السلام عليكم ورحمة الله وبركاته اخواني واخواتي اعضاء اروع منتدى واللي انااعتبرهم اقرب لي من اهلي هاانا ارجع لكم من جديد بهم جديد والم جديد وماادري متى بتنتهي احزاني ولو اني اشك انها لها نهايه والا يمكن لها بس بعد ماالله ياخذ امانتي وارتاح من هالدنيا اللي ماشفت فيها اي معنى للسعاده ولاطعم للراحه والامان ابتعدت عنكم فتره بسبب ظروف مرضي بسبب ما عانيته من قهر وكبت وضيم وحرمان وغدر من اللي اسمه زوجي وهو بالحقيقه اشد اعدائي مع انه عايش من خيري انا انا مااقصد اني اتمنن عليه بهالكلمه بس غصبن علي لاتلوموني واللي يعرف قصتي معه بيعذرني اكيد بس اللي تعبني وذبحني قهر هو انه طلع لي بشي جديد بعد وهو انه قام يخلي ربعه اللي مثله يجون البيت عندنا بدون احم ولادستور تخيلوا فجاءه يدخل علينا الصاله واحد من ربعه وهو في حالة سكر ومضيع ومااخذت الا بذاك الرجال اللي داخل علي الصاله انا وبنتي كنا بالصاله وبالليل وانا بقميص نومي ولما قلت لولدي قول لابوك بالموقف الي حصل لاني انا منفصله عنه ومابينا اي كلام مثل ماانتوا عارفين قال له ذول ربعي ومستحيل امنعهم انهم يجون بيتي قال له ولدي لكنه جاي سكران قال له ليش ضركم بشي او قال لكم شي تخيلوا معقوله ياناس فيه رجال بهالصوره ماعنده نخوه ولاشهامه ولاغيره على هله اذا مايخاف علي انا على الاقل يخاف على عياله وخاصه البنات ربعه كلهم مدمنين اللي خمر والا مخدرات وفعلا حصل مثل ماتوقعت صار كل بين يوم ويوم تجي عندنا اشكال يسهرون ويشربون بالبيت عندنا وانا وعيالي فوق وقافله علينا الباب اخاف لاحد منهم يتهجم علينا وبنفس الوقت احاول ماابين لعيالي اني خايفه من اي شي وانا بداخلي ميته خوف وقهر والله يااخواني واخواتي اني اسمعهم يتمشون ببيتي وكأن البيت ماله حرمه ولا كنه بيت عايله كل يوم اكره اللي اسمه زوجي اكثر من اليوم اللي قبله واتمنى من الله انه يخلصني منه باقرب وقت وكنت ادعي ربي انه ياخذ روحه او روحي بس من اليوم ادعي ربي انه ياخذه هو لاني لو مت انا ماراح أأمن على عيالي معه وهو يجيب لهم اصحاب السوء وكنت كاتمه بنفسي وتعبت نفسيا وما كنت ابين لعيالي عشان ماابيهم يتأثرون وذا الشي اثر علي انا ومرضت ولازمت الفراش فتره وما حصلت الا عيالي وخدامتي هم الي قاموا فيني لان اهلي ما يقدرون يجون بيتي لانهم عارفين طبعه ما يحبهم ولا يبيهم عندنا لين الله شافني بفضل منه ثم بفضل عيالي وخدامتي والحين حصلت فرصه اكتب فيها الي بداخلي لاخواني واخواتي عشان احس اني ابنفجر وابختنق من الي فيني مدري الى متى هالقهر والظلم والله اني ميته روحي راحت مني مابقى لي روح ولاقلب صدقوني عايشه بجسدي بس عشان عيالي ماابي اضعف او اطيح مريضه ويضيعون عيالي من بعدي لانهم مالهم حد من بعدي ادعوا ليتكفون رجيتكم ادعوا لي احس اني محتاجه لدعواتكم خاصه بهالوقت وهالظروف الي امر فيها والله يحميكم ويحفظكم من كل مكروه يارب ويفرج كربة كل مؤمن واسمحوا لي ادري اني ثقلت عليكم بهمومي والامي بس والله اني مالي من بعد الله الا انتم

لا حول ولا قوة إلا بالله


حسبنا الله ونعم الوكيل على كل من روج للمخدرات والخمور إلى أبناء المسلمين


أختي كان الله في عونك أحتسبي الأجر وأكثري من الأستغفار


وأطــــــــــــــــلبي الطــــلاق فهو من حقك ولن يخيبك الله بإذنه تعالى


وليس فيه خير لكي ولا لأولادك وليس فيه غيره وإذا راحت الغيره راح كل شيء


الله يستر بكره لو يطلبون من ربعه شيء من البيت ..!! ما راح يرفض ..!!فلحقي على نفسك وعيالك ولن ينساك خالقك وثقي به تعالى

__________________

لا حولة ولا فوة الا بالله
حمد الله على سلامتك ختي والله يعينك على زوجك اايد كلام اخ السيف السلول خدي بيه
والخير فيما اختاره الله لك

الله يعينك

خليك دايم حذرة

كيف .. قميص نوم قدام اولادك !!

السيف المسلول- فلور وعهود الله يجزاكم الف خير على اهتمامكم بالرد على مشكلتي وتفاعلكم معي بس مثل ماقلت من قبل الطلاق صعب صعب حيييييييييييييييييل احنا اصلا نعتبر مطلقين لان من سنين عايشين مع بعض ببيت واحد بس منفصلين بعدين احب اقول لاختي عهود ان قميص النوم اللي كنت لابسته قدام عيالي ماهو عاري هو مستر لاني عارفه وفاهمه انه مايجوز البس قمصان نوم عاريه قدام عيالي وانا ملتزمه بالدين ولله الحمد والا وحده غيري وبنفس ظروفي كان من زمان الله يعلم وش سوت الله يثبتني ويثبتكم يارب

نسيتس كل الهم الي هي في وبتسالي هدا السؤال بعدين مو ضروري قميص نووم فاضح هي قصدها انو اشي ما بنلبس قدام الغريب عنجد انتي غريبة

تسلمون على دعواتكم لي وعلى ردودكم الي اثلجت صدري وعسى الله يسعدكم وياجركم وان شاء الله في ميزان حسناتكم واحب اشكر اختي جوزي عمري على كل كلمه كتبتها لان يحسيت انها متفاعله معي ومتاثره حيل من همومي واسئل الله ان يبعد عنكم كل الهموم ويفرجها عليكم وينصركم على من عاداكم

الله يعينك يااختي وانتبهي لنفسك وعيالك زييييييييييين

ودائما ادعي لعيالك وودعيهم الله

وقولي استودعتكم الله الذي لاتضيع ودائعه

ولا تنسين الاذكار تراها بإذن الله تحفظكم



بعدين معليش اختي عهود اعتقد ان الموضوع او المشكله اهم من انك تدققين في التفاصيل

اللي مالها داعي مثل قميص النوم


ياليتك عطيتيها حل ولا فكرتي في اللي هي لابسته

وتحياااااااااااااااتي




للجميع

أختي منبع الأحزان

فرج الله كربك وثبتك ورزقك الصبر وعوضك خيراً في ذريتك

ياأختي مدام الحال زي ماتقولين

أنا أقول بلغي عنهم ويجون يقبضون عليهم وهم في بيتك وترتاحين من شرهم

بقول مثال

فيه وحدة كان زوجها قاسي معها جداً وكان قريب لها

فطاح بشلة وكان معها ثلاثة أطفال

وضاع مع هالشلة إلين قبض عليه بالسجن

وهي صابرة وماتشتكي لأحد

وراحت عند أهله فترة طووووووووووويلة وهو مسجون وكانت تقول لأطفالها بابا مسافر

لدرجة إن أبوها كان يقول إطلبي الطلاق وش تبين فيه مايستاهل

وكانت صامته ماترد عليه

وربي أراد لها رحمة من عنده

هدى زوجها وترك البلاوي ورجعها بيتها

ومرت سنين على حالتهم

والله يعظم أجرك يختي والله مثل هالحال ماينصبر عليها

يعني زميلة دخل عليكم بالصالة

بكرا ممكن يكسر الباب عليكم لاقدر الله

الحال إللي أنتي فيها يختي ماينصبر عليها

إذا أهلك مافيه أمل يتدخلون كلمي واحد من المشايخ يفزع لك

الله يصبرك يختي ويعينك على حل هالمشكلة ضيقتي صدري يختي

__________________

اختي الله يعينك ويصبرك على ما ابتلاك
وأنا أؤيد اختي الألمعية مادام ما تبغيين الطلاق

__________________

	في المدرسة نتعلم لنمتحن وفي الحياة نمتحن لنتعلم