فضفضه......حلمك عليه للآخر - منتدى عالم الأسرة والمجتمع

27-02-2005, 06:43 PM

حكايات

عضو جديد

تاريخ التسجيل: Dec 2004

المشاركات: 34

فضفضه......حلمك عليه للآخر

السلام عليكم و رحمة الله و بركاته ....
يا ترى ايه السن المناسب اللي ممكن الأم تسيب فيه ابنها مع حد و تنزل شغل ..انا ابني عندة 4 سنوات و بيروح المدرسه يعني بنقضي سوا حوالي 6 ساعات يوميا ساعه الصبح قبل المدرسه و الباقي قبل النوم بس لو نزلت شغل الخمس ساعات دول حيتقلصوا لساعتين بالعافيه...طب حنزل ليه؟؟؟؟؟ المشكله بدأت اني مش عاجبني مدرسته و مفيش امكانيات ماديه تسمحلي اني انقله مدرسه تانيه لأن المدارس غاليه جداً.. يوم قعدت افكر احنا النهاردة سوا طيب عملنا ايه مع بعض ؟؟؟...و لا حاجه عشان ابني مع جليسته المفضله شاشة الكمبيوتر و اختها شاشة التليفزيون ...طبعا مش غلطة الولد هي غلطتي انا ..انا عارفه ..انا مش بقول ان احنا مش بنلعب سوا او مش ممكن نحكي حدوته سوا ..بس كل فين و فيييييييييييين خصوصا مع كم الواجبات الخرافي بتاعه..ايوة واجبات محدش يستغرب امال انا عاوزة اغير المدرسه من شويه المهم انا لو نزلت شغل حخسر 3 ساعات من وقتنا سوا و حيكسب ابني مدرسه افضل و حشتريله الأطفال اللي مخلفتهمش (sorry مجنونه أنا ؟؟؟انا عارفه ..بس انا اقصد ان هو لما يقعد عند جليسة اطفال حيلاقي اولاد في عمرة يلعب معاهم و يكتسب منهم مهارات اجتماعيه مختلفه بدل الكارتون العقيم اللي بيشوفه ) و كمان حنكسب الأجازة في بلدنا عشان احنا مغتربين عن حبيبتنا مصر و الأجازة دي انا مش حسافر و الأجازة اللي جايه يعني في 2006 لسه مش مضمونه و ابني محروم من كل اهله و من حب جداته وبس ...المشكلة ان انا خايفه عليه جدا يعني مجرد الفكرة خنقاني بجد خنقاني بس مش عارفه اعمل ايه انا عاوزة كل حاجه و محدش بياخد كل حاجه انا عارفه طيب ارتب نفسي ازاي اعمله ايه فين مصلحته بدون ما اعقد حياته لأن ظروف اباه صعبه جدا و تقريبا بيشوفه 3 ساعات بحد اقصى في اليوم ....معلش طولت عليكم بس اصلي بفضفض معاكم ربنا يكرمكم...

01-03-2005, 04:52 AM

حكايات

عضو جديد

تاريخ التسجيل: Dec 2004

المشاركات: 34

طيب يا اخوتي اعتبروها اخت ليكم تسألكم تعمل ايه انسانيا اين انت يا تقوى الله اعرف اني عضو جديد بس حد يرد عليه و لو بكلمة ...نصيحه لله ........

01-03-2005, 05:52 AM

*ghalia*

عضو دائم

تاريخ التسجيل: Feb 2005

المشاركات: 53

كان الله في عونك

وان كان ولا بد من شغلك معلش اشتغلي وطفلك عنده 4 سنوات يعني في سن الاستكشاف والتعلم ولو جلستي
معاه وكلمتيه ساعة واحد احسن من ولا ساعة

عليكي بالجلوس معه وتعليمه الخطأ من الصح وكلميه شوية عن المدرسة وخليه يكلمك عن يومه ومع مين لعب و
المواقف الي حصلت معاه وعلميه يقولك كل حاجة

الله يحفظلك ابنك من كل سوء

اتمنى لكي التوفيق

01-03-2005, 03:33 PM

حكايات

عضو جديد

تاريخ التسجيل: Dec 2004

المشاركات: 34

ربنا يخليكي يا ghalia انا والله عاوزة اشتغل مخصوص عشانه و انا قعدت من شغلي زمان عشانه و دلوقتي انا عاوزة انزل مخصوص عشانه بس خايفه اني اكون بختار الأسوء بنزولي مش الأفضل فخايفه جدا عشان هو اهم حاجه و كل حاجه في حياتي ...عموما جزاك الله خيرا

02-03-2005, 08:19 AM

حكايات

عضو جديد

تاريخ التسجيل: Dec 2004

المشاركات: 34

انا لسه مستنياكي يا تقوى الله

02-03-2005, 06:54 PM

حكايات

عضو جديد

تاريخ التسجيل: Dec 2004

المشاركات: 34

انا مجرد ام حائرة طيب انتم فين ليه محدش بيساعد حد اين انتم دا الدين النصيحه

02-03-2005, 08:05 PM

LittleLulu

عضو المنتدى الفخري

تاريخ التسجيل: Jan 2004

المشاركات: 11,241

لا تخافي اختي الكريمة

توكلي على الله و اشتغلي لكن تابعي مايحصل مع ابنك يوميا وعلميه يكلمك عن كل ما يحدث معه

اتمنى لك التوفيق

تحياتي

02-03-2005, 09:33 PM

تقوى الله

كبار شخصيات المنتدى

تاريخ التسجيل: Aug 2004

المشاركات: 7,022

بسم الله والحمدلله والصلاة والسلام على رسول الله

اختي العزيزة والحبيبة حكايات

بداية اعتذر عن التاخر في الرد

اقدر كلامك ومشاعرك وكيف انت في غربة وطفلك بعيد عن الاهل والاحباب

فهو امر في غاية الصعوبة ولا يجد الطفل حل الا في لجوئه الى عالم الكرتون

اختي تفكيرك سليم وانت ما هدفك الا ان ابنك يتعلم ويصل الى ما هو المطلوب

وما لديك رغبة ان يصبح في المستقبل ان شاء الله

ولكن لا بد لك من تعويضه الساعات التي ستفوتك وانتم غير موجودين مع بعض

بعني انا برايي لو ان هناك ساعات قليلة ستقضيها معه ولكن عوضيها واشعريه بانك ستشاركيه في كل امر

رغم اني لا احبذ عمل المراة وخروجها من بيتها الا اذا كانت هناك ضرورة تجعلها تقوم بذلك

ولكن اختي انت تقولي لا يوجد كسب مالي زايد فانت اذا مضطرة لذلك

ولكن نصيحتي لك يا اختي حاولي ان تبعديه قليلا عن افلام الكرتون وعوضيها اذا استطعت بالافلام الدينية والقصص للصغار

فاصبح ولله الحمد كم هائل منها ومشوق وجميل للاطفال

والالعاب على الكمبيوتر يكون فيها نوع من الذكاء حتى يشعر الطفل انه ليس فقط الوقت عنده مجرد لهو بل ان هناك فائدة لهذا كله

فتوكلي على المولى جل وعلا وقومي بما هو مناسب لك

ارجو ان اكون وفقت يا اختي بابداء رايي

واتمنى لطفلك السعاددة واتمنى لك ايضا بان تجتمعي عما قريبب باحبائك واهلك

اعانك المولى في غربتك ويسر لك كل امورك بما يرضي المولى سبحانه وتعالى

تحيتي القلبية لاختي العزيزة

__________________

يا باقيا والكل يفنى يا مجيبا داعيا..ادعوك يا ربي فلا تمنع جواب ندائيَ..

أسأل الله العظيم..رب العرش العظيم..الذي جمعنا في دنيا فانية..

ان يجمعنا ثانية..في جنة قطوفها دانية

التعديل الأخير تم بواسطة تقوى الله ; 02-03-2005 الساعة 09:37 PM

03-03-2005, 03:39 PM

حكايات

عضو جديد

تاريخ التسجيل: Dec 2004

المشاركات: 34

السلام عليكم و رحمة الله و بركاته..... جزاكم الله عني خير الجزاء يا little lulu و يا تقوى الله ..و لا تنسوني من صالح دعائكم ...و انا و سبحان الله... يعني .....ربنا اعلم بالخير في احتمال اني اطلع حامل مع اني عامله احتياطاتي لكن محدش عارف الخير فين و دلوقتي موازيني كلها ملخبطه بس حعمل ايه الحمد لله يمكن ربنا بيقفل عليه باب الحيرة بس سبحان الله حعمل ايه الحمد لله .....شكرا مرة تانيه و جزاكم الله عني خير الجزاء و رزقكم الفردوس الأعلى .

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه