بسم الله الرحمن الرحيم ..

ادري اني طفشتكم ... بس مالي احد غيركم ...

طبعا اكيد كلكم لاحظتوا انه الموضوع انحذف .... >>>> اللي قرا الموضوع راح يفهم ....

لما خرجت من المنتدى ماقدرت انام ورحت كلمت صحبتي حكيتها كللللللل شئ >>> اعز صديقة من المتوسط

وشوفوا ايش حصل بيننا وايش قالت وايش رايكم ؟؟؟؟

قالتلي اول مرة اعرف انك تحبي المنتديات غريبة طول عمرك تكريهها ... قلتلها بس انا مرتاحة هنا عشان اشياء

كثييييييييييير ومافي رسايل خاصة او مافي تجاوزات وما احد يتطاول على احد ومافي صور وخلاعه وكلام قلة ادب

قالت طيب وفين المشكلة ؟ قلتلها انه الان راح تراقبني في كل كلمة اكتبها >>> اللي قرا موضوعي راح يفهم

قالت طيب انتي كتبتي شئ غلط ؟ راسلتي احد ؟ انتي قلتي مافي رسايل خاصة ؟

قلتلها انا ماكتبت شئ غلط ولاشئ .. وكله والله العظييم حقيقي ومن قلبي .. بس ما ابغاها تتريق عليا وتراقبني وتضحك

قالت خليها تتريق انتي اسكتي لاتتكلمي

قالتلي اسكتي واسمعيني وبطلي دلع وقلة حياء >>> كذه قالت

قالت انا اعرفك من المتوسط والان احنا في الجامعه وقريب نتخرج عمري في حياتي ماشفت فيكي شئ غلط

طول عمرك كنتي ماشية صح وعمرك مااستغليتي حياتك في شئ حرام مثل اي بنت تتعرف وتخرج ...

قالت انتي انسانه رائعه .. خليها تشوووف الجانب الثاني من كبريائي اللي كل الناااااااااااس يعرفوه ويحبوووه

يمكن تتغير معاكي ... لمتى حتكوني خوافة جبااانة ؟ وليه تتصرفي كانك سويتي شئ غلط لما تجي توقف في

طريقك ... خليها تقرا خليها تشوف خليها تتابع ... خليها ...

وقالت ... انتي مافي منك 2 ... ... انتي الكل يحبك عمره مافي احد اتمنى لكي الشر رغم كل المميزات اللي عندك

عشان قلبك ابيض ... عمرك ما اشتكيتي لاحد او اتكلمتي عن حياتك .. كل شئ فيكي غامض ...

كل شئ فيكي جذاب ... عمرك ماقلتي انه فيها شئ غلط عمرك ماقلتي تكرهيها .. >>> اقول اللي قرا موضوعي اول راح يفهم

قالت ما انسى لما كنا في الثانوي وحصلت مشكلة وقلتيلي انها مهما تسوي تحبيها ... لانها مسكينة ...

ا قالتلي نتي طيبة مرة ... ليه تحرمي نفسك من اشياء كثير ؟... وانتي ماسويتي شئ

قالت خلاص ارجعي المنتدى باسمك .. وشاركي وكملي وخليها تعرف مين كبريائي وخليها تقرا يمكن تتغير مع الايام

تقوول اذا انا فعلا ماسويت شئ كملي وحلفت اني ماكتبت او قلت شئ غلط وكله على نياتي ... وكله حقيقي ...

قلتلها بس لو عرفت ما اقدر اتكلم عن حياتي

قالت ليييه ؟ بالعكس اتكلمي براحتك وخليها تقرا رد الناس يمكن تستفيد هيا كمان ؟


تقول مافي شئ يستاهل .. وماصار شئ ورحي اتاسفي منها لاني اعرفك ماتتحملي تقعدي وفي احد زعلان منك


ايش رايكم ؟؟ اكمل باسمي واخليها تعرف كل شئ عني ؟ ... حتى لو اتريقت حتى لو ضحكت حتى لو ايش ماصار ؟
والا اسحب نفسي ؟؟؟

.................................................. .................................................. .................................................. ....................


اللي يبغى يفهم ايش الموضوع >>> احد من اهلي عرف اسمي وصارت مشاكل وكنت ابغى اغير اسمي عشان ارتاح واكتب براحتي بس صحبتي قالت لا استمري وخليها تعرف انتي ماسويتي غلط .. وماشية صح خليها تشوف عادي

ايش رايكم ؟؟

إذا غيرتي اسمك كأنك تعترفين أنك غلطتي..
دامك واثقة من نفسك إنك ماقلتي شي غلط؟؟
أثبتي على موقفك..
وواصلي كتابتك ومشاركاتك بنفس الاسم المستعار..
وخلك واثقة من نفسك..
وماعليك من كلامها حتى لو ضحكت وتتريقت ووو....

واثق الخطوة يمشي ملكا

لا احب تكرار كلامي .. ولااحب الهرج الزايد


دام الواحد اولا يخاف الله في كلامه وتصرفاته ..مواضيعه مفيدة ومؤدبة .. والشي اللي حببني بعد بالمنتدى .. لارسائل ..لاايميلات .. ولاغزل ولافحش ...

بحرينية ولكن ... فعلا مافي شئ يدينني ... سواء في المنتدى او برة المنتدى ....


تركي بن محمد ... جزاك الله خير على وقفتك .. ان شاء الله ربي يحققلك اللي تتمناه ...

يعني خلاص اكمل ؟؟؟

الله يستر

رسالة تعارف

غزل

ضحك وقهقهة ...


ايميل


خلينا نتعرف


ارتحت لك من اول نظرة


^^ لم يحصل ولاشي من هذا كله ... الواحد اذا طالع ربه .. يكون مرتاح ^^

طيب لو اقنعتيها مثلا ..وخليتيها تقعد وياك .. وتشوف مواضيعك .. وتاخذين رايها ... عسى بس يحن قلبها وتشوف شنو الافكار والفهم اللي وصلتيه .. ماراح يكون احسن ؟؟

كملي حبيبتي...
تعودنا على ( كبريائي )....
ومواضيعها الحلوة والشيقة...

لالالا ما اقدر اخليها تجلس معايا صعب جدا ...

انا خلاص باكمل باسمي عادي وكان شيئا لم يكن ... واذا قرات حاجة اكيد بتقلي او تلمح .. وانا باسكت وعادي ما اقول

شئ ... لانه بعد فترة اكيد بتطفش .. وماعاد تدخل وتراقب

فعلا حتى انا اتعودت تصدقين خلاص سجلت باسم جديد ... وتعبت اليين ماطلعت بالاسم

بس عارفة اللي قرؤا موضوعي شكلي ضيقت صدرهم .. وكانوا شايلين هم . واايش راح يكون اسمي الجديد.

معليش اختي .. بس هل لهذا علاقة بمرضها ^^ عسى الله يشفيها ^^ ؟؟

اذكر انك نزلتي موضوع عشان موضوع المستشفى ؟؟؟؟


تذكري دوما .... احفظ الله يحفظك ... دام الواحد ماشي وضميره مرتاح .. ماراح يخلي لاي احد عليه طريق


اسال الله ان يحنن قلبها عليك ويسخرها لك يارب العالمين

لا يا اخ تركي ماله صلاح بمرضها او شئ .. بس مشكلتها العصبية ... والشك الكثير ... وطول عمرها عاشت عمرها

مظلووومة ... وانا اعترف انها انظلمت ... بس نفس اللي حصل معاها بتسوي فيا وانا قلتلها انها بتعاملني نفس

طريقة تعامل معاها وهيا صغيرة .. بس برضه ...

لانها تحط كل مشاكلها فيا ... وتعصب عليا انا بالذات بدون سبب .. رغم اني والله العظيم ما اتكلم معاها الا قليل ..

بس كذه تعصب بدون سبب