السلام عليكم ورحمة الله وبركاته
الموضوع هذا موجه خصوصا للاخوات اللي عندهم شغالات
لأول مره في حياتي استخدم شغاله في شغل لبيتي انا ....
قبل ما اتزوج ...تعودت في بيت اهلي على مبدأ ان الشغاله مستحيله ....لأنها مصدر تهديد على الصحه والاطفال
كبرت وكبر معاي هالمبدأ....وتزوجت ....وكم مره ابو وليد الله يرضى عليه يقول اجيب شغاله
لأنه متعود في بيت اهله ان الزوجه تتفرغ تماما للزوج في حضوره...ما تقوم ترتب وتصلح ولا حتى تشيل ورقه على الارض والزوج موجود ...بس كنت ارفض لأني اخاف منهم ولا احب احد يسوي شغلي...
بس الحين مع التعب والاجهاد والنقل من بيت لبيت....حسيت اني مو ملحقه ....
طلبت استأجر شغاله من اللي بالساعه...ووافق ورحب... الله يسعد قلبه بصحته.... يارب
طلبت من حماتي ترشح لي وحده وانا يدي على قلبي من الخوف منها
اخاف تسوي لي شي انا او ولدي الله يحفظه
وفعلا طلبت لي حماتي وحده هي مجربتها وتمدحها
قالت بكره الصباح تجيك على السته ونص
ماعرفت انام ذيك الليله من الخوف والرعب منها
وجا الصباح....ورن الجرس
.
.
.
.
.
.
.
.
.
.
قبل ما افتح دعيت الله انه يعطيني خيرها ويكفيني شرها....
وحسيت بالراحه واطمأن قلبي
وفتحت الباب....ودخلت مايا...
سبحان الخالق فيما خلق....فيها من الجمال ما جعلني اتأملها واقعد اسبح وهي مستغربه

حسيت مالي داعي و صرفت نظري عنها ودليتها على الغرفه اللي ابيها تسويها لي
شالت العبايه ....وشفت جسم اتوقع ولا اقدعها عارضة ازياء
يا بنات من جد هالشغاله فيها من الجمال ما الله به عليم
وتبدل ذاك الخوف كله الى غيره بحياتي ما تخيلت اني امر فيها
كان قصدي اترك الباب عليها مفتوح لان المكيف باااااارد
بس قفلت عليها الباب لان زوجي باقي ما راح دوامه ...وحسيت انه لو شافها بتعجبه
مع اني اعرف انه مو بعينه ....بس انثى واغار...
قعدت شوي مذهوله من جمالها
بعدين
.
.
.
.
.
تعوذت من ابليس
وفتحت عليها الباب ابي انبهها على شغله في بالي
واول ما طالعتها كسرت خاطري بشكل
.
.
.
.هي اكبر مني وانا قاعده اتخدم بها
عندي بيت وهي متغربه
عندي زوج وهي قاعد بس تتخيل زوجها
ولدي جنبي وهي بس ما عندها الا صورة ولدها
عندي فلوس ومال وجاه وعيله ودوله واستقرار وحب وحنان من الكل علي
وهي بس تحلم بهذا كله
جالسه ببيتي ومرتاحه ومطمأنه
وهي تتنقل من بيت لبيت ويا حافظ من الشباب
يوم شفتها كيف منحنيه على الملابس تكويها والله رحمت حالها
وحسيت اني قليلة ادب مدري ليه
جد والله ما امزح
تمنيت اقول خلاص اقعدي وانا اكملها بعدين
بس هي بتقول ذي مجنونه!!!!!!
يوم كلمتها ....طالعت في عيونها
والله فيها كسره ضعف وخوف ما يعرفها الا انثى مثلها
لما خلصت كوي ملابس جت عندي تقول :
ماما....ماما....خلصت
ايش اسوي؟
.
.
.
.
طالعتها
قلت امرأه بسنها تقول لي بسني هذا:ماما
اللهم لا تحرمنا مما انعمت علينا
كسرت خاطري اكثر من اول وصرت اقول لها الله يعطيك العافيه ما قصرتي
ارتاحي شوي وافطري
وخذي اللي تبين وكلي لا تستحين
المسكينه كأني قلت لها تنفسي اكسجين لا تموتين
استحت...واخذت سندويتش فاضي
قلت لا....وطلعت لها جبن وزعتر
وهي طايره من الوناسه
قعدت اقول يارب مرر هالصباح على خير لا اقعد ابكي عليها
يوم خلصت رجعت :ماما...ماما....ايش اسوي؟
دليتها على دورة المياه اجلكم الله
.
.
.
.
.
هنا.
.
.
.
.
.
.
.
من جد كنت ح ابكي عليها
سبحان الله ....ما ينقصها شي
ومثلي مثلها
بل انها اجمل واطول واحلى وانحف و و و و ....
بس سبحان الله
شقي وسعيد
اللهم لك الحمد حتى ترضى على ما انعمت علي
اللهم احفظ لي زوجي وولدي وبيتي واهلي بحفظك
ولا تحرمني منهم واحفظهم من كل مكروه
.
.
.
يوم شافت انه تنظيف لدورة المياه اعزكم الله
فعلا انكسرت عينها وانحنت من الخجل
وصارت بس تبي تدخل وتقفل على نفسها ولا اشوفها
والله صعبه
احس انه اسوأ ما يمكن عمله على وجه الارض
تنظيف حمامات الناس...اعزكم الله
.
.
.وتكرر انكسارها هذا ثلاث مرات ويعلم الله كم صعبت علي
وتمنيت اني ما اكون طلبتها تجي من الاساس
ورحمتها ورحمت من هم على شاكلتها
لكن صرت اقوي نفسي وقلبي ...
بأن اتذكر الشغالات اللي عملوا جرايم
وقعدت اقول:يا بنت امسكي العصا من النص
.
.
.
.
والحمد لله خلصت مدة استئجارها
وجا السواق يبي ياخذها
قبل لا تطلع عطيتها عصير كنت انا وولدي نشرب منه
واستغربت
كيف اعطيها مثلنا ...لا وبارد
قلت عادي يا بنت الحلال
واجرتها كانت 120
قمت عطيتها 150
قلت الباقي علشانك
فرحت فرحه ما انساها
وقامت تقلب الفلوس وهي ابد مو مصدقه
شكرا يا ماما انتي مره كويسه
اذا احتجتيني اطلبيني
انتي طيبه وانا احبك ومن هالكلام
وانا حسيت اني شوي جبرت بخاطري وخاطرها
.
.
.
. اسفه ياجماعه طولت عليكم بس من راحت المره وانا افكر في حالهم واحمد الله على النعمه
كان ممكن اكون مكانها
حبيت بس اذكركم بهالنعمه
واتمنى انكم تتذكرون اللي انتم فيه وتحمدون الله دايم على عطاياه لنا
وترحمون الشغالات لانهم بشر مثلنا
وما فيها شي لو نكرمهم شوي
لإنسانيتهم وابتغاء الاجر من الله
واسأل الله ان يتم نعمته علينا كلنا وان يسبغ علينا بمزيد منها
قولوا امين

__________________
[/IMG]

الله يكثر من امثالك اختي
فعلا كلامك صحيح كان ممكن نكون مكانها

بس الحمد الله
انا اتعامل مع شغالة مثل اختي او بنتي
الله يكون في عونها

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

من قبل كنت مثلك مابي حد يخدمني
بس حياة الكرف ماحبيتها
يعني اشتغل في بيتي كارهه واحس انه مفروض فرض
والجو والحر والشغل
زحمه
وزوجي مايحب يشوفني اشتغل

جبت الاولى ومابلعتها كرهت الدنيا معاها
مااستفدت منها
بس الثانيه معاها شفت الهنا
صحيح اني في شقه وعندي طفلين
بس وقت الحمل اضطر لوجود حد يساعدني

لو تعبت كل شي بيجي على راسي

صراحه عيشتني اميره فقط 600 ريال كل شهر

بس اكثر شي مزهقني هو جلسة البيت لاشغل ولاعمل

اتكلت عليها في كل شي
ختى لما اظبخ تحب تتعلم وتتقن الصنعه
علمتها الطبخ والجلوس مع عيالي واللعب معهم وكل شي وجلست صفر اليدين

والله يستر

اللهم لك الحمد

اللي ابي اقوله لما تجيك وحده تبرد قلبك
بتنسين هذا كله
اهم شي الراحه النفسيه

__________________
سبحان الله وبحمده سبحان الله العظيم

طبعا اعاملها باحترام
وبين وقت واخلر اهديها هديه
ولااحاول اثقل عليها
الا لما يجيني احد تعرفين تنكسر القاعده

__________________
سبحان الله وبحمده سبحان الله العظيم

والله صادقه انا الحمدلله من النوع الرحوووووووووووووم مره والله احيانا اذا ابي اطلب شئ من الشغاله استحي منها ماادري ليش مع اني في بيت اهلي متعودين علي الشغالات بس هذا طبع فيني والف حمد وشكر على هالطبع ارحموا من في الارض يرحمكم من في السماء ونحن كمسلمين الرحمه والرافة من طبعنا ...

ام لولو

__________________

بنت شام
اشكرك على مرورك الطيف وجزاك الله خير


ختام
اتمنى اجمد قلبي لان الشغاله حقتي قدمنا عليها وجايه في الطريق
زي ما قلتي تعبت من الكرف
الله يجزيك خير على مرورك الحلو


عيون زوجها
لا تخافين...صدقيني مثل ما اننا نرحمهم ربك يسخرهم لنا
ويحنن قوبهم علينا
الله يعطيك العافيه على مرورك والمشاركه

__________________
[/IMG]

السلام عليكم.

حبيبتي واختي الغالية الله يسعدك اقولها لكي من كل قلبي .

والله سبحانه وتعالى سوف يجزيك بكل خير على ما قمتي به مع الشغالة .

وفعلا كما قلتي يجب ان نحمد الله على ما نحن عليه. الحمد لله.

عن نفسي فنحن ليس لدينا شغالة ولم نتعود على دلك في عائلتنا و لا اعتقد انني راح اسويها عندما اتزوج .

تحياتي للجميع ولغاليتي مشكلتي اصدق .

اختك دلع.

دلع يا دلع
تسلم لي رقتك ولطفك
الله يسعدك وتسلمين على مرورك الروعه.....

__________________
[/IMG]

ما شاء الله تبارك الله
وصفك اكثر من رائع و كلماتك فيها الكثير من الصدق
مشاعرك نبيله
وهكذا اوصانا عليه السلام ان نحسن معاملتهم

اتذكر انني كنت في بيت اهلي الوالده تطلب مني اوجه او اعطي مبلغ لها
وكنت استحي اقول لها لا انت
و بما اني مغتربه ببلد لا مجال لوجو د من يساعد
و هكذا انتهيت من هذا الاحراج

نفس الفكره تراودني انني اكون مكانهم

الله يرحمنا برحمته الواسعه ولا يجعل فينا شقيا او محروما

موضوعي تشرف والله بتشريف مشرفتنا العزيزه ام اثير
جزاك الله خير وبارك فيك

__________________
[/IMG]