والله قهر

خلوني اسلم لانسى

السلام عليكم ورحمة الله وبركاته

مساكم الله بالخير

احس فيني حرة وحرار لازم اطلعها وكتبت الموضوع

با ادخل بالسالوفه على طول

قبل شوي طالع بروح اشتري لي بيره عادية من دون كحول

^
^
^
ناوي اخربها <


المهم

ودخلت السوبرماركت

واخذت البيره

ووقفت سرى مع الناس الي بيحاسبون وهذا بزر يلعب هو واخته منحاش بالعربيه ومدري الا العربيه << موب القناه << يامصلك :

الا العربيه خاشه بظهري

الله لا يعيدها من بيره

المهم ويوم وصل لي السرى وجيت باحاسب وافتح المحفظه طلع مافيه الا ريال

شوفي وجهي بين الناس



المهم واطلع من محفظتي بطاقة الصراف واعطيها المحاسب

قام يطالعني بنص عين ابو هنود

ولسان حاله يقول

شكله توه مطلع بطاقة صراف

والناس وراي تطلع فيني يققولون وش يبي ذا

بيره وبريلين ومسوي زحمه

المهم

ماضبطت العمليه كل شوي العمليه غير مقبوله كالعاده

المهم قال لي الهندي

صديق في صراف برى روخ سوي صرف مشين ( machine )خراب

عاد انا قلت مشين خراب مشين خراب

نروح نصرف بس ماراح اوقف سرى

المهم رحت اصرف

وانا اصرف طلعت حسابي الا كان بحسابي .........................
رقما ما

وبهذه اللحظه جلست افكر بالمستقبل

تذكرت على طول اخوي اخوي زواجه ان شالله يوم السبت

حياكم الله كلكم يوم السبت هناك الساعه 9 بعدد العشاء

لا حد يتاخر ومالكم عذر

المهم

بدخل بالمهم والي يرفع الضغط

تصدقون يا ناس
اخوي وباقي الشباب بشكل عام

عشان يتزوج

يكلفه زواجه حوالي

180 الف


او اكثر

ليش

يا ناس

والله لو تفكرون بعقل في ناس بيقولون عادي والله ما تكلف

وانا اقولهم الا تكلف ونص

اذا انا الحين لي متوظف حوالي كم سنه ماقدرت اجمع المبلغ ويوم جمعته طارت بالاسهم

بلله عليكم متى بيتزوج الشاب؟

اذا كان الشاب بشكل عام

اول مايتخرج من وظيفته اول مايفكر بعد مايتوظف وشلون يشتري سياره يروح يداوم عليها

انا هنا اتكلم عن الطبقه العظمى من المجتمع

في ناس

اوكيه الله منعم عليهم وتلاقي الواحد ابوه يتكفل فيه الين يتزوج

انا لا والله لا

ابوي بيقولي خلاص توظفت انت مسئول عن نفسك

عندي غيرك 10

بيقول لي

الي علي درستك وربيتك وعلمتك والحين جاء الباقي تكمل طريقك بنفسك

معه حق كثر الله خيره الي وصلني الى نص المشوار

المهم

بعد السياره هذا اذا اشتراها كاش

والغالب تقسيط

اذا خلص التقسيط بعد سنتين

وبداء يجمع للزواج بلله كم يبي له عشان يجمع حق الزواج

انا باقول مثال قريب مني واشوفه الان قدام عيني

اخوي يوم جاء يخطب

دفع مهر 70 الف ريال

حلو


القصر وماني عارف ايش كلف حوالي 35 الف

حتى الان

105 الف

شقه ايجار

شبكه

حوالي 30 الف

^
^
^



كم وصلنا

حوالي 135 الف

حلو

تاثيث الشقه حوالي لو قلنا اضعف الايمان لا يقل عن 20 الف

وصلنا لـــ 155 الف

شهر بصل

حوالي 15 الف

170 الف
غير الصباحيه


غير الكماليات واشيياء ماذكرتها سقطت سهوا

ايه لا تنسون

الطقاقات الظاهر بحوالي 8000 ريال

البطاقات بـــ 4000 ريال

انا عارف فيه اشياء

بتقولون مو محدود يسوي بذا السعر فيه اشياء ارخص

بس برضوا الناس الي جاي تخطب بنتهم لازم ترضيهم

مو بنت ما خذه من الشارع

صح ان البنت ودها مثل باقي البنات

بس

المساله معقده بجد معقده

بلله ياناس

وش تتوقعون

حياة واحد تزوج وبداء حياته بالدين



وش الحل شباب

نجلس عزاب ونستمر بالنت

ولا

نتزوج من برى ارخص

ومو احلى بس ارخص

^
^


والله الموضوع جد المهور

غاليه
V
V
V
V
V
V
V
V

على فكره انسدت نفسي

وما شريت البيره

ملطوش من منتدى

__________________

موضوعك خفيف دم اقرأ واضحك بس انقهرت يوم جت سالفة تزوج من برا

مصاريف هالزواج مهي غالية وبس الا نااااااااااااااااااااااااااااااااااااااااار مهر غالي وشبكة غالية موت

انا عندي الشبكة ب15 ألف غالية مرة وكشخة بعد

وش أبغى بالناس يجون الكوشة لونها كذا العروس لو تسريحتها كانت كذا كانت أحلى.. زواجهم روعة بس طقهم مهو زين

شفتي امالمعرس شلابسة الله يفشلها.. العروس شوي وينشق فمها فرحانة << الحمدالله اكيدفرحانة ليلة عمرها تبونها مكشرة!!

وآخرتها يدخلون ياكلون ويرقصون يشبعون ويطلعون ينتقدون وهالفلوس وهالخساير ضاعت عشانهم قههههههههههههههر

الا والله هالمصاريف الواحد يحفظها ويمتع نفسه بشهر العسل ويروح لأحلى الأماكن

ياحلو الزواج العائلي فيه بركة

__________________
اللهم لك الحمد والشكر
"ولئن شكرتم لأزيدنكم"

ما أمر الله ولا رسوله بذلك وإنما هو من تفاخر النساء فيما بينهن

وضياع كلمة الرجال للاسف 00

والنتيجـة :

يختنق الشاب بديونه وتكاليف المعيشـة فلا يجـــد وقتا للحــب ولا المودة

ولا الرحمة لزوجته وإنما ينشغل باله بسداد الديون ويواجه ضغوط تكاليف

المعيشة ، فتكون نفسه عصبية وعند أتفه مشكلة يحاول التخلص من أعباء

الزوجة بالطلاق للتفرغ لتسديد الديون ، وهذا من أكثر وأهم أسباب كـثـرة

الطلاق في مجتمعنا ولا حول ولا قوة إلا بالله 0

اسأل الله أن يوفقك أخيك بالحياة الزوجية ويعينه وكل شاب 0

والله المهور غالية

وما راح اقول لكم كم دفعت اسد نفوسكم وخاصة الشباب المقبلين على الزواج
خلها مفتوحه أحسن

ولكن اشعر أن الامور هذه الايام تغيرت شوي وصارت أقل
أما الزواج من الخارج فأنا من اشد المعارضين له
وعلى فكره فيه شباب تزوجو من الخارج وبعد مضي كم سنه وتغير جمال الزوجة التي تزوجها لجمالها تركها وترك اطفاله وبدأت المشاكل . وللمعلومية هذا الكلام لا ينطبق على الكل
لأن ما فيه مثل بنت البلد تفهمك وتفهمها وعادتكم وحده

ووصيك ياخوي لا تتزوج الا وحده تدفع لها مهر يناسب إمكانياتك وحتى لو تأخرت واحسن النية وتوكل على الله وبيوفقك الله .

تحياتي وفي حفظ الله

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

يمدحون البيرة هولستين بالتفاح

صح الزواج الخارجي ارخص بأوله لاكن بالتالي بتبلش بفيز ابوها وامها واخوانها يبون يجون ويبونك توفر لهو وظيفه

اجل وش ماخذتك علشانه علشان سواد عيونك هههههههههههههههههههههه اهم شيء صف النيه وانا معاك ان المهور

صارت غاليه بس فيه ناس تبي الستر حق بناتها اهم شيء تكون صالح وشهاده معتبره ووظيفه وماراح احد يردك علشان

فلوس بالتوفيق

بصرف النظر عن المبلغ حتى لو دافع اقل انا ما ائيد غلا المهور
لكن ادا بتشتري سياره كم بتكلف 100 او اقل شوي وشوف كم مره بتصلح وتزين فيها

مستخير على نفسك زوجه وام عيال مدى عمرك وتحسب حسابه

والسياره لا ابد عادي مو غاليه عليك ولا على اصحابك الي بيركبوها معاك

لا تقولي سيارتك صغيره ورخيصه بقول انك منت خليجي او سعودي

الزواج حياه مو حسبه كم ادفع وكم احط

ام مزنه مااعتقد انك خليجيه ابد // انتي عممتي

او انك ماشاء الله عليك عايشه ومتدرين من وين تطلع الشمس

الناس في بطاله -- الاكثريه خسرانه في الاسهم -تدرين ليش لانه يبي يامن المال لزوجة التعاسه الله لايبلانا


ساضرب مثل بسيط :

رجل راتبه 4000 ريال وتوه موظف

كيف راح يتزوج ؟ ساترك الاجابه لكي / يمكن تحلين لهم العقده هذه ويدعولك الليل والنهار ويقولون الله يجزى ام مزنه بالخير

في الانتظار

انا اجاوبك بدل مزنه فيه مثل يقول ( على قد لحافك مد رجليك) اذا الولد ظروفه صعيبه لا يروح يتزوج ناس طلباتهم كثير..وبعدين الشاب بس يشوف البنت يصير طاير فيها ويدفعلها مهر غالي بس عشان يرضيها ويغريها وبعدين لما يمل ويطفش منها يقعد يشتكي ويتندم..محد ضربه على يده وقاله ادفع مهر فوق ميزانيتك عشان تزغلل عين البنت..اغلب الاهالي ما يشترطوا كم يكون المهر اخطب من هذي العوايل لا تخطب من عوايل متطلبه..المتطلبين خليهم للناس المقتدره..هذا غير اني اول مره اسمع انه الزوج يتكلف مصاريف كل شي من المهر الى مصاريف حفل الزفاف الى تاثيث البيت الخ الخ الخ هذي ما تحصل الا اذا كانوا اهل البنت ضعوف وما يقدروا يساهموا بشي اما العالم المقتدره واللي عندها دم تتحمل مصاريف حفل الزفاف لانه يكون للبنت غالبا او على الاقل يتحملوا بجزء منها..

بس اقولك شي احيانا لما اشوف حال (بعض) شبابنا اليوم من استهتار امثال الشباب اللي بغى يتزوج على زوجته عشانها ما بترقصله واللي يبغى يطلق زوجته عشانها مو رومنسيه اقول احسن خليهم يدفعو دم قلوبهم عشان يعرفوا انه مافي شيء يجي بالساهل اما لو انه اخذها بالجاهز مسهله كان هددها كل شويه بالطلاق لانه ما تعب فيها على قول المثل الانجليزي easy come...easy go!

__________________

^
^

ياحلو كلامك ياكريستاله يبرد الخاطر

__________________
اللهم لك الحمد والشكر
"ولئن شكرتم لأزيدنكم"