السلام عليكم
عاد الموضوع صج مهو مجرد عنوان
من فتره وانا ملاحظه على زوجي تغيير سيئ وتصرفات تقهر لاوالله تموت من القهر وهروب واضح وصريح من كل مسؤؤلياته يا ناس الرجال ما هو الاولي وهو بصراحه رجل خايف الله ومن الناس المتدينين لكن عنده بعض الافكار الخاطئه الي ما يرضى أي احد يناقشه فيها (لا يروح بالكم بعيد ) انا اقصد علينا في البيت وعنده عناد عقيم وغشاااااااامه المهم قبل فتره اصبح هذا الزوج بعيد كل البعد عن بيته وعياله كثير الطلعات من الفجر الى اخر الليل بس طبعا يمر يتغدى وساعات قليله يريح شوي ولما يجع يكون تعبان منهك ماله خلق أي شئ حتى ان عندي طفلي الصغير متعلق فيه حيل الى ابعد الحدود ويسال عنه طول النهار لما يشوفه يتمسك فيه ورفيجنا ما في حيل حتى يمسح على راسه هالطفل ولما اساله وينك او اشفيك اشصاير يرد علي وهو طبعا معصب ( انتي شكو مو شغك) طيب اولادك طلباتهم بيتك امورك (يلا اطلعي وطفي الليت انا تعبان ابي انام) وتمر الايام واحنا على هاحال وبعد فتره تمرضت حالي حال كل الناس وهو الاخ على ماهو عليه قلت خليه على راحته يمكن يصح ويحس على نفسه ورحت مع جارتي للطبيب واحتجت فلوس وما كان عندي فاخذت منها ولما رجع اخر الليل كلمته اني محتاجه فلوس للعلاج وهنيه كانت الطامه الكبرى ( شنو فلوس للعلاج اصلا انا ما ني ملزم في علاجك)!!!!!!! روحي دبري نفسك وحط راسه ونام انا من الصدمه بين اني بحلم او اني متوهمه قعدت طول الليل منصدمه ماني مصدقه المهم زعلت وصار بخاطري وقلت بكره يروق ويغير رايه لكنه والله يا اخوان زاد بلاه اكثر . جاه ولده قاله ابي فلوس علشان بعض الامور الدراسيه قاله انا ماني ملزم وانا مديون رح الحين .. طيب صار عندنا عرس وقلت عطني اروح اوجب العرب قال ما هو ضروري لا تروحين ولا توجبين ( ،،،،،،،،،،،،،،،،) مع العلم انا ماني من النوع الي يحب الطلعه الا للضروره وصلة اللارحام وهو اكثر شخص يعرف ذلك وبشهادته . يا الـــله في شئ والله في شئ لكن انا غبيه مو قادره اوصل لشئ ؟ انا لي سنه ونص ما عندي خادمه بحجة اننا مضغوطين ماديا وانا اخدم العيال على امل انه يحس فيني ولما طلبته قالي ( ما هي مسالة حياة او موت ،،،،،،،،،،،،،،،،،،) يالله وبعدين انا طول عمري عندي خادمه ليش الحين صارت النبره غير........ اذا ضاق خلقي واشتقت له قال انا مشغول وروحي تسلي في بيتك ومواعينك وعيالك حتى الحاجه المشتركه يا
خذها وكانه سارقها سرقه وبسرعه وعجله ( والله انه في شئ لكن يا بنت شنو للحين ما عرفت . الى ان في مره تعبت نفسيتي حيل حيييييييييل وحسيت بضيق خانقني كابت على صدري فقلت له ليش يا ابو فلان ما تساني اشفيك شلي مضيق خلقك؟ تدرون شنو رد علي انا اقولكم بس اخاف على مشاعر بعض الخوات الي يقرون قالي ( انا ما ني معني فيك او بضيقة خلقك هذا الشئ ما يعنيني) اه..اه كلمه قويه وبالصميم قلتله تعال يبه ( انته ما انت ملزم بعلاجي ولا باولادي ولا بمشاعري عيل من ملزم) تدري اشلون طلق وارتاح وريح قال طلاق لا ( تبين خلع كيفك) يا الله يا ربي ساعدني ونورني شالسالفه شلي داير هذا الحكي صحيح والا شنو المهم والسالفه طويله عرفت انه الرجال يبي يتزوج بس موب عارف اشلون لان الشله اللي هو معاهم اقل واحد عنده ثلاث ويقعدون وما عندهم غير انا فعلت وانا تركت من هالكلام اللي لي سمعه واحد مثل اللي عندي ينهبل وهذا من عدم الثقه في النفس و رفيجنا ما لقى غير هالاسلوب ( قال اضغطها خليها تطفر ويصير لك منفذ) خاصه وان الكل يعرف ان زوجي ما قاصر عليه شئ واهله بالذات ما يرضون عليه ولا بكلمه لاني صابره على فقره وغشامته وقسوته............
السؤال الي طالبه اجابته بضمير كل واحد منكم هل الشئ هذا يرضي الله ورسوله اولا وهل يرضي اهلي واولادي وهل يرضي الانسانه الي انت منت معترف حتي بوجودها والله ما يندرى هالدنيا ليش صارت كذي المهم لما دار الحديث بينا وحبيت اعرف اوجه التقصير الي ما يخلو منها بشر قالي اولا انه المراه لالالازم تفرح وتستانس ان رجلها راح يكون سعيد ومستانس مع وحده ثانيه وبعدين انتي مريضه دائما قولونك يعورك ( الله يعينه ما ينفجر للحين هالقولون ) وانا ابي اغير ( والله وبصراحه وان كانت كلمتي جارحه انا اللي المفروض اغير ) قلتله ما من مشكله تزوج واسعد وانا راح افرحلك بس بشرط شرط صغير وسهل وما اتنازل عنه لو على موتي وموت اولادي كلهم (عطني خط طلاقي وروح) لا عين تبكي ولا قلب يحزن والله ثم والله ثم والله غير هالشئ لالالالالالالالا يمكن ارضى حتى لو اطريت بجريمه ( تعبت يا ناس ومن حقي استريح) انا الحين ما في ثانيه وانا اتحسر على كل شئ كل شئ سواء لبس او حب او طلعه او فلوس حتى الكلمه الحلوه بخيل فيها انسان جلف قاسي لابعد مما تتصورون عنده الانا والانانيه مسيطره عليه سيطره تامه الرجل اللي ما يفكر حتى في ضناه اشلون يكون من بني البشر بعدين حتى هذي الثانيه ما هي بشر ما تبي مثل ما يبون البشر ( هو يقول انا لما اتزوج راح اكون سعيد قلت وشلون قال (انا لما اعطي الحب .. يجيني حب ) وليش ما تعطي الحب
هنيه من مانعك ليش هالنحاسه وشفت مني (علاقات .. والا طلعات من وراك مع اني اسوق سياره وقادره اروح واجي على كيفي لكن ربي والحياء يكفني .. ) اسالكم بالله انكم تدعون لي بالصبر وانا اسمع مثل هالجبال من الكلام زوجي الكل يشهد له بالدفاشه و بالغشم والغشم يا اخواني داء عظيم الله يكافيكم شره
( الان احس بقوه عظيمه ورغبه شديده في الانفصال واقول احسن ان الشئ هذاجاء منه وجاء الوقت اللي ارتاح فيه)
والحين بعد هالحكي متمنيه اني اسمع آ رائكم ودي اسمع صوت غير صوتي وصوته ودي تكون عندي نظره ثانيه ودي احس ان في شئ في هالدنيا يستحق التضحيه والبقاء
واسفه على ركاكة التعبير وايضا على الاطاله


تجنب ذكر المواضيع المختلف فيها ،،،،، ام اثير

كان الله في عونك الله يصبرك ويعينك عليه يارب

لاتضيقي صدرك اللي مافيه خير فراقه خير...والله يهديكم لما فيه الخير والصلاح...

في بصراحة وبدون زعل في نوع من الرياييل لو تسوي لهم وتدلعهم وتحترمهم وتقدرهم ولو ان شاء الله تعطيهم عيونك مايقدرون ومايسون وفي رياييل يازينهم ويازين ييتهم ورحاتهم يقدرون الحرمة تقدير

وترى الكلام حتى حق النساء يصير والعكس

بس بصراحة الحمدالله على كل الحال

والله يصبرج أختي الكريمة




[
















(إن شاء الله) تكتب بهذه الطريقة

السلام عليكِ أختي ورحمة الله وبركاته...
عليكِ أولاً وأخيراً بصلاة الإستخارة...
صليها أول مرة وثانية مرة وثالثة مرة ووو.....
ألين تحسين أنك مرتاح لقرار الطلاق أو المكوث معه
والله أن مشكلتك حزنتي وبينت لي مدى ضعف الزوجة
ومدى أنانية الزوج!!وغرورة للبحث عن سعادته!!
وتركك كما أنتِ!!
أعلم انكِ أنسانة ولديك شعور وأحاسيس..
ولكن الرجل القاسي يشعرك كأنكِ جدار أو جماد!!
يتمادى في غلطه ويبرر أفعاله بأحتياجاته العاطفية
ويشبع نفسه غرور ويصل الى قمة الأنانية عندما لا يفكر بكِ!!
بأحتياجاتكِ!!
بميولك العاطفية!!
ولم يشعر أطفاله بأبوته!!
بحنانه!!
بتلبية طلباتهم!!
أذا لم يجدوا كل هذا عند أبيهم!!
فأين يجدوه!!
وأنتِ أين تجديه!!
لاحظت أن عبارات زوجك معكِ قاسية جداً جدااااااااً
وتدمر نفسيتك أكثر من تفكيره بالزواج بأخرى!!
لما زوجك لا يعطيكِ حقوقك فهذا لا يرضي الله ورسوله
صلى الله عليه وسلم(صلوا عليه)..
وأذا تصرفاته معكِ كذا أنتِ وأولاده والله التصرف غير لائق
ولست راضية عنه تماماً...تصرف أناني

( هو يقول انا لما اتزوج راح اكون سعيد قلت وشلون قال (انا لما اعطي الحب .. يجيني حب ) وليش ما تعطي الحب
قهرتني كثير هذه العبارة...وفورت دمي صدق!!
هذا الصنف من الرجال لما يشوف شوفة ثانية ...
يتمسكن حتى يتمكن...
ليه مايبادلك الحب!!؟؟
مادام ذكر الحب في قوله!!؟؟
أختي كم سنة لكم متزوجين!!؟؟
ومتى بدأ عليه التغيير!!؟؟
وهو يشتغل في مكان مختلط ولا لا!!؟؟
ليه يريد الأستغناء عنك ببديلة!!؟؟
وليه يتكاسل عن واجباته وحقوقه وطلبات أولاده!!؟؟
أنا أشك في جلسة أصحابه!!
أكيد حاطين وحدة في باله!!؟؟
خليكِ شاطرة وأعرفي منه كل شيء...
أختي أطرحي عليه الأسئلة بهدوء ولا تزعلين
لازم تصيلين الى أسرارة بهدوؤ عشان يفتح قلبه لكِ
قوليله أنا مقصرة معك في أيش!!
وأذا ذكر لكِ كلام يزعل لا تزعليييييييييييييييييييين
أمسكِ أعصابكِ ولا تتكلمين الى بذكاء وحنكة!!
وخليه يتكلم وأحفظي وش يقول ولو تسجيلين كلامه في
شريط معك يكون أفضل عشان ماتنسين!!
أتوقع زوجك يلمح لك بالتغيير من ناحيته
أو يتعمد تجاهله لكِ عشان يجذبكِ لأهتماماته
ويمكن يغار من أولاده عشان أخذوا أهتماماته وشغلوكي عنه!!
ويمكن...ويمكن الكثير!!
ويمكن شايف شوفة ثانية وناوي على الزواج فعلاً
أختي جرح يقتل
أسئلتي جاوبي عليها بصراحة بعد مواجهة زوجك..
وخليكِ هادية معه وحطي أعصابك في ثلاجة!!
عشان أنا ودي أوصل للمضمون عشان أكون في الصورة!!
وعشان أقدر أساعدك أنا والأخوات والأخوان..
لا تخافين أنا معكِ وجميع الأعضاء معكِ...
لن نترك مشكلتكِ الى ونوجد لها الحل أن شاء الله..
بأنتظار أجوبتك..
تحياتي لكِ....

استخيري الله في اللي حاصل واستشيري اهلك والحكيم منهم

والله يعينك ويوفقك للي فيه مصلحتك ومصلحة عيالك
بعدين الاناني يبي خلغ عشان ياخذ منك فلوس
حامض على بوزه
اذا عزمتي تطلقين وبعد ماتطلقين ارفعي عليه نفقه لك ولعيالك وركعيه بالمصروف ووريه انه مخطي لان هالنوع مايجي الا بالشد عليه
انا رجال واعرف هالنوعيات منهم

أختي الغالية جرح يقتل :

والله فعلا مشكلتك قهرتني وحسيت كم الألم اللي تعيشينه

بس حبيبتي لازم تكونين قوية .. يعني بصراحة عشرة دامت ... كذا من السنين مو لازم تتنازلين عنها بسهولة لوحدة ثانية تسلب منك زوجك وسعادتك وتخلي أولادك متفرقين ومتشتتين وبدون أب

أنا في رأيي عليك بـ :
أولا ومهمممممم جدا الصلاة والدعاء في السجود والثلث الأخير من الليل بالفرج من الله

وثانيا : أختي لا تستسلمين لو مو على شانه على شان هالمساكين أولادك كيف بيعيشون من غير أب وخاصة كمل قلتي أنه متعلقين بأبوهم ...

أختي أنا أحس أنه زوجك بيحب التغيير والواضح أنه ملتم على شلة هي اللي ترسخله هالمفهوم بعقله

وانتي كمان عزيزتي ربما ما تكونين مهتمة بحالك أو أنك تجددي من نفسك كل فترة وأنك تلبسين له ملابس مغرية وجرييئة
لأن بصراحة كثير من الرجال يلجأون الى نساء أخريات هربا من زوجاتهم لأن الزوجات هداهم الله مايمتعون أزواجهم


أنا عندي لك فكرة جربيها وأرجووووك "لاتقولين تعبت ولا تستسلمين مع الصبر والدعاء حاولي وحاولي وبإذن الله رح تنجحي"
في يوم حطي أولادك عند بيت أهلك "ودامك تسوقين فهذا بيسهل لك الكثير من الأمور" وارجعي البيت حاولي تغيري فيه مثلا اشتري أشياء جديدة ولو ماعندك فلوس حبيبتي ماهي مشكلة غيري بأشياء بسيطة وخصووووصا غرفة النوم مثلا اشتري لها فراش جديد أو حتى لو ماعندك ثمنه اقلبيه أو أطرزيه أو شيء يجعل منه متغير وغيري مكان الأثاث في غرفة النوم وتقدرين مثلا تستعينين بأختك أو أحد يساعدك
واشترين لنفسك قميص نوم جديد وروحي للكوافير غيري قصة شعرك ولونه واعملي حلاوة لجسمك من جدييد وكأنك عروسة في أول ليلة لها وحطي مكياج ... وجهزي طاولة عليها جو شموووع وإنارة خفيفة ويعني جو يكون جداا رومانسييييي
واكتبي مثلا على باب البيت ... مثلا "عشيقي الغالي ... أكيد تعبت من زوجتك وطلباتها ودوشة الأولاد ونكدهم وتبي تنسى كل الدنيا وتفتح صفحة جديدة تنسى فيها كل الماضي ونبدأ من جديد.... لو موافق من فضلك أدخل "

يعني هذا مثال وتقدرين أنتي تعبرين مثلا ما يعجبك ويعني لما يدخل امسكيه من ايده وخلك مرحة واضحكي ومغررررية وقوليله أنك اليوم انسانة ثانية مستعدة تمسح كل اللي فات وترجعون من جديد ...


واتصلي فيه ذاك اليوم أول ما تعرفي أنه كمل دوامه على طول "حاولي لا تخليه يجلس أو يشوف تلك الشلة" وقوليله أنه ضروري جدا جدا جدا يحضر البيت لشيء طاريء .. أو أي شيء المهم تخلينه يرجع بدري

آسفة أختي على الأطالة بس حبيت أساعدك ...
ولازم حبيبتي تكافحي وتتنازلي من أجل أولادك ومن أجل نفسك ... فهو في الآخر زوجك وطاعته واسعاده مفروض عليك وتنالين به الأجر والثواب بإذن الله

أختك في الله
بنوتة_زغنتوتة

سؤال صريح ..هل كان زوجك هكذا منذ بداية الزواج وما هي نفطة التحول لديه ؟

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

{،،،،،،،،،،،،،،،،،،،،،،،}

ماصحة هذه العبارة ؟










اختي الغاليه تم التعامل مع الكلمه بارك الله بيك على التنبيه ،،،، ام اثير