سمك..سمك..سمك.. بالصور من مطبخي
اليوم عندي لكم طريقة سمك تجنن صراحة هي طريقة اختي بس والله طعمها يجنن وكتير سهلة ان شاء الله تعجبكم
نبدا باسم الله
نحتاج الى سمك شرائح اي نوع بتحبيه
كزبرة خضراء
اربع فصوص ثوم
نصف حبة فليفلة حمراء
فنجان حامض ليمون
ملعقتين زيت زيتون
فنجان طحينة
وماء على حسب ما بتحبي سماكتها
نص كوب جوز
ملح
الطريقة
ضعي الثوم والكزبرة والفليفلة في المفرمة وافرميهم ناعم
ضعي فوقهم الجوز وافرمي
بعد الانتهاء ضعي الحامض والزيت والملح والطحينة والماء وحركي جيدا وانتي هون بتعملي السماكة اللي تحبيها اذا بتحبيها خفيفة او جامدة على كيفك
نقلي السمك ونضعه في صينية الفرن ونتفه شوي
نصب الصلصة اللي عملناها فوقه وندخله الفرن
نتركها بالفرن الى ان تنشف شوي
اجا دور الرز
نحتاج الى بصلتين مفرومين
شوية زيت
رز ابو حبة طويلة مغسول ومنقوع
الطريقة
اقلي البصل بالزيت لحد ما يحمر كتير يعني قريب يحترق
وبعد ما يحمرو ضيفي فوقهم ماء واغليهم على النار حوالي 7 دقائق
ارفعيهم عن النار وهاتي مصفاية وصفي الماء بطنجرة تانية شوفو المرق كيف لونه بني
ردي الماء على النار وضيفي الرز فوقه طبعا يمكن ما تحتاجيهم كلهم حسب كمية الرز وضيفي الملح وانا ما حطيت مقادير كل وحدة حسب طبختها
نتركه ليغلي ونخفف النار عليه ونغطيه ونتركه حتى تنشف الماء ويستوي الرز
وبعد انتهاء الرز نسكب بصحن التقديم ونضع السمك فوق الرز
وممكن تاكلوه لوحده او تقدميه مع السلطة
وبالهنا والعافية
ها شو رايكم قولو رايكم بصراحة مستنية ردودكم الحلوة
__________________
لا احلل نقل اطباقي دون ذكر المصدر
(ام علي وريما شخص واحد وهو انا
)
11-08-2006, 04:27 PM
ضوابط المشاركة
العرض الشجري