلمه اكيده قالي مدري يمكن بعد كم يوم
، يعني هذا الكلام بعد شهر من ملكتي تقريبا ولا كلمني بعد ذيك المكالمه حتى ماعرفت متى بيرجع ولما رجع كلمني طبعا تضايقت لأنه ما اتصل في ذيك الايام العشر تقريبا اللي كان في جده.ولما رجع وزارني فتحت معه الموضوع وكنت صريحه وكيف اني انزعجت وقالي انه كان وده يتصل لكن ماحب يزعجني وهالعذر سبق انه قاله لي وانا قلتله اني ما يزعجني خصوصا هالفتره لاني احتاج اني اعرفك وتعرفني واحتاج هالمكالمات لكنه رجع وعاد السبب هذا وانا كنت قايله له انه لازم يكلمني.
عموما اسلوبي معه كان واضح بحيث اني كنت صريحه وحاولت اكون جريئه انا اصلا طبعي في هالامور ما استحي منها خصوصا انها مسألة عمر فأسلوب تعامله كان غريب وانه يستحي من شي مايستحى منه لأني كنت اشجعه بأسلوبي أنه يكون عادي معي واللي عرفته عنه انه مو خجول واجتماعي وملم بأمور الحياة مثقف ومو كبير عمره 28
معاملتي وطريقتي في الكلام المفروض انها تريحة لاني ماحسسته اني محرجة او أي شي غيره يخليه يتعامل معي بهدوء زايد عن حده وتناقشت معه فهالموضوع ان احنا لازم نتكلم ونشوف بعض اكثر عشان نكون اقرب ويكون بينا تفاهم اكثر وكان موافقني لكن للأسف مااشوف منه التقدم المفروض وانا عطيته مساحة كبيرة بحيث ياخذ راحته فالسوالف وغيره
كلامه قليل مهما تكلم يعني مرت شهرين ومااحس اني اعرف عنه الشي المفروض اني اعرفه .
عندي لكم موقف يمكن يساعدكم فتحليل شخصيته الغريبه بالنسبة لي وللي حولي من القريبات لي يعني لما يجيني فالبيت احيانا يسلم يمد يده واحيانا لا
مرة مرني وطلعنا وداني للملاهي طبعا بدون سابق استشارة !!
المهم طلب اناحنا نلعب وقلت ماعندي مانع انسان متناقض اقوله عادي يقولي لا خايفة اكيد خايفة احلف له اني مو خايفة لاني فعلا مو خوافة المهم ركبنا كانت عبارة عن عربة واللعبة عبارة عن بيت رعب والطريق اللي تمشي فيه العربة مظلم تفاجئت انه حط يده ورا كتوفي مثل اللي يضم واستغربت لدرجة اني طول الطريق غمضت عيوني من الروعة لانه حتى يدي مايمسكها وحسيت لما حطها بإشمئزاز ومدري شلون ماعجبتني منه يعني شوي تضايقت وماارتحت لحركته شعوري كان غريب مااستلطفتها منه ابداً

انا جدا جدا محتااااااره احس اني مااقدر اعيش معه فبيت واحد واحس انه شخصيته ماتلأمني مع ان صفاته العامة تعتبر جيدة ومافيه أي عيب بس ماأدري شفيني عليه لدرجة فكرت بالانفصال عنه لاني احس مااقدر اتحمل اكثر

السؤال اللي يطرح نفسه :

انتو تشوفون تصرفاته عادية وطبيعية مع كل اللي اسويه؟؟؟!!!!!!!!!!!
اتمنى المشاركة من الجميع
لاني فعلا بحاجة ماسة لمعرفة ردودكم
الف شكر لكم
ولصديقتي العزيزة العنود

أولاً:أنا أشوف أنك دقيقة بزيادة في محاسبة خطيبك

مواقف كلها عايدي لكنها ما عجبتك أنت شخصياً

مثلاً يوم حط يده على كتوفك يمكنه يبي يسعدك و نيته طيبة.

ثانياً: أنت لم تذكري مشكلة فيه أو في شخصيته. مجرد ذكرتي بعض المواقف حصلت و لم تعجبك

انا اشوف تصرفاته عاديه جدا
بس احيانا الشخص اذا ما تقبل احد
يجد تصرفاته عيوب

آآآآآآآآآآسفه اختي بس فعلا تصرفاته عاديه ....

__________________
الحمد لله على نعمه وفضله وكرمه ..

اختي الكريمة ... وضعت لك هذا الرابط ,, فهو لمشكلة فتاة تشبه مشكلتك بعض الشي
قد تجدي الفائدة من تجربتها ... ومن الردود التي وصلتها !!!

http://vb.66n.com/showthread.php?t=45721&page=1&pp=10


اختي الفاضلة .....

لماذا نتخيل ان الحب دائما يأتي من أول نظرة واول همسة او لمسة !!؟؟
ولماذا نظن ان نجاح الزواج يأتي من اول يوم لعقد القران !!؟

الحب والسعادة والنجاح الذين ينتجون عن العشرة والتجارب المشتركة وكما يقال (بالعيش والملح) ...
يكونوا أقوى وألذ بكثير .... ويدوووموا طويلا بإذن الله

ثم ماالذي جعلك تفكرين بعدم الاستمرار معه !!؟
هل لمجرد نظرتك له ولتصرفاته وعدم ارتياحك ,, امر طبيعي ..
فهو انسان جديد بحياتك ... لم تتعرفي عليه المعرفة الكافية
ولم تعتادي تصرفاته واطباعه !! ولم تصارحوا بعضكم بما تحبو او تكرهو !!!
وأرى انك قد وضعتي حاجزا كبيرا بينك وبينه ... بهذه الأفكار والتدقيقات الكثيرة بكل صغيرة وكبيرة !!!

حاولي التقرب لزوجك اكثر بهذه الأيام ومصارحته بما يدور بتفكيرك بإسلوب توددي ولطيف ,,
ولا تدققي بكل شي وتتشددي

ثم انك تؤجري وتثابي لصبرك على تصرفات زوجك ومحاولة التنازل قليلا
في سبيل اصلاح حياتكم والتقارب بينكم ...
وأكثري من الاستغفار والدعاء ... حتى يعينك الله بحياتك

واعتذر عن كلامي لو ضايقك !!!

والله يهديك ويوفقك لما يحب ويرضى
ويسعدك مع زوجك دائما بالدنيا والآخرة


.

لا داعي للقلق الفترة الحالية تعارف وتقارب للافكاروالشخصيات والسلوكيات ومن رسالتك انه رجل خجول وهادي الطباع ولا تحاولي ان تطارديه بكثرة الاسئلة في كل زيارة او اتصال ولكن تمتعية بكلمات الحب والغزل واثارته وستجدية يقترب منك اكثر ويشتاق اليك فهو من نوع الرجال الذين لا يصرحون بمشاعرهم بسهولة وهذا شيء طبيعي وان شاء الله ستكوني سعيدة في حياتك الزوجية ولا تنسي الدعاء

أختي الفاضلة ...

ممكن زي ما قالوا الاخوان تصرفاته عادية ... إنتي كمان كوني عادية وبادليع نفس المشاعر ...

ممكن إذا كنتي خايفة من المجهول ... تستمري فترة على هذا الشيء وتطلبي تطويل فترة الملكة بطريقة غير مباشرة ولأي عذر وسبب مقنع ...

بعدين في نقطة مهمة .. مدامك تقولي إنه مافي صفاته أي عيوب ... خلاص يصير التصرفات ما ينحكم فيها على الشخص من أول مرة ... اللي أبغى أقوله في هذي النقطة .. اصبري وأعطيه فرصة ..

ثالث شيء الله يسعدك .. ليش ما يكون قاعد يتغلى عليكي ويتدلع عليمي شوي ... يبغى يشوف ردة فعلك ، بالذات إنك قلتي عنه إنه مثقف !!!!! ( وجهة نظر )

رابع وآخر شيء ... نصيحتي ارجعي إلى الأصل ( الأخلاق ـ التربية ـ والمعدن ) فإن لقيتيه أصيل لا تنظري إلى أي تصرف لأنه ساعتها رح يكون هذا التصرف شيء عابر وعادي وله أسبابه وظروفه مو أصل أو صفة دائمة ومستمرة فيه ...


ولي قراءة بسيطة متواضعة جدا في هذا الأمر ... وأتمنى من الجميع يصححني إن كنت مخطأ

ما أعرف ليش أحس إنه اللي يكون كذا من الرجال أيام الملكة يكون من أحسن الرجال بعد الزواج وكل شيء يتغير فيه للأحسن ، عكس ماكان عليه أيام الملكة ...
والعكس صحيح ... اللي حلو وطيبو أيام الملكة ... تطلع البلاوي بعد الزواج ...!!!
أكيد هذا الكلام مو قاعدة .. بس بتلكم من واقع بعض التجارب البسيطة ... ولو كان كلامي هذا صحيح فأكيد له تحليلات وتفسيرات فسيولوجية نفسية لها أهلها ... والله تعالى أعلم !!!

الله يوفقك ويسعدك .. ويحقق لك مناكي ويسعدك بيه وإن شاء الله يكون الزواج الصالح

__________________
... ( بالحب نعيش أجمل حياة ) ...

اشكر الجميع لدخولهم ومشاركتهم لي في هذا الموضوع
لكني اتمنى ان لاتعتبروها مشكلة عادية أو أمر عادي
لان بالنسبة لي ولمحيطي مافيه احد يسوي كذا اويتصرف بهالتصرفات ولاهي ناتجة عن تغلي او يشوف ردة فعلي ابدا مو كذا
ان ااتكلم عن مشاعري نحو تصرفاته هل هي عادية انا ماطلبت الحب من الآن لكن على الاقل الاستلطاف
اشكر مناجي الصمت على الرابط
واشكر النور والحنان على النصيحة
الف شكر للجميع