الأرواح جنود مجندة..
مشكلتك مو في عدم تقبلها
مشكلتك في عدم اتخاذ قرار لحياتك

أحس إنك خايف تطلقها وتتزوج غيرها وما تتوفق وتخسر الأولى...
أحس مشكلتك ماتبي تخسر..

وإذا ذبحتم أحسنوا الذبح

يا أخي إنت ذابحها ذابحها بهجرك ومشاكلك..
ابتعد عن الأنانية المفرطة وحبك لنفسك وأحسن إليها وارحمها واتخذ قرار مناسب لكليكما...

امساك بمعروف او تسريح باحسان
وبحالتك مسكتها بذل واهانه فسرحها افضل اللله لايكلف نفسا الا وسعها والناس ماعاشو معاناتك وبيتكلمون شوي ويسكتون

سرحها
لاتكون اناني
تقول ضحيت
ماضحيت لعيونها..مضخي لسمعتك ومضحي اتقاء عاداتكم وتقاليدكم..هي اللي مضحية وكثير برضوو
بس كافي حرام تروح سنوات شبابها مع شخص مايقدرها ولايحبها..
الحب والتقبل من الله..لكن حسن العشرة وطيب التعامل من اصالة الشخص وحسن تربيته..
مو مجبور تحبها او تتقبلها لكن مجبور تتخذ احد طريقين اما امساك بمعروف أو تسريح باحسان

ما ادري اشعر ان الطلاق قرار صعب
اسهل حل اصبر وإذا قدرت اتزوج مستقبلا
هذا افضل حب بس اخشى عدم العدل ليس في المحال
بل بالاهتمام
ما ادري ليه ما اتقبلها تعبت والله

التقبل من الله مااحد يلومك
لكن ملام على امساكك لها وانت تستكثر عليها كل شيء بحجة انك تستحق الأفضل..
تخيل ان اختك بمكانها
بمعنى زوجها ماحبها ولاتقبلها لان مواصفاتها لاتجذبه..
وخلها عنده لحد ماراحت زهرة شبابها وهي تضحي وتعطي وهو حتى مو قادر يمارس معها العلاقة بشكل طبيعي
مو شيء صعب ويقهر وظلم..
لازم تقرر
كلم زوجتك انك قررت تنفصلون لانك ناوي تتزوج ولاتبي تظلمها..وانك ماشفت منها تقصير لكن الارواح جنود مجندة..
عمرها الان صغير الفرص الان افضل من بعد سنة او بعد سنتين..
لاتضيع حياتها مع شخص مايشوفها شيء
يمكن يرسل الله لها من يعزها ويعيشها ملكة

الله يصلح حالكم يارب

احس انك انسان متخبط مو عارف وش تبي مره تحملها الخطا ومره تحمل نفسك فانصحك ترضى بنصيبك مثل ماهي راضيه فيك على عيوبك انت ارضى فيها وترى صعب تحصل مثلها موافقه تجلس معك رغم تقصيرك المادي والنكد اللي تسويه وصعوبه الانجاب فلا تظن بتحصل واحده بسهوله مثلها فتعوذ من ابليس واسعدها

انت اناني اسمح لي اقول هالكلمه
انت ماضحيت ولاشي هذا واجب عليك حسن العشره ولهن مثل الذي عليهن بالمعروف
هي ضحت باهم شي وهي الامومه تتوقع ليش احن الحريم هاجسنا الاطفال لكن نضحي في سبيل الزوج المحب المقدر لكن يكون جزات صبري ضره لا
اذا والله عايفها لعل الله يعوضها خير منك زوج محب واطفال اما انك متصبر وهي مضحيه وانت مبيت النيه للطعنه صعبه والله
ليش صعب الطلاق الحين خايف تخسر صح .. اناني
يابن الحلال عمر الانجاب للمراه للاربعين بعدها احتمال ضعيف تنجب فصعب هي الان تعتبر نضحيه دام المشكله منك ومستقبلا اذا هي خلاص ماتنجب تزوجت فتكون لا نالت بلح الشام ولا عنب اليمن وتتحسر على عمرها معاك
انت ماتقبلتها وحقك بس اجلس معها صارحها انك مو متقبلها مو لعيب فيها بس الارواح جنود مجنده و انك احتمال مستقبلا تعرس وانك ممكن ماتعدل خلها تشوف حياتها

اصبر عليها وابعد عن المقارانات وراح تعيش ملك

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

انا قرات بعض مواضيعك
ورايت انها زعلت منك اظن مرتين وراحت بيت اهلها
ليش ما طلقتها في هذا الوقت وكان زي العذر لك

بالعكس انت رحت بيت اهلها وراضيتها ورجعتها
تصرفاتك غريبه!!!!

انت خايف من الطلاق وانت باقي ما تعالجت
حتى ما يقولون الناس تطلقت هي منه لانه ما ينجب ومحد يزوجك
تفسيري صح؟؟

عموما العدل هو الشرط الوحيد والمهم للتعدد
وانت من الان تعرف من نفسك انك ما بتعدل لانك ما حبيتها
فاستخير وقرر وشاور رجل حكيم قريب منك او استشاري اسري يساعدك لاتخاذ قرارك

اناني
خايف تاخذ غيرك يكون احسن منك مروءه وكرم

شاورها
تكمل معك ولالا

واتحمّل هي اللي يجيها