على قول جداوية غيرها ماحصل شيء
وربي بنات اعرفهم مايجيهم هدايا وقت الملكه وانا وحده منهم

صح حازة بنفسي بس الحمد لله راضية لان ضروف زوجي صعبة يادوب راتبه يكفيه يجهز فيه الشقة والعرس
الحمد لله ماقصر في هدايا يوم الشبكه وشو له يكلف نفسه فوق طاقتها

الله يكون في عونك يااخي

ياخــي هذي بنـــــــــت عمـــــــــــك قبل لا تكون زوجتك

يعني لا تستغرب جرائتها وطلبها


يمكن حد قالها اطلبي منها


وترى شرعا تراها زوجتك من يوم انكتب العقد ولو طلبت منك لازم تعطيها


يعني الحين صحيح ان ماعندك .. وشاري لها مكياج بقيمة 1000 ريال


لو مقسم هالألف على شكل 500 كل شهر مب احسن ؟


عشان تحل الموضوع لازم تاخذ حل وسط


بس لا تحرمها من العطية


نحنا في الامارات عندنا واجب على العاقد يعطي زوجته مصروف شهري و لو رمزي


500 ريال ولا شي .. بس المكالمات بصراحة مبالغ فيها !!


يعني تخسر 850 ريال على كلام ؟ لازم تنصحها

قولها بعطيك مصروف شهري بشرط المكالمات ماتعدي ال 300 ريال لان بصراحة انا كل الي عندي هالمبلغ

واحنا نبغي نسافر ونستانس ونأثث شقة وغيره .. شو رايك ؟


اطلب رايها


وشوفها شو تقولك


تحياتي

__________________

متى زرت والدك آخر مرة ؟

ياحياااااتي على زوجتك والله رحمتها مسيكينة !

تدري وش سالفتها !

ماأتوقع أحد محرضها ولاشي لأنها من أهلك وأنت عارفهم زين ..

لكن هي تبي تكشخ عند صديقاتي خطيبي جاب لي وخطيبي عطاني ويمشي لي مصروف شهري ووووو

وأكبر دليل سالفة المكياج !!

لاتشره عليها ترى البنت تحب الزين والكشخة ويمكن أهلها ماكانوا معطينها مجال ..

حاول تجاريها باعتدال والمصروف قل لو يدري عمي بيزعل مني ..

وعلمنا وش يصير معك عشان يستفيدون الباقين لأن البنات صاير عليهم طلعات غريبة هالأيام !!

واللي إذا تبي الصدق , فعلاً سابق لأوانه ، وأنا كنت حاط هالشي في بالي انه راح تطلبه لكن مو ألحين , يعني بعد الزواج مثلاً وعادي هذا حقها


عموما كل الشكر أخوي

هلا بك أختي


يقولون من رضي عاش , والقناعه كنز


الله يصبرني ويوفقك

هلا فيك الفهدي


أخوي احترامي لعاداتكم في الامارات , لكن صدقني الوضع يختلف عنكم بكثير , مسألة المصروف عندنا وقت الملكه ماني مجبور عليها ابد لأنها في بيت ابوها , وانا ما انكر ان لها حق النفقه , لكن إذا صارت معي في بيتي , لأن هذا هو نظامنا وانا واثق لو اعطيها ويصير بعدين مشكله وتكبر وتوصل لابوها وامها واقولهم اني سويت وسويت وسويت , بيقولون لي يا اخي منت مجبور تسوي وتسوي وتسوي وكان ما سويت هالأشياء


يا أخوي الوضع مو مثل عندكم وحتى انت شوف ردود اغلب السعوديين سواء نساء أو رجال وشوف كيف هم مستغربين من طلبها


عموماً بارك الله فيك على الطرح وانا ما راح احرمها من شي يدخل العقل ويقبله المنطق وصدقني أنا مو بخيل أو اني احب الفلوس , والله آخر شي افكر فيه الفلوس لكن المصيبه أن الديون بدأت تضغطني وانا قاعد افكر فيما بعد الزواج وقاعد ارتب الوضع انه يكون تمام علشان ما اتورط بعدين


وفقك الله اخوي

اخي اذا الديون هلكد مضايقتك حته دفع الجوال زياده لانها عدها مهرها وانت لازم تشاركها في همومك وخليه تحسب معاك
خطيبي ظروفه عله كده يعني من عطاني المهر قال اصرفي منه واي شي تحتاجيه بعد ما راح اقصر بس شوي الظروف تمنعني اسوي كلشي ,, وضلينه انا وياه نحسب كل شي فلوس تدخله ونرتب ونخطط شون راح نرتب امورنه
واما عن سالفة المصروف فهو بين فتره وفتره يدز مبلغ يعني المسأله يرادلهه نقاش وعقلانيه وشوية حزم

وبالتوفيق

السلام عليكم ورحمة الله وبركاته

ليش مستغرب طلبها أشوفه عادي صحيح ان لو خطيبي ماعطاني

من نفسه كنت بخجل اطلبه منه ..بس ترى المساله عاديه

انا من بداية الخطوبه وخطيبي محدد لي مصروف 300 ريال شهريا

الا اذا فيه فرق في العادات في مناطق المملكه .. مدري ..؟!!

وكل شخص وامكانياته ممكن تكون 500 كثير لذلك اعطيها اللي تقدر عليه ....

__________________

لماذا كل هذه الطلبات لا تعودها علي هذا الدلع حتي وان كان معك وتمتلك فجائز جدا ان تصبح اكثر طمعا
وكل ماتطلب وتنفذ لها تزيد اكثر ارجوك لا تعودها ولازم تضع حد ولك الحق في ذلك وكمان لماذا المصروف الشهري
ليس لها حق في ذلك ارجوك لا تستمع لها ولا تنفذ لها لانها ستنقلب الي ماكينة طلبات وربنا يوفقك ويبارك لك

الحمد لله انه في رجالنا من هو في حكمتك ان شاء الله دوم الحكمه
اصدق رأي في نظري ولا يهون الباقين (الولد الرزين ) رأيت في كلامه شيء من الحقيقه التي لابد ان تكون ,ثم إنك ياأخي لو أنك لم تبين لها استغرابك من حركاتها اللي المخطوبات في العاده لايعملوها راح تتعب كثير , وبرأيي بين لها انك بتسأل ابوها عن المصروف وترتب معاه عشان تبان حقيقة طلبها الغريب وهي راح تبطله باذن الله, وربما انها طلبت الآن من أجل ان تبين انه من حق الزوجه تحصل على مصروف خاص بها من زوجها شهرياً, لكن بين لها انه اللحين هذا الفعل منها >>شحته عيني عينك
ولاتجاريها في الطلبات اللي مفروض انها تشتريها من مهرها كا المكياج والاكسسوارات ومسكة العروس والحنايه والملابس بانواعها >> اخاف بكرة تقول ابغى ملابس العيد والعيديه

عموما لك ان تعيشها بعد الزواج كما كانت ببيت اهلها ان كنت مستطيع ولا اظنك ستقصر معها .
وفقك الله لما فيه صلاح حياتكم ورضا الله