بسم الله الرحمن الرحيم


عزيزتي افتحي هذه الروابط و ان شاء الله تجدي طلبك


http://www.66n.com/forums/showthread...E1%E3%D5%D1%ED

http://www.66n.com/forums/showthread...DD%E1%C7%DD%E1

http://www.66n.com/forums/showthread...E1%DF%D4%D1%ED
المشاركة 86

***

الطرق التالية منقولة


دقة الكشرى

المقادير

نص كوب خل.
معلقة صغيرة شطة.
نص راس ثوم صغيرة مفرومة ناعم.
فلفل وكمون .
الطريقة
- تخلط كل المقادير مع بعض و توضع فى برطمان
لوقت الاستعمال وعندالاستعمال ترج جيدا

***
الفول النابت المقلي

كوبايتين فول نابت - كوب عصير طماطم - 5فصوص ثوم مفرومين
- بصلة مخرطة صغير - نصف ملعقة كزبرة ناعمة-
ملح - فلفل - ملعقة صغيرة بقدونس مخرط صغير -
معلقتين زيت او سمن

الطريقة:

نقشر الفول النابت ونغسله
نحمر البصلة المفرومة في الزيت او السمن لحد ما تصفر
ثم يضاف الثوم المفروم والكزبرة
نضع عصير الطماطم ونخليهم على نار هادية لحد ما تتسبك الطماطم
ثم نضع فيها الفول و نقلبهم حوالى 10 دقائق
نزود شوية ماء ويترك على نار متوسطة لحد ما يستوى الفول
وزودى شوية ماء كلما احتاجت نضع البقدونس المفروم
ونخلية يغلي مع الفول غلوتين و يغرف
وبالهنا و الشفا

**
فتة الفول النابت

المقادير

شوربة فول نابت
1/2 راس ثوم
2 معلقة كبيرة خل
عيش ناشف -سمنة

الطريقة

شيلى الفول من الشوربة على جنب
قطعى العيش قطع صغيرة ثم صبى علية شوربة الفول
النابت السخنة لحد ما العيش يتشرب غطية بغطاء حلة
لمدة 5 دقائق ضعى طبقة من الفول فوق العيش
اقدحى السمنة وحمرى فيها الثوم وبعدين
ضعى الخل لحد ما يغلى ثم ضعية على الفتة
وبالهنا والشفا

**
الفول النابت بالطحينة

1/2 كيلو فول نابت - بصلة كبيرة
2 معلقة خل -ربع راس ثوم
ملح وكمون - بقدونس
ماء

الطريقة

قشرى الفول النابت واغسلية
ضعي فى حلة الفول النابت فى ماء يكفى لتغطيته مع البصلة
المقطعة والثوم على النار لحد ما يستوى
صفية من ماء السلق واهرسية
نخفف الطحينة بالماء والخل والملح والثوم ونضعها
على الفول النابت المهروس
وندمجهم كويس ونزينهم بالبقدونس
وبالهنا والشفا

***

شوربة الفول النابت

4 كوب فول نابت
2 معلقة سمنة او زيت
ملح – فلفل
حبهان – مستكة
بصلة متوسطة
ليمون

الطريقة

انقعى الفول النابت كزا يوم لحد ما تلاقية نبت وبعدين قشرية
اسلقى الفول النابت وضعى البصلة لحد ما يقرب من السوى
اقدحى السمنة وضعى المستكة والحبهان لحد ما ريحتهم تطلع
روحى حطة عليهم الشوربة على طول غلوة مع الملح والفلفل
عند الغرف اعصرى عليها ليمون
وبالهنا والشفا

***
الطعمية

نص كيلو فول (مدشوش)
بصلة متوسطة مقطعة
معلقة صغيرة ثوم
نص كوب كزبرة خضراء وشبت
½ كوب كرات
1 معلقة صغيرة كزبرة ناشفة
½ معلقة صغيرة بيكربونات صودا
معلقة صغيرة ماء
ملح- شطة
ربع معلقةكمون مطحون
سمسم للتزيين
زيت للقلي

الطريقة:

يغسل الفول وينقع لمدة 12 ساعة مع تغيير الماء كل ساعتين
يشطف الفول جيداً ويصفى من الماء
تخلط الخصروات مع الفول.ثم تفرم سواء بمفرمة اللحم او الكبة
مرتين لحد ما ينعموا خالص
نذوب بيكربونات الصودا في الماء وتضاف إلى العجينة ثم نضع الملح
والشطة و الكزبرة و الكمون وتقلب جيدا
يوضع الزيت في مقلاة على نار متوسطة.
نعمل عجينة الطعمية أقراص صغيرة بمعلقتين او بالة الطعمية
المخصوصة ونحط وش الطعمياية فى السمسم وتقلى في الزيت
لحد ما تستوى وتنشف وبالهنا والشفا
ملحوظة
اذا كنتى حتشيليها فى كيس نايلون فى الفريزر ومش حتحمريها
يبقى ماتحطيلهاش البيكربونات
(يعنى تحطيها وقت ماتكونى حتحمريها بس )
وبالهنا والشفا

الطعمية المحشية

بصله مقطعه صغير-ملح - فلفل اسود – كزبره ناشفة - كمون - قرفه ناعمه - فلفلة خضراء حامية-

الطريقة

شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى وبالهنا والشفا
وممكن نحشيها بيض مسلوق بعد ماتسلقى تقطعية شرائح رفيعة جدا وتضعى شريحة فى كل قرص طعمية وبالهنا والشفا

**
اومليت الطعمية

بعد ما تخلصى العجينة شيلى جزء منها
واضربى بيضتين فى طبق بالشوكة وضعيهم على العجينة
واضربيهم بالشوكة علشان يختلطوا
وبعدين تروحى حاطة شوية زيت صغيرين او حتة زبدة
فى مقلاية وتنزلى شوية كأنك بتعملى اومليت
او عجة لحد ما تستوى على الوشين وتبقى قرص
وبالهنا والشفا

***

الفول المدمس

اولا طبعا نقي الفول وفي نوع في مصر الفول كبير شويه
تحطي كبايه ونصف في ميه من العصر مثلا
وبعدي ن تحطي في قدره الفول طبعا الصغيرة اللي موجوده في اي سوبر ماركت تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهرباء الصغير
المهم بعد مايغلي غلوة على البوتجاز بحطه على السخان واضيف 1-فص ثوم
1- واحده طماطميه+ 3 معالق عدس اصفر+ او ربع معلقه بيكنج بودر اوكربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول ماتفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا

فول بالطحينة

فول مدمس
طماطماية
معلقة كبيرة بقدونس مغسول ومفروم
نص معلقة صغيرة ثوم مهروس
معلقة كبيرة طحينة
معلقة خل
معلقة عصير ليمون
معلقتين كبار زيت
ملح و كمون

الطريقة

سخنى الفول واهرسية بالشوكة وقطعى علية الطماطماية قطع صغيرة
ضعى فى طبق الطحينة والخل والزيت والثوم و البقدونس واخلطيهم كلهم مع بعض
وبعدين ضعيهم على الفول وتبلى بالملح والكمون
وبالهنا والشفا

***
فول بالفلفل الاخضر

فول مدمس
نص معلقة صغيرة ثوم مهروس
واحدة فلفل رومى
كوب عصير طماطم
ملح وفلفل وكمون
2 معلقة زيت (او ممكن لو بتحبية بالزبدة يبقى معلقة زبدة)

الطريقة

ضعى الزيت او الزبدة على النار وحمرى فيه الثوم لحد ما يصفر
ضعى علية عصير الطماطم وخليها على النار لحد ما تتسبك
ثم ضعى الفول وشوية مياة صغيرين
قطعى الفلفل مكعبات صغيرة وضعية على الفول و تبلى بالملح والكمون
يغلو غلوة مع بعض
واغرفية بالهنا والشفا


**

فول بالزبدة والثوم
فول مدمس
2 معلقة صغيرة ثوم
معلقة كبيرة زبدة
معلقة عصير ليمون
ملح وفلفل وكمون

الطريقة

ضعى الزبدة على النار وحمرى فيها الثوم ثم ضعى عصير الليمون وقلبيهم
ثم ضعيهم على الفول وهو سخن وتبللى بالملح والفلفل والكمون
ويغرف وبالهنا والشفا

***
طرق للفول
1- الفول بالزيت و الكمون:
يضاف للفول عصير ليمون و ملح و كمون و زيت (ذرة او زيتون زي ماتحبوا).

2- الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

3- الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

4- الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

5- الفول بالسمنة أو الزبدة:
نضيف للفول سمن أو زبدة حسب الطلب و بدل الكمون بنضع فلفل أسود و ملح.

6- الفول بالبيض:
نقلي البيض عادي و بعدين نضيف له الفول و ملح و فلفل أسود.

7- الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

8- صينية الفول بالبيض في الفرن:
نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.

بالنسبة للفول المدمس
يفضل طبعا انك تنقعى الفول لمدة ساعتين قبل ما تعملية
و نحطى معاة طماطماية و شوية عدس اصفرضغيرين و حيطلع هايل
و ممكن لما تحطية فى الثلاجة تخطية فى علبة بلاستيك و نعصرىعلى الوش لمونتين او ليمونة و تبقى تاخدى منة بالملعقة كل ما تعوزى حيبقى زى ماهو

تحياتي

و المشاركات في اقسام التغذية و الطبخ خلال شهر مارس 2010