السلام عليكم ورحمه الله وبركاته
في البدايه اشكر كل القائمين على هالموقع اللي يشرفني اني اكون منسبه الى هالاسره المميزه
في البدايه اتكلم عن الحياه الزوجيه الزوجه والزوج يرتبطون حتى يكونون اسره سعيده بس اذا كانت مشاكل هالاثنين ماتخلص هل تعتبر هذى المشاكل ملح الحياه او معول هدم للرتباط اللي بينهم ؟
اذا كانت الزوجه ماتسمع من زوجها الى الاومر والشكوى من مصاريفها ومصاريف عيالها وكل ماصارت بينهم مشكله يبداء التجريح بكلام اقسى من انه ينقال بين اعداء فكيف بازواج هل ممكن يكون بينهم موده او محبه؟
اذا كان الزوج يستهوي كلمه على الطلاق لاجبار زوجته على طلباته واذا كانت الزوجه ماتحس انها لها قيمه عند هالزوج اللي ممكن يتخلى عنها باي لحظه لترديده هالكلمه باستمرار كيف ممكن تكمل معه؟
اذا كانت الزوجه ماتبي الطلاق واو الانفصال عن زوجها اما بسبب اطفالها او بسبب ظروفها العائليه ومن بيتحمل اطفالها ووين بتروح وشي اهون من شي كيف تتصرف؟
اذا السعاده ماتت والاحترام انعدم وصارت كل الالوان تتشابه الاسود زي الوردي كيف بيكون طعم الحياه لها وله والاطفالهم ؟
اذا كانت الزوجه تحب زوجها وتحب بيتها وتحب اطفالها كيف تقدر تتخلي عن حياتها وتعيش حياه ثانيه؟
والاهم كيف يرجع الاحترام بين الزوجين ووتوقف القذائف بينهم مو عشانهم عشان اطفال مالهم ذنب الى انهم انتسبو للاسره هذي ؟