شيء غريب يصير لي مع الخطابات؟
بدأت رحلتي مع الخطابات من سنة
االشيء الغريب اللي يصير لي معاهم انه فيه طلب لما اطلبه من الخطابات
بعدها ما يردون على تلفوني
والقصة تكررت مع اربع خطابات
تدرون ماهو طلبي؟؟
اولا احب اشير ان الاغلبية عند الخطابات متزوجين ويبحثون عن زوجة ثانية
قلت للخطابة اقبل المتزوج لكن بشرط يوفر لي سكن خاص بعيد عن زوجته
و يكون مقتدر ماديا ويعدل بيننا في كل شي
وفعلا حصلت عند الخطابات رجاجيل مستعدين على هالشي
لكن المشكلة اللي تصير اهي اني اشترط (( ان الخطبة تتم عن طريق الحريم اولا ثم خطبة الرجاجيل))
اتفاجأ ان الرجال غير رأيه والخطابة ما عاد ترد على اتصالاتي
وهذا بالنسبة لي مهم وعلشان اضمن هالشي اشترط ان الحريم يجون اولا للبيت ويشوفني ويتعرفون على اهلي ويسألون عنا ونسأل عنهم وهذي اصول الخطبة
لكن سبحان الله بمجرد اني اطلب هالطلب يرفض الرجال ويقول ان امه متوفيه او كبيرة بالسن وما عنده خوات وكلهم نفس الحجة ويصرون ان الخطبة فقط تكون عن طريق الرجاجيل
طبعا انا رفضت لاني يهمني علم اهله وزوجته
يمكن ان يكون في باله زواج موقت ويطلق بعدها
وخصوصا انه عن طريق خطابة
او لا يرغب زوجته تعلم ويريد ذلك بالسر
لدرجة ان واحد منهم قال للخطابة قولي لها ان شاء الله قبيلتها كلهم يدرون بس اهله وزوجته لا
قلت لها اسفه
الزواج اللي بدون علم الزوجة مصيره الطلاق لان الزوجة مصيرها تدري
واذا درت وطلبت الطلاق توقعون من يطلق
يطلق ام اعياله ولا الزوجة الثانية
وايضا الزواج بدون علم الزوجة معناها ان الرجال ما راح يبيت عند الزوجة الثانية خوفا من زوجته الاولى لا تدري
حتى انه يحرم الزوجة الثانية من الخروج معاه خوفا من احد يشوفه معاها ويوصل الخبر لزوجته الاولى وتطلب الطلاق وتحرمه من عياله وتاخذ النفقة والبيت
ما ادري يا جماعة الخير هل انا على صواب وهل طلبي في محله؟؟
وما تفسيركم لعدم رد الخطابات علي بعد هالطلب؟؟
تخيلوا الموضوع تكرر مع اربع خطابات؟
هل أتنازل عن هالشرط؟ لاني فعلا طال الإنتظار
ان شاء الله تكتب هكذا
الرجاء استخدام الكلمات الفصحى بعيداً عن العامية
توصيلاً للفكرة الى اكثر عدد ممكن من القرآء
التعديل الأخير تم بواسطة وجه الخير ; 13-01-2006 الساعة 09:30 PM
12-01-2006, 03:15 AM
ضوابط المشاركة
العرض الشجري