السلام عليكم ورحمة الله وبركاته
اخواني وخواتي انا اول مره اكتب موضوع في عالم المطلقات والارامل والعوانس
تعودت اني اكتب بس في عالم المتزوجين لاني متزوجه وام عيال
بس اليوم قلت فضول بدخل اشوف وش سالفتكم ؟؟
وابي اعرف ليش يعني لكم عالم خاص فيكم ؟؟
وبصراحه استغربت جداً !!!
خير يعني مطلقه او ارمله او عانس !!
سو وت ؟؟ شفيها يعني ؟؟
مو هذا هو النصيب !!
ما احنا بعد المتزوجات ممكن نكون مطلقات او ارامل وممكن البنت الصغيره تصير عانس !!
هذا النصيب ليش الزعل !!
صحيح نتكدر ونزعل ونصيح بوقت المصيبه بس مو نعامل انفسنا كشي منبوذ او شي غلط ومو طبيعي ؟؟
انا متزوجه وعندي صديقاااااااااات شكثر مطلقات وعوانس وعايشين حياتهم طبيعي
نزور بعض ونطلع مع بعض واي نعم ممكن يفكرون بزوج يعوضهم خير بس ابدا ماشفت منهم هالانكسار اللي فيكم !!
قولوا يارب عوضنا زوج صالح او ارزقنا الزوج الصالح بس لاتكونون مكسورين وحزينيين وتستعطفون الناس
هذي تقدير من الله محد يعرف الحكمه منها (( وعسى ان تكرهوا شيئا وهو خير لكم ))
وعيشوا حياتكم بوظيفه .. بطاعة والدينكم .... بزيارة اقارب.... بحفظ قران ... الخ
وبأي شي حلال يشغلكم الا هالشي ( الزواج ) انسوه او تناسوه
وخلوه لتقدير الرحمن الرحيم القادر على كل شي هذا بيده متى ماالله راد بيرزقكم

وانتوا مو ناقصكم شي اخواني وخواتي عادي جدا ارمله او مطلقه او عانس شفيها يعني
احنا احسن منكم بوشوا ؟؟
ماحنا بعد عندنا مشاكل مع الزوج والعيال
والواحده فينا تتمنى احيانا لو ترد بنت ترتاح شوي من المسؤوليات وتشوف حياتها

ويالله عاد بلا دلع انت وياها
ولا عاد اشوفم تعترضون على النصيب
وعيشوا حياتكم مثل مالله كتبها لكم الين يفرجها

اخيراً ... تحياتي ودعواتي الحاره لكم
اختكم صريحه جداً

__________________