
أنا زعلانه وباروح بيت أهلي!
السلام عليكم ورحمة الله
أنا من المتابعين لهذا المنتدى الرائع منذ مايقرب السنتين واستفدت الكثير الكثير منه ....وحبيت أشكر الكل لتفاعلهم الرائع وعطائهم اللامحدود مع الكل
وبغيت أطرح موضوع للنقاش والاستفادة ومعرفة آرائكم القيمة فيه
العديد من الزوجات في مجتمعاتنا اذا اختلفت مع زوجها وزعلت قالت "أنا باروح بيت أهلي"
سؤالي للمتزوجات: ايش هو الخلاف او الموضوع اللي يخليك تقررين انك تروحين بيت أهلك؟وهل تتكرر روحتك كثير؟ وهل تطولين عندهم؟ ايش اللي ممكن الزوج يسويه علشلن ترجعين؟
وسؤالي للأزواج: ايش هي نظرتك للزوجة اللي تتصرف بهالطريقة؟ وايش تكون ردة فعلك؟وشلون اتصرف علشان ترجعها ؟ وهل نظرتك لها اتغير بعد هالتصرف؟
وللكل ايش تعتقدون تأثير هالتصرف على الأطفال؟
يمكن أنا طولت في الأسئلة بس حبيت اعرف جميع الجوانب لهذا التصرف من الطرفين
وبانتظار تفاعلكم الرائع اللي عودتونا عليه دائما!
وجزاكم الله خيرا