السلام عليكم ورحمة الله وبركاته

الصراحة انا مشتركة معكم من زماان ولكني اتابعكم بقراءة المواضيع وقلما شاركت
لكني وجدت صديقتي تمتدح الموقع لانها شعرت بالحب والود والتعاون فيما بينكم
فقلت لما لا اشارك انا ايضا وانال من الحب جانب هههه ومن الدعوات ايضا فانا مازلت فتاة

وموضوعي يمكن يعتبر غريب بعض الشيء على القراء ولكني ما كتبته الا لاني اريد ان اعرف ان كان احدكم له نفس ما بخاطري

الموضوع هو لماذاعندما يرغب الولد في الزواج ويصرح به لأهله يفرحوا ومايصدقوا ان يقوموا بالبحث عن الفتاة المناسبة
وعندما تصرح البنت نلقى شيء من الاستنكار والاستهجان من تصرفها ( هذا اصلا ان حدث حيث يمنعنا الحياء من التصريح بالموضوع)

ولكني اقول بفرضية حدوث الامر
يعني ماذا تتووقعوا من الاهل اذا قامت الفتاة بالتصريح وطلب الزواج؟؟

فقد قرأت موضوع مازح عن احدى الفتيات تقول لامها اريد اتزوج
والام تقول لها اعقلي
ابوك بتجيله سكتة

هذا الموضوع لقيته الان وانا اكتب الموضوع:

أبــــــي أعـــــــــــرس ...... زوجــــــــــــــــــــوني

نزلت هذهي الكلمات مثل الصاعقة على الأم

كانت صدمة لها :

مع أن المفروض أن كل أم تفرح لما تسمع هالكلمة من واحد من عيالها

لكن سبب الصدمة كان أن هالكلمة ما صدرت من ولدها

لكنها صدرت من .... من ....

من " بـــــنـــــــتـــــهــــــا "

إيـــه " بـــــنـــــــتـــــهــــــا "

و اللـه الـنـشـبـه



أنربط لسان الأم

دارت فيها الدنيا

قامت تهوجس

الولد نقدر نخطب له ... لكن البنت بـنـبـحـل بها

من وين بنجيب لها رجـــل !!!!!



" يـمه ... ردي علي .. تكفين ... زوجيني "


صحت الأم من الهواجيس الساخنة ... القاتلة ...اللي أصابتها من الصعقة السابقة


كانت البنت تهز كتف أمها .. و تترجى فيها :

" يـمه ... أفهميني ... أنا أبي أعـرس ... "


لكن الأم ما قدرت ترد بأي كلمة

كانت بس تناظر في عيون بنتها و تقول بينها و بين نفسها :

" هذي اللحظة إللي ما عملت حسابها .... الظاهر بنتي كبرت و أنا ما أدري ... "


رجعت البنت و رمت بنفسها على الكرسي بكل إحباط و قالت :

" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمــــــــــــه .... أفهميني يـمـه الله يـخـلـيـك "


أخيراً تكلمت الأم و قالت :

" خلاص يا بـنيتـي ... فـهـمـتـك " ... و هـي قاعـده تفـكر وشــلـون تـبـي تـفـاتـح الأبـو في هالـمـوضـوع ... لا الـمـصــيـبـه !!!!


قربت البنت من أمها و قالت :

" يـمـه وشـهـو اللـي خــــــــلاص ... أنتي تـحـسـبـيـنـي الـين الحـيـن بـــزر ... بـتصـرفـيـنـي ؟؟ .. أنـــا حــرمــه .. أنا الـحـيـن صـرت حـرمـه .. و كـل صـديـقـاتـي اللـي مـعـي تـزوجـوا ...
يـمـه اللـه يـخـلـيـك حـسـي بـشـعـوري "


و الأم مسكينة يتقطع قلبها على بنيتها .. و تقول في خاطرها :

" الله يعينك يا بـنـيـتـي .. كل هذا في قلبك و متحملته "


و البنت أستمرت في صراحتها ...

" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..

طلبت العــــــــــــــــــــرس بس .. "


و هوجست الأم :

" العـــــــــــــــــــرس بس !! .. إيه هين بس .. هو العـــــــــــرس ينقال عنه بس ؟؟ !! "


و كملت البنت :

" يـــــــــــــمه سامحيني على صراحتي

بس ما لي غيرك أفضفض له

أنتي لو تعرفين شلون إحساسي كلما فكرت في صديقاتي المتزوجات

أتخيل سعادتهم ... و أتصور شعورهم

فاهمتني يمه ؟؟؟ "



و قفت الأم في مكانها .. و حاولت إنها تكون صارمه عشان تنهي الحوار و قالت :

" خلاص يا بنت .. قلت لك خلاص ..

أنا فهمت و ماله داعي كل هالشرح

و إذا جاء أبوك تفاهمت معه ... أنتي تحسبين الموضوع سهل ..

بـيـنـجـلـط الـرجــــــــال فيها "


قامت البنت من مكانها .. و واجهت أمها و قالت :

" لا .. ما بعد فهمتيني .. و لا حسيتي باللي أحسه

أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء ..

تحسبيني ما أفهم .. ما أحس

أعرف شعورك لما تكونين مع الوالد "


و مسكت كتوف أمها بين إيديها و حطت عينها بعين أمها و قالت :

" يـمـه أفـهـمـي لـيـش أنا أبـي أتـــــــــزوج .. "


الأم ما قدرت و دارت و جهها عن بنتها و قالت :

" يا بنت إســتــحــي "


لكن البنت كملت كلامها :

" يـمـه المسأله ما فيها حيــــــــــــــاء .. هـذي مـشـــــــــاعـر طـبـيـعـيـة ..

كـلـه كـــــــــــوم .. و منظر صـديـقـاتـي كـــــــــــــــوم ..

كل يوم أشوفهم الصباح يــجـيـبـونـهـم أزواجـهـم للـكـلـيـه

و أنا قـلـبـي يـتـفـطـر

أشوف أشكالهم مع رجالهم .. و أنـقـهـر ..

و أنا كل يوم أركب مع الســـــــــــــــواق للـكـلـيـه

يـمـه أنا كـلـي أحـاسـيــــــــــــس و مـشـــــــــــــاعـر

يـمـه أفـهـمـيـنـي عــــــــــــاد "



لكن الأم ما أسـتـحـمـلـت

طاحت على الأرض مـغـمـى عليها

و الظاهر إنها إنـجـلـطـــــــــــــــــت ..


جلست البنت على ركبتيها .. جنب أمها .. تحاول إنها تصحيها و هي تصرخ :

" يـمـه أفـهـمـيـنـي ... أنــا.... أنــا ..... أنــا

أنــا أبــي أتــزوج عشــــــــــــــان ....

علشان ابي اركب قدام


المغزى من القصة كما فهمت مع ان القصة مازحة ولكنها تحمل معاناة فتيات كثيرات
و هو انه الام شعرت بشي غلط في كلام البنت مع انها الفطرة
كما وجدت في الولد فانها توجد في الفتاة ايضا

فلم ننكر على الفتاة ذلك ونشعر بالعار ان فكرت في مجرد التلميح للأمر؟
وماذا ان كان الاهل متفتحين
هل بيدهم شي مثلما هو بيدهم اذا كان الامر عرض من ناحية الابن وليس الابنة؟

ارجو تفاعلكم معي فهذي اول مرة اكتب من فترة طويلة

بس من دلني عالمنتدى غيرك.. الله يجزاك خير ويوفقك

QUOTE=حبيبة الفهد]
هي تصرخ :

" يـمـه أفـهـمـيـنـي ... أنــا.... أنــا ..... أنــا

أنــا أبــي أتــزوج عشــــــــــــــان ....

علشان ابي اركب قدام
[/QUOTE]

ضحكت ضحك الله يضحك سنك.. تبغى تركب قدام تروح تركب مع ابوها طيب<< صدقت

--------

صراحة أنا مافي أمل أتكلم

اصلا اذا امي جت تقولي عن خاطب مثلا أسوي نفسي ماهمني << وانا قلبي يفزفز شوي ويطلع من مكانه من الفرحة

وامي لما ماتشوف تفاعل مني ماتكمل كلامها

اقولها ايوه وش اسمهم طيب

تقول : الفلان

أقول ماش اسمهم مو مرة << يعنني ماهمني ثم أعطيها ظهري وابتسم مبسوطة

وامي تقولي ماعجبك اجل بقولهم فيه اختها أصغر منها

اروح اعطي امي نظرة واقول قوليلهم << تبغى تستفزني بس

واروح لغرفتي وانا قلبي يفرك ابي اعرف وش يشتغل ومعلومات عنه

أطلع مرة ثانية أسوي نفسي ناسية واسولف سوالف عادية.. وبعدين أقول ايه ماكملتي شتبغى الحرمة اللي داقة شعندها؟

<<<شرايكم بالحركات

عاد امي ياعمري من فرحتها تقول كل شي


بس أنا اسوي الحركات هذي لأني بصراحة أستحي ماحب يبان علي قدامهم أني اهتم

حتى اذا وقفت مواضيع الخطبة حتى حزني مابينه اشوف امي تبكي قدامي وأتحسر ومابين تصوري؟

أسوي نفسي عااااادي بس انتظر الليل عشان اصيح على وسادتي على راحتي.






انا أسألك حبيبة الفهد.. تتجرأين؟

__________________
اللهم لك الحمد والشكر
"ولئن شكرتم لأزيدنكم"

أنا؟؟؟؟؟؟؟؟؟؟؟؟؟؟؟؟؟؟

هذا من رابع المستحيلات

بس موضوعي هو لماذا لو تجرأت الفتاة على التصريح بذلك يستهجن البعض فعلها مع انه حقها؟

وبالنسبة للموقع صح انا دليتك عليه بس انتي شجعتيني اكتب فيه من خلال كلامك عنه فأنا كنت اتابعه من زماان وانقطعت عنه وانتي ذكرتيني فيه فجزاك الله خيرا انتي ايضا

الله يوفقنا في حياتنا مع نعم الرجال

أختى حبيبة الفهد

مو كل الرجال ينتظرون بنتهم تصرح لهم برغبتها بالزواج لأن هذى فطره

معروفه وصدقينى كثير من الرجال اللي عنده بنات لاشاف اللي يسوى

ويستاهل لمح له بطريقه ما ، لاتظنون الأباء ولاعلى بالهم بالعكس والله

شايلين هم البنات لاكن وش في يديهم 0

يعنى فيه اب والا اخ بالدنيا عنده وحده فوق عشرين سنه ومايعرف انها

ترغب بالزواج ؟؟ ماهي محتاجه البنت تصرح مثل الولد 00 والا انا غلطان ؟

تحياتي

هههههههههههههه (حبيبة الفهد) على شو ناويه!!!!

الموضوع مثل ماقال أخونا الكبير مايحتاج لتصريح أهلنا فاهمين إن البنت مالها غير الستر بس فيه منهم اللي يسعى لبناته ويسهل زواجهم ومنهم اللي مايهتم أبدا ومنهم اللي يحاول يتنقى شراي عدل علشان يلهف كمن فلس من ورى بنته!!!

صدقـــت أخــي الكبيــر

في إحــدى المــرات تفاجــأت ، بل انصدمــت من ردة فعــل والدي

كانت هنالك مشاكــل في عائلتي وقيــل وقــال ، والموضــوع عن الــزواج ، وبالأخــص فســخ عقــد القــران

فقــال : أو تظنــون ( فلانة عمرهــا 23 سنة )

أو تظنــونهــا لا تتمنــى الــزواج ؟

أو تظنونهــا لا تشعــر بالغيــرة الطبيعيــة عندمــا ترى من هن أصغــر منهــا يتزوجــن ؟

ذهلــت لكلماتــه التــي كانت انفجــاراً عقــب صمت !!

***

كانت ردود فعلي عكسيــة في السابــق ، ولكنهــا لا تخفــى على من أنجبانــي ، فكلمــا أتت سيــرة الزواج ، وقيــل

لي : عقبالك ، كنت أستشيــط غضبــاً وأعلن رفضــي التـــــــاااام للــزواج وأنني ( معقــدة منه ) وأنني ( زعيمة

حزب لا للزواج ) ( إيوة صح باين ) ، وكنت ( بيني وبينكم ) متخوفــة من رفــض أهلي للعرســان دون إخبــاري

إستناداً على رفضــي الدائم ، ( جبانة ) ولطالمــا سمعــت رفض أهلي لفــلان وعــلان لأنهم ( غير مناسبين ) وذلك

دون إعلامي حتى لا أفكر بالموضوع وأنشغل به ( ياحليلهم أهلي ) بيني وبينكم كنت في أشد حالات خوفي العمر

يمضي ولما يتقدم أحد لخطبتي ، وقد سمعت من الخارج أن الناس يخشون خطبتنا لسمعة والدي الشديدة بين الناس

وخشيتهم الرفض المسبق ، آآآه كانت أيام الله لا يعيدها ..

الله لا يحرمني من والدي ويطول في عمره ويحسن عمله ويوسع رزقه ويرزقه السعادة وراحة البال مع أمي يااااااارب

***

الغالية حبيبة الفهــد

يستهجــن الأهــل تصريــح ابنتهــم لما جبلت عليــه الفتــاة من الحيــاء والخجــل

وحيــث أن رغبتهــا معروفــة ، وإن كانت مكتومــة

فإن تصريحهــا يعتبــر ( قلة حيــاء ) أكثــر من كونــه إخبــار برغبــة ، أو ( فضفضــة )

***

دمت بحب

اما بالنسبه لي فأهلي حاسين وعارفين اني ودي اتزوج ,, غصب يبان علي ومااعرف ابين العكس ..

اصلا ليه ابين لهم العكس احسن يعرفون عشان يهتمون ,, والله لو مااهتميت انا محد جاب خبري ..

بس الشكوى لله حتى لو دروا اني ودي اتزوج ! وش بيسوون يعني هم يخطبون لي ! ياليت

على قولة سوسو ياليتني هنديه عشان انا الي اخطب خخخخخخ

__________________

ادعولي بالزوج الصالح الي يسعدني ,, جزاكم الله خير

سبحان الله وبحمده عدد خلقه ورضا نفسه وزنة عرشة ومداد كلماته

حيائي يمنعني من التصريح أو حتى مجرد التعبير ، يوجد فتيات صغيرات في عائلتي اسمعهن يتحدثن عن الزواج وعن

الأولاد اما أنا عمري ماقلت كلمة(عيالي) حياءً أويمكن لشعوري بأني لن أتزوج أبداً 0

والدتي تتفهم وضعي ولا تتحدث معي عن الزواج مطلقا، فحوارتنا عن البيت عن اخواني الا الزواج (ممنوع)

يوما مادخل علينا اخي وكانت عمتي تتحدث عن الزواج وانه في يوم كل واحدة بيجيلها نصيبها دخل أخي ماذا تتوقعون

انه قال؟ قال ايش الكلام الفاضي هذا غيروا السالفة رغم انه متزوج وتقولون حاسين فينا محد حاسس فينا 0

الله يكون في عون النساء اللواتي في مثل ظروفي ، اختي حبيبة الفهد بوركت على هذا الموضوع الحساس0

أهلي ما حاسين فينا أبدا
يمكن أمي تفكر فينا .. بس بدون ما يكون لها أي فعل إيجابي

هم يعرفون برغبتي في الزواج لدرجة أني بكيت مرة قدامهم عشان يوافقون على اللي تقدم لي

دايما أكلمهم عن صديقاتي وعيالهم

بس حجتهم دايما .. ما ياج الرجال اللي يستاهل

الله يسامحهم