هل تتذكر طفولتك ؟....وهل تتمنى طفلك يكون مثلك....!

08-04-2006, 11:32 PM

شجر الدرررر

قلم مبدع

تاريخ التسجيل: Feb 2006

المشاركات: 622

هل تتذكر طفولتك ؟....وهل تتمنى طفلك يكون مثلك....!

السلام عليكم ورحمه الله

الطفوله فتره جميله ...قد تستمر شخصيه الطفل كما هي الى فتره المراهقه
وقد تتغير ...حسب احتكاك الطفل بالمحيطين به وحسب طريقه معامله الاهل له ..

هل تتذكر طفولتك ؟....وهل تتمنى طفلك يكون مثلك....!

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

الطفل العنيد

يطبق نظام البيت بالع** .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..

الطفل الحنّـان

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..

الطفل المادي

هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..

الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج

هذا الطفل مستحيل يجلس في المنزل ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

انواع الاطفال منقول بتصرف ..

تحيااااتي

__________________

اللهم إني أسألك الهدى والتقى والعفاف والغنى

10-04-2006, 05:08 AM

LittleLulu

عضو المنتدى الفخري

تاريخ التسجيل: Jan 2004

المشاركات: 11,241

مشكورة اختي الكريمة على الموضوع
الله يعطيكِ العافية
تحياتي

10-04-2006, 10:59 AM

حائزة الأمل

عضو المنتدى الفخري

تاريخ التسجيل: Aug 2005

المشاركات: 10,658

تقسيم جميل جدا للأطفال الله يسعدك حبيبتي ولايحرمنا مواضيعك

أختك

حائزة الأمل

__________________

11-04-2006, 01:54 PM

rima

كبار شخصيات المنتدى

تاريخ التسجيل: Aug 2003

المشاركات: 4,093

مشكورة اختي الكريمة على الموضوع
الله يعطيكِ العافية
تحياتي

__________________

لا احلل نقل اطباقي دون ذكر المصدر

(ام علي وريما شخص واحد وهو انا

)

11-04-2006, 04:30 PM

أملي بالله

عضو نشيط

تاريخ التسجيل: Jun 2005

المشاركات: 196

موضوع جميل و شيق

أنا لا أتذكر كيف كانت طفولتي و لكن حسب ما أسمع يقولون أني كنت هادئة و لكن ( يا ويله اللي يحاول يشيلني ) يعني أقيم الدنيا و لا أقعدها من البكاء ،، يعني أنا هادئة ما دمت في حضن أمي أو أبي

أما أولادي إذا الله رزقني أتمنى أن يكونوا أفضل مني في كل شيء

دمتم بخير

11-04-2006, 04:44 PM

yallow

عضو نشيط جدا

تاريخ التسجيل: Apr 2006

المشاركات: 348

أنا أتذكر إني كنت بريئة ,,, كنت أعاني كثير في المدرسه

أتمنى ولدي ياخذ مني بعض الصفات مثل حبي للعلم والدين ومثابرتي واحترامي للغير وخوفي من الله من أنا صغيره ويكون أفضل مني ويصل للأشيا إلي ما وصلت إلها مثل قوة الشخصية عدم تكبير الأمور وأخذ الأمور ببساطه وعدم الحساسية من الأشياء إلي تصير التافهه منها والكبيرة

11-04-2006, 04:55 PM

زوجة رجل مميز

موقوف

تاريخ التسجيل: Apr 2005

المشاركات: 989

وسعتي صدري بها السوالف

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه