الســـــــــــلام عليكم ورحمه الله وبــركاته ..

أخواتي العــزيزات ..أبيكم تســاعدوني ..
أنا صار لي 46 يوم ودم النفاس ما انقطع لين أحين ..
مع انه ينزل لي خفيف جدا جدا منذ أن كملت الثلاثين يوم وتوقعت انه بينقطع خلاص لكنه ما زال مستمرا ..؟؟
حتى انه انقطع عندي يومين ما شفت شي واغتسلت وتوضيت وصليت ( على بالي طهرت ) وبعدها شفت البلاوي رجعت لي مره ثانيه ..؟؟
أنا نفسيتي تعبت أحس انه في أشياء متجمعه وتنزل ع الراحات ...؟؟ ما أدري بالضبط بس أتوقع جذه ..!
ســاعدوني شو اســوي ..؟ الي امعور قلبي أنه زوجي يتحراني أستهبل عليه وانه خايفه انه اييني عشان الخياطه,,
وحلفت له اكثر من مره انها بعدها بس بعده يقولي .. يا الخوافه أدري انه امسوين حقج خياطه وانتي مب اول وحده بس اشوي اشوي وبتتعودي وانا مب حيوان عشان اقسى عليج ..
أدري انه صبر وااايد ويا خوفي انه صبره ايزيد ..
مع انه سامعه من شيخ أو قريته ما اذكر بالضبط .. انه النفاس لا يزيد عن الستين .. وفي حاله زيادته لازم الوحده تغتسل وتصلي فهو ليس دم نفاس ...؟؟؟



والله افكر اشرب قرفه مغليه مع الماء بس سمعت انها تزيد النزيف وضاره ...؟؟

عطوني نصايحكم شو اسوي ...؟

وجــزاكم الله خير..

__________________

حبيتي انتي ايام النفاس كنت تشربين ادويه طبيعيه كالرشاد والمره انصحك فيهم اما الخياطه جيبي حوض وحطي فيه مويه وملح ومره واجلسي فيه كل يوم ربع ساعه واذ مانفع معاك راجعي دكتوره اخصائيه.....

__________________

في البدايه الحمد لله على السلامه ومبروك ما إيجاكم ويتربى في عزكم
انا مثلك يا اختي صار معي لما كنت نفاس قعدت أكثر من ستين يوم ولما سألت قالوا لي انه الوحده بعد الاربعين إذا ظل ينزل دم تستحم بعد الاربعين حمام الطهاره
وعليها ان تصلي لكن كل صلاة بوضو اي كل صلاة عليك ان تتوضأي وعادي تقرأي القرآن ويجامعك زوجك عادي لانها تعتبر أستحاضه

عزيزتي مادام دم ينزل منك..
فلازم تشربين قرفه+زنجبيل كشاي..
والصباح حليب مع فلفل اسود محلى بعسل..
عزيزتي تفضلي هذا الجدول..واتبعي ماتستطيعين
فيه..ولاتنسينا من صالح دعائك..
ويجب ان تشربي ماذكر فيه..فالدم سينزل ويتنظف
الرحم بعدها..
وعندما ينقطع الدم ويبقى افرازات استخدمي ماذكر
في الجدول لآخر الايام..
http://www.66n.com/forums/showthread.php?t=85693
بالتوفيق.

روحي للدكتورة بتعطيكي دوا يوقف الدم

وبعدين شرعا النفاس 40 ل 42 يوم والزوج يسوي اللي يبيه وانت تطهري وتصلي

وباقي الايام استحاضة

بس نفسيا لو مو مستعدة قوليله

إيوة وفيه معلومة الدكتورة ممكن تشيل الخياطة لو الجرح خلاص

واصلا في نوع خياطة يطيح بعد70يوم لحاله

لحظه لحظه
وش فيها الخياطه لاتقولين للحين ماطاحت
الخيوط!!!!
لازم تراجعين دكتوره تشوف وضعك اذا
كانت الخيوط لسى بمكانها..لايصير لك التهابات
وصديد بالمكان..
الله يستر.

حبيبتي أنا خفت متلك هيك .. بس الحمد لله كلن طمنوني ان هيدا الشي طبيعي ..
نفاسي كان 60 يوم .. و متلك كنت فكرت اني نظفت و اغتسلت و صليت .. و بعدها شفت البلاوي ..!!
ما تخافي .. ان شاء الله خير!

أخيتي

النفاس شرعاً حده الأقصى 40 يوم فقط ولا يجوز للمرأة أن تترك الصلاة بعد الأربعين حتى لو استمر نزول الدم

إلا في حال أن تأكدت أن هذا الدم هو دم الدورة الشهرية .. لأنه في بعض الأحيان حتى لو أن الأم

مواظبة على الرضاعة الطبيعية يأتيها الحيض بعد النفاس مباشرة وقد تطول مدته قليلاً لكن لا تتجاوز الـ 15 يوم

ودم الحيض معروف تميزه المرأة عن دم الإستحاضة .


أما بخصوص خياطة الولادة .. فلا أعتقد انها مازالت موجودة لأنها تذوب وتتحلل من نفسها ولا يمكن أن تبقى

طويلاً .. إذا لم يكن لديك التهاب أو انتفاخ في منطقة الخياطة فلا يوجد أي مشكلة

وما تعانينة هو حالة خوف نفسي فقط .. أما إن كان هناك ألم أو انتفاخ و تورم في منطقة الخياطة

فهذا دليل على عدم الإهتمام الجيد بالجرح وعدم استخدام الكريمات الطبية المتخصصة لهذه الأماكن .

فيجب عليكِ أن تراجعي الطبيبة في أسرع وقت حتى لا يتفاقم الوضع .


نصيحتي لكِ أن تتناولي الخبز الأسمر ( البر ) لأنه يقوي الرحم

وكذلك العسل الطبيعي + قشر الرمان المطحون .. لتنظيف الرحم

كما أنصح باستخدام السكر النبات على هيئة لبوس مهبلي عند النوم

ذوبي أطرافه الحادة بالماء واستخدميه فهو من أفضل ما ينظف الرحم

يستخدم في الفترة الأخيرة من النفاس أو الدورة الشهرية .

ابتعدي عن المشروبات الباردة وأكثري من المشروبات الساخنة .


أتمنى لكِ التوفيق و الحمد لله على سلامتك


أختكِ .

__________________

أختي مدة النفاس 40 يوم بعدها يكون دم استحاضة تغتسلي لكل صلاة ولزوجك الحق في معاشرتك والف مبروك على المولودة

ينقل إلى عيادة المنتدى