__________________

والآن بقولكم سالفتي مع الجيلي

على فكرة أنا أحب المنافسات لكن مو لدرجة إني أقعد بالمطبخ يوم كامل بس ماشاء الله على أبو لجين عرف كيف يحمسنا ويشعل روح التنافس بيننا

أولا: رحت للسوبر ماركت وشريت الأغراض، بس وقفت كثير عند القشطات واحترت اش أختار !!
فلقيت واحد فيه من ورى صورة تشبه "مو مرة " بس تشبه شوي الجيلي حقنا، وبدون تفكير أخذته ..
وأنا رايحة أحاسب شفت كاسات بلاستيك كبيرة فأخذتها، لأن مقدار الموية اللي مع الجيلي كاس وربع فقلت هذا بياخذ كاس وربع لأنه كان مرة كبير ..

وهذي صورة الأغراض كلها والجيلي الأحمر اللي فوقه أزرق ناوية أخلطهم مع بعض عشان اللون البنفسجي:

وهذا صورة الكريم، وماأعرف اسمه بالعربي وبرنامج الوافي ماعرفت أستخدمه :

الصورة اللي وراه مرة صغيرة، ومراح توضح بالتصوير ..

وحقيقة طعم هذا الكريم مرة حلو يعني إذا كنتوا قد ذقتوا الجيلي مع المهلبية فهذا يعطي نفس الطعم تقريباً ..

ثانيا: بعد ماجبت الأغراض وصورتها، بديت بالعمل
صفيت الكاسات وكتبت على كل كاس اللون اللي فيه "وماأدري اش الحكمة من هالخطوة بس كذا حبيت أسويها " ..
والكتابة ماطلعت واضحة لكن لو دققتوا بتشوفونها:

الكاسين اللي ورى بعض هم اللون الأحمر، لأن الكمية لازم تكون مضاعفة منه ..

ثالثا: حطيت الجيلي بالكاسات الكبيرة وصبيت عليها كاس وربع موية حارة وخلطتهم لما ذابوا "بس الجيلي الأزرق والأحمر"الكبير" ماحطيتهم كلهم لأن كميتهم أكبر من باقي النكهات" وهذي صورتهم:

ومااشتغلت على هذا الكاس بس! كان عندي قوالب أشتغل عليها، وبأوريكم صورها لاحقاً إن شاء الله ..

بعد ماصبيت الجيلي البنفسجي بالكاسات والقوالب كان باقي بالكاس تقريبا ثلث الجيلي، فحطيت عليه بحدود 4ملاعق من الكريمة، وطلع كذا شكله:

وعانيت من مشاكل عويصة، أصعبها إن الجيلي اللي بالكاسات كان يتجمد بالكاس قبل مايجي دوره في الطبقات

فاش سويت ؟؟!

كنت معبيتها موية حارة وكل دقيقة أحط فيها كاس وأحرك لما يذوب ! وإذا ذاب هاللون تجمد اللون اللي بعده !! وأنا بس شغلتي أذوب !!!
بالفعل تعبني مرة !!

وأتعب شي الأحمر !!
لأنه آخر واحد، وكميته مضاعفة، والطبقات اللي تحته مارضت تتجمد، وهو كان مذوب من المغرب ولاحطيته بالطبق إلا الساعة 12 !!

وهذي صورته في عملية التذويب:

وأخيييييرا خلصت منهم على الساعة 12 ونص تقريبا

وهذي صورتهم وهم نايمين بالثلاجة :

طبعا تتسائلون وش سرّ هالصحون الكثيرة !!

أنا أقولكم !!

أولا: هاذي لأبو لجين وأم لجين تفضلوا:

وهذي للجين والكتكوتات الصغار :

وخلوهم يعذروني لأن الطبقة البنفسجية علقت داخل القالب !!

لكن لو أصروا عليها، خلوهم ياكلونها من القالب :

والقالب الكبير كنت ناويته لأعضاء منتدانا بس أول ماقلبته هونت !!

تحطيييييييييييييييييم

وبعدين صار كذا :

معليش ياأعضاء المنتدى حقكم أكبر من هذي، وإن شاءالله تضبط التجربة الثانية

وهذي هي كل تجربتي

وماأقول تجربة فاشلة ! بالعكس تعلمت منها كثير، والمرة الجاية ان شاء الله بحاول أتلافى الأخطاء اللي سويتها هالمرة

واليوم اللي تضبط فيه بصورها وأحطها بموضوع مستقل

[/CENTER]

ألف ألف ألف مبروك


على الانجاز الخطير

صراحة تعبتي ونلتي


ماشاء الله الطبق جداً جميل كتجربة أولى


صراحة ماتوقعت كل هالإبداع


الله يعطيكي العافية ياجنة الدنيا


ما شاء الله عليكي قول وفعل


وشكراً على نصيبي أنا و أم لجين و البنات .


جداً روعة الصور

و الله قول و فعل ياجنة الدنيا .

يللا بعد اسبوع نبغى تجربة ثانية :d .

الله يبارك فيك، وان شاالله يكون أعجبكم

بس التووووووووووووبة !

والله إذا كنت بقعد بالمطبخ طوووووول هالوقت أسوي مفطح أصرف وأنفع

صحون الجيلي إلى الآن بالثلاجة ! وكل ماأسمع باب الثلاجة ينفتح أجهز نفسي لسماع تعليقات جارحة من

أهلي الله يجزاهم خير ! ماقدروا مجهودي يقولون عارفين عندك مسابقة وتطلعين ابداعاتك علينا

شفت ياأبو لجين قد ايش حوسه
والدليل جنة الدنيا
عاد اشوى هي صورة حوستها
ياخساره ياليتني صورت حوستي
تعطوني جائزه
بس زين السواق استفاد من واحده من الصواني
وامي تقولي واش هالكرم والحلى اللي موزعته علينا وعلى الجيران خخخخ
آآآآخ ياخساره ياليت صورتهم الصوني قبل الالتهام

__________________

[blink][/blink]

__________________