كية ولا أروع تاكلون صوابعكم وراهـا - منتدى عالم الأسرة والمجتمع

17-06-2007, 03:01 PM

al ameer

عضو مميز ومثالي

تاريخ التسجيل: Nov 2005

المشاركات: 2,087

كية ولا أروع تاكلون صوابعكم وراهـا

كيفكم يا صبايا!!!؟؟

اليوم جايبة لكم .. كيكه .. ولا أي كيكه ...

من عمايل يديا...

..

يلا نتابع مع بعض هالروبورتاج...

ونتابع مع بعض الخطوات.. جاهزين؟؟؟

أولا الكيكه: <<<< وهذي أخذتها من الأخت الفاضلة [blink]samoura [/blink]في موضوع لها بعنوان "كيفية إعداد الكيكة الفاخرة" جزاها الله كل الخير يارب يحفظها..

علي هذا الرابط
http://www.66n.com/forums/showthread.php?t=128769

ومقاديرها:

6 بيضات
كوب سكر عادي
ملعقتين شاي فانيليا
كوب وربع دقيق
ملعقتين بيكينج باودر
عصير"أي نوع" أنا استخدمت تانج الخوخ
----

أما مقادير الكريمة " من عندي"

كريمة دريب ويب
سكر
قشطة
حليب المراعي
جلكسي
سنكرز
فليك

أول شي .. الكيكة ..

في الخلاط: البيض+ السكر+ الفانيليا...

لين ما يصير مثل الكريمة ويتضاعف حجمه...

وبعدين في صحن عميق نحط الخليط .. ونضيف الطحين مع البيكنج باودر ونحرك بملعقه خشب

ندهن الصحن اللي بندخله الفرن ونشغل الفرن

نصب الخليط في الصحن وندخله الفرن

وفي هذه الأثناء<<<<

على النار.. نحط قشطة وسكر وجلكسي

لين يصير بهالشكل.. يم يم يمي

وبعد ما تنضج الكيكه .. نطلعها من الفرن ..<<< طبعا

نطلعها من الصحن .. ونقسمها نصفين عسب نحشيها..

نسوي العصير ..

<<< طبعا مب كل هذا بستخدمه .. بس صورته قبل لا أشرب

..خخخ ..يعني شربت منه والباقي استخدمته..

ودهنت فيه الكيكة من الداخل :: وانتبهي لا تكثري :: لأنها بعدين بتطلع عصيده ..

نسوي كريمة دريب ويب مثل ما هو مكتوب في المغلف <<< كسوله

ونحط شوي فوق الكيكة المقسومة..

ونحط بعد شوي من خلطة الجلكسي اللي سويناها قبل<<< تتذكرون!!

ونحط الجزء الثاني للكيكة فوقها طبعا بهد ما نشربها بالعصير..

ونحط فوقها الكريمة الباقيه ..

وننزل منه ع الأطراف..

وبعدين نجيب لوز مبشور أو أي مكسرات مبشورة أو مطحونه" حسب الرغبة" أو شوكولاته مبروشه .. ونحطها ع الاطراف وهي بتتلزق بسبب الكريمة

وهذي عشان اللي مسوي ريجيم .. أحرق له كم سعره حرارية خخخ

[IMG]http://img153.imageshack.us/img153/7576/dsc023****2.jpg[/IMG]

وباقي خليط الجلكسي نصبه فوق الكريمة ونحركه بملعقة بشكل خفيف بس عشان يكون فيه تدرج في الالوان من البني للأبيض ..

و الحين خلصنا بس شوي حركات تزيين .. عشان يشوفوا انج تعبتي في الكيكة خخخ

و التزيين طريقته مفتوحة .. يعني كل وحده على كيفها .. وأنا سويت شكل وانتوا تفننوا يا شاطرات ..

أنا رشيت ع الاطراف حلويات صغيره ملونه بس عشان أكسر اللون ..

بعدين فتت شوكولاته فليك وحطيتها في النص..

و حطيت مظله عشان الصيف ..

.. واخترت هاللون عشان يتناسب مع ألوان الحلويات اللي عالاطراف ..

وهذي قطعه من الكيك قطعتها بسرعة عشان أخوي مستعجل يريد يذوقها قبل لا يروح يصلي ..

يعني المفروض يقعد في الثلاجة تقريبا 5 ساعات .. عشان تتماسك الكيكه

وهذي صورتها اليوم الثاني ..

شوفوا كيف تماسكت والفرق بينها وبين الصورة اللي قبلها..

و الحين بتسألوني وين استخدمت السنيكرز ..؟؟؟؟!!!

[blink]؟

؟

؟

[/blink]بصراحة خليته لكم تاكلونه إذا ما عجبتكم الكيكة

.. أو تعايزتم تسوونها..

و بالهنا و الشفا.. وألف عافيه على قلوبكم

[blink]وفي أمان الرحمن..[/blink]

أختكم al ameer

__________________

*************************
اللهم اغفر لأبـــي وأرحمه ... يا أرحم الراحمين
اللهم اغفر لـ أخينا سنون ومنون ..يا أكرم الأكرمين
اللهم غسلهما بالماء و الثلج و البرد
اللهم نقهما من خطاياهما .. كما ينقى الثوب الأبيض من الدنس
يا أرحم الراحمين ..
آمين آمين أمين
*************************

التعديل الأخير تم بواسطة مستكة_مستكة ; 03-04-2009 الساعة 02:54 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه