أنا قبل كنت منزله موضوعي اللي هو
حبيت اشوف رايكم في قصتي
المهم اللي ما قراه اتمنى يروح يقراه قبل لا يقرا التكمله هذي
اللي لا على البال ولا على الخاطر واللي صار لي
طلع لي أخوي فجئه يقولي مو كيفج تتطلقين اذا ما ترجعين برضاج بتظلين معلقة طول عمرج واذا اخترت الخيار الثاني في اني اظل معلقه يقولي ماراح تكملين دراستج ولا راح تشتغلين
لحقوني شسوي الدنيا صارت سوده قدامي ما احبه والله العظيم مااحبه ولا اتخيل يوم اني برجع له ما اتخيل اني بخليه يلمسني مره ثانيه لاني من تركته من تقريبا ست شهور او اقل شوي اعتبرته ميت شلته من عقلي شلته من قلبي اعتبرته من عدم كرهتة حيل كرهتة شسوي قولولي

بس شنون برجع اتقبله اللي سواه معاي مو قليل كرهت حتى اني اسمع اسمه وانا الحين جالسه ادعي على نفسي بالموت قبل يجي اليوم اللي برجع له

اختى جنة الحب

من الذي يقول ( مو على كيفك تتطلقين ) ؟

شرع الله منحك حقك في طلب الطلاق منه ولكن قد يطلب منك القاضي

إعادة ما دفعه لك من مهر لخلاصك منه 0 تحياتي


اخوك الكبير

كلامه مو صحيح فيه شي اسمه خلع
بس لازم ترجعين المهر اذا طلبه منك

المشكله العويصه الحين اذا تطلقت اخوي مستحيل اخليني اكمل دراستي والدراسه هذي حلمي في حياتي ابي أمن مستقبلي ومستقبل بنتي معاي لان ابوها انسان منحرف ولا اترجا منه يوم اصير عدل لان ابوها مو مكمل دراسه يعني ما عنده شهاده وشغلته شغل خاص يعني يمكن يجي يوم من الايام ويجلس لي في البيت لا شغله ولا مشغله
الحين عندي خيارين بس واتمنا انكم تساعدوني في الاختيار
الخيار الاول أني ارجع حق زوجي اللي اكرهه واكمل دراستي عشان امن مستقبلي مع بنتي وارضى بالمر
الخيار الثاني أني اضل معلقه بيت اهلي وحتى لو تطلقت ماراح يخلوني ادرس معناتها انه مستقبلي ضاع هدر
بس اللي يخليني حايره من جد اذا قلت لكم اني اكرهه جد اتكلم يعني احس الحين مستحيل اخليه يلمس ظفر من اظافري وين كرامتي وين عزة نفسي راحت انتو ما تتوقعون شنون كنت عايشه معاه كرهته بكل معنى الكلمه كرهني في كل شي بمعنى اصح اقولها لكم كاش
انا تعقدت من شي اسمه علاقه زوجيه جماع جنس اي شي يسمونه احس اني صارت لي عقده وحتى من الزواج تعقدت انتو ما تتصورون شنون انا عايشه بدونه بسعاده خلاني اكرهه كل شي ولا اعتقد انه بيصبر علي اذا رجعت له اني ما اخليه يلمسني طول ما انا عايشه معاه لان هذي شغله انا ما اقدر اضمنها له نفسي طابت من عنده تعرفون شنون طابت يعني ما ادري شقول لكم او شنون اوصف حالتي لكم حايره حيل اتمنى انكم تساعدوني.......

اختي جنة الحب

أولا : الله يطول في عمر الوالد ( أبوكِ ) وهو المسئول عنكِ وليس أخوكِ و هو الذي تختصمين عنده

ثانيا: إذا كان اخوكِ لايعلم عن افعال زوجكِ ومستواه الاخلاقي المنحط ( الادمان ومشاهدة الافلام وممارسة العادة السرية وسوء التعامل معكِ ) فعليك أن تخبري أخوكِ ومن يهمه الامر ولاتسكتي فمثل هذه الامور لايسكت عنها
وان كان اخوك و ولي أمركِ يعلمون فذكريهم مرة اخرى حتى لاتظلمين ولا تجبرين بالعودة .

ثالثا: أنصحكِ بالاكثار من الصلاة والتهجد للواحد القهار وخصوصا قيام الليل ولاتنسي بأن تقضي وقتكِ بالاستغفار بنية الحصول على مبتغاكِ بان الله

المهم في الموضوع بأن لاتسكتي عن حقك في التعليم ولا حقك بالحياة الاسلامية بعيد عن هذا الشخص الفاسد

وفقك الله لما يحب ويرضى

والسلام ختام

__________________

سبحان اللـه و بحمده
سبحان اللـه العـظـيم

اما عن الطلاق ففيه شئ في المحاكم او في الشرع اسمه الخلع يعني المرأه تطلب الطلاق ويلزمها الشرع بدفع المهر او بنصفه
اما عن رجوعك لزوجك اذا كانت الامور حلوه من قبل فارجعي لزوجك ومجرد لقائكم الاول باذن الله تتقبلون بعض وترجع المياه لمجاريها
فيصل

عزيزتي اين والدك ووالدتك هما فقط المسؤؤلين عنك وحياتك انت فقط من يختارها ومن وصفك لزوجك اعتقد انه من الصعب انك تعيشين معه وانت تحملين له كل هذا الكره
واسال الله ان يفرج عنك كربتك...........


اختك ام لولو

__________________

هذه حياتك واخيك لا شان لها بها كلميه بالحسنى واذا لم تجدى نتيجه الجئى الى والدك ومن ثم اعمامك واخوالك
واذا تقطعت بك السبل الجئى الى القضاء كى يزم حده معك

أدعي الله بهذا الدعاء
اللهم سخر لي القلوب العاصيه وافتح ابواب الحق لي
ادعي الله والجاي الى طرف تثقين به ويقنع اخاكي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

أختي العزيزة
ليس لك سوى الباري عزوجل لتسأليه أن يجد لك مخرجا من هذا الضيق الذي تعانيه
صدقيني لو لجأت إلى الله بصدق النية والايمان القوي بأن الله سيساعدك ويرشدك للطريق الصواب
ستجدين ان المشكلة ستحل من تلقاء نفسها وبدون أي خسارة أوتضحية مريرة ستضطرين لدفعها

ودمتي بخير
أختك
رحيل دائم