أول نظرة تشوف فيها خطيبتك...تشوفين فيها خطيبك ...او بالاحرى بعد عقد القران...

هل كنتى متخوفه؟؟؟؟هل كنت متخوف ؟؟؟؟

ماذا أعددت لهذا اللقاء؟؟؟؟من كلمات او اهداف؟؟؟:14:



عطوناااااا ارائكم@@ في اول نظرة... هل ندمتى على تسرعك في تصرف او قول...حتى نستفيد...وانت يا معرس كنت مهتم ب ماذا ؟؟؟



انتم السابقون ونحن الاحقون

هل كنتي متخوفة؟؟

اول نظرة لي بعد القران.. والله كان شعوري غريب.. كنت خايفة ومرتبكة ومنحرجة.. مع انه زوجي ارتبطت فيه وانا اعرفه تمام المعرفة..
ولكن بحكم انه عندنا العادات في البحرين انه الشيخ يجي ويسأل البنت هل تقبلين بفلان زوجا لك؟؟ وبالأحرى عندنا في مدينتنا انه عيب الوحدة ترد من اول مرة يسألها الشيخ.. فصادتني حالة خوف شديد وما رديت على الشيخ إلا خامس مرة يسألني..(هههههههههه) حتى اهلي حسبوا اني غيرت رأيي..
ولما دخل زوجي بعد خروج الشيخ كنت منحرجة لآآآآآآآآآآآآآآخر درجة,, وخصوصا انه اول مرة اشوفه قدام اهلي.. ولأنه باسني فوق راسي قدامهم..

ماذا اعددت لهذا اللقاء من كلمات؟؟
قبل ما يعقد علينا الشيخ ارسل لي زوجي مسج كان بالساعة 4 الفجر, وكان احلى مسج, والمسج كان التالي:
صباح الخير والنور
لأحلى زوجة بهالكون
واجمل عروس
واحلاهم
اشكر ربي واحمده
واطلب منه يحفظكم ويرعاكم
يا أغلى ما بالكون
حبيبتي
أحبك
واشتاق لكم دوم
والله لا يحرمنا من بعض وهذا أحلى تاريخ 23/12

وتخيل كان طول ذيك الليلة سهران ما قدر ينام.. وانا يوم ثاني ارسلت له مسج.. وكانت بعد كلامات المسج حلوة وخاصة وانها من قلبي له...
وبعد ما عقد علي الشيخ واستلمت المهر اهداني زوجي هدية كانت ساعة ذهب.. هههههههههههه.. المفروض انها مفاجئة لكني كنت شايفتها من قبل.. شلون ما بقول..

والله يا اخوي ذكريات جميلة الفال لك.. ونسمع منك ..

ماشاءالله ....الله يوفقكم... حلو انه ايكون في اتصال بينكم معرفه قويه قبل الزواج عشان لما تملجين عليه اتكونين فرحانه واااااايد.....

معلومه يديده انه عندكم البنت تشوف الشيخ وتقوله انها موافقه....احنا لا !!!!عندنا عيب اكيد لكل بلد حتى لكل منطقه عادات تختلف.........

ماقلتيلنا عن مسجج

عقبالنا يارب

__________________
لا تنسوني من صالح دعائكم

هو يعني ممكن يكون حلو وممكن يكون لاء.. عارف ليش؟ حلو انه الانسان يتزوج وهو عنده مقتنع بالشخص اللي راح يرتبط فيه.. ومو حلو من زاوية ثانية انه لو لا سمح الله تصير اشياء بعد الزواج وتكتشف ان اختيارك خطأ ما عندك احد تلومه إلا نفسك وسوء اختيارك او نصيبك...

من زمان جدتي انه كان الشيخ يسأل الوحدة إذا هي موافقة او لاا عشان ما تقول البنت انها مجبورة.. 99.9% من الزيجات في البحرين تتم بموافقة البنت,, وما اظن انه في وحدة في البحرين غصبوها ترتبط بشخص معين..

المشكلة والله اني ما اتذكره بالضبط.. وزوجي بعدها غير موبايله وضاعت الرسالة... بس اتذكر اني كتبت له كلام اي شخص يقرأه تتحرك مشاعره.. وصحيح انه ضيع المسج لكني كل بين فترة وثانية اقعد واكتب له مسج من اعماق قلبي,, ولا احب ارسل له مسج مرسل من شخص.. افضل تكون الرسالة من ابداعي الخاص حتى ولو ما صارت بالمستوى المطلوب..

وصح تذكرت.. قبل ما يعقد علي انا كنت كاتبة له رسالة (( رسالة خطية)) عبارة عن ابيات شعر او نثر تقدر تقول في حبي له.. إذا سمح لي راح اذكرها..

وثانكس اخوي...........

وعقبالك يا اختي الحب الحبيب

أول مرة أشووووف ريلي في يوم الملجة، بس بيني وبينكم كنت شايفه صورة له في البوم عرس اختي مال الرياييل، وهو شافني في الجمعيه بتقولون كيف عرفني اهو ما يعرفني يعرف سيارتي وشافي نازله منها بس طبعا ما ميزني عدل بس عرف هيئتي ..
بعد ما ملج المليج امه نادته عشان يشوفني ، انا كنت بمووت من المستحى لان خواتي وامي وبنات عمي كانوا يالسين ، اهو دخل بس ما عرفني لان واايد بنات كانوا واقفين اللين امه قربتني منه كان يبوسني على راسي بس بعد ما شافني عدل اهو قالي هالكلام عقب طبعا وظهر ..

بس ثاني يوم يه زارني وشافني هالمرة عدل ويسلنا نسووولف 4 ساعات

بذكر موقف لوحدة تقرب لي ..
لأنا بعدنا قوطط مغمضة

الموقف كان كالتالي :

طلبت أم المعرس من البنت إنها تطلع له (لولدها) من دون سابق إنذار !!!


فمسكت قريبتي بيد أمه ، وهم يسحبونها خخخخ !!!

ويوم دخلت قعدت تعصر إيدها !!! وما رفعت راسها !!
مع إنها من النوع الجريئ !!

ومن بعدها أول ما طلعت ..




























3


2


1
Action





























إنفجرت من الصياح !!! ههه بصوت عالي ، قعدت تشهق وفظحتنا جدام خلق الله !!

والكل شكله جذي جدام أهل المعرس :
أو جذي
قعدوا يهدونها ساعة ، إلين ما سكتت مسكينة
اللي يجوفنا يشك إنا كنا رايحين عزا مب رايحين للــ :14:

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

انا اول مره شفت زوجي كان يوم الشوفه الشرعيه وما كان موجود غير انا واخوي وزوجي .. اخوي قعد يدفني قدام الباب لاني ما كنت راضيه ادخل كاني خروف ساحبينه للمصلخ في الاخير اخوي عصّب وقال خلاص بروح اقوله انه هوّنا وغيرنا رأينا وانا اقوله لاااا تعااال وعد هذي المره بدخل وراك على طول .. اللي يضحك انه كل الدف اللي صار والخناق مع اخوي عند الباب زوجي كان شايفه لانه فيه مرايا كانت عاكسه كل اللي حاصل واحنا مو منتبهين بس طبعا زوجي ماعترفلي بذا الشي الا بعدين.. المهم دخلت وانا ركبي تتخابط وقعدت واخوي استاذن وخلانا شوي مع بعض نحكي انا وقتها كنت كاني جوال محطوط عالهزاز من الخوف والروعه ... ذكريات حلوه اضحك من قلب كل ما اتذكرها

احنا عنا غير بفلسطين بيجي يطلبها بتكون موجوده يمكن عندكم اسمها النظره الشرعيه ما بعرف
بس اجا يطلب وفات وهو وامه وزوجة اخوه وامي وابوي وانا قعدنا وحكينا وهيك