مهره سؤال ..

يعني انا ابا افهم الحينه ... مفروض البنت ما تقبل تاخذ لها واحد متزوج ولا كيف ؟!

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

بعد اذنج حبيبتي مهرة حبيت افيد اوخيتي بشرى


شوفي وانا اختج
اهم ايجابية بالزواج هو الابناء خصوصا للي تاخروا بالزواج فعصفور باليد احسن من عشرة على الشجرة

وميزة ثانية انج مسئولياتج تجاهه من طبخ او ملابس او كوي او غيره راح تتقلص لي النص

واهم ميزة ان يشتااااااااق لج خصوصا اذا شافج فرفوشة وسبحان الله بقدرة قادر المشاكل تخف
احسن من لما تتجابلون 24/7

السلبيات الغيرة وان مو كله لج ، احتمال يعدل واحتمال لا

اساسا يكفي لما انتي تدرين ان هو عند الثانية قلبج بيطبخ

واولا واخيرا قسمة ونصيب

__________________
لا اله الا انت سبحانك اني كنت من الظالمين

انا ما اعتبر من المتأخرين
لكن استغرب من الحاح هذا الشخص ..!
خطبني أكثر من مرة وكل مرة اقول حق اخوي بلغه اني مابي آخذ متزوج
اخوي ما يقول لي شي
ما يعلق ولا شي ,, فأنا مستغربة من ردة فعله هو بعد !!!
انا مشكلتي اني اتأثر من تعبيرات ويه اخوي وااااااااااااااايد
يمكن لأني تعلقت فيه عقب أبوي الله يرحمه

مب فاهمة على هالريال شو فيه او ليش جذي متعلق بهالطريقة الغريبة
ماعرف له هو عادي حتى لو كلمته لأن من الأهل
واخوي ما بيعارض بس أنا مابي اكلمه بأي طريقة !!

كان عندي نفور عجيب لكن ما تتخيلين لو اقول اني مرتاحة تماماً الآن
اعتقد الموضوع مرتبط بالهرمونات ههههههههههه

شفت مهرة فاتحه هالموضوع
قلت بسألها هي وانتو خواتي بعد ما اتقصرون الله يسعدكم

يزآج الله خير ع التوضيح
بس أنا مادري اصلا انا وين

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

أختي صاحبة الطرح هذا الموضوع جعلني اتعرف بحق عن مشاعر الزوجة الاولى والثانية تجاة التعدد امور كثيرة كان نجهلها (الرجال) .. ما أقول الا الله يخرجنا

لعله أحد الأسباب غير المعلَنة أخي الفاضل.

بارك الله فيك.

__________________


اللهم طِيبَ الأثر .. وحُسْنَ الرحيل.

بشرى عزيزتي
اسمحيلي ادخل في الخط معاج
الموضوع مب سهل أبدا

أنا كلامي لزوجة المعدد غير
وكلامي للي بتاخذ معدد غير تماما

الفرق
ان الزوجة واجب علينا نساعدها توجد كل الحلول لاخر رمق
اما اللي تنخطب فعندها مطلق الحرية قبل لا تزج بنفسها

فكري زين قبل لا توافقين

اصلا موضوع الزواج عندنا كخليج معضلة
زواج على العمياني
فكيف لو كان متزوج وعمده عيال وووو الخ

لازم تنظربن بأسباب زواجه
مقدرته المادية
الشخصية لازم تتميز بالقوة والسيطرة على زمام الامور

بعد طلاقي
تقدم لي معدد وزوجته بنفسها كلمتني
وطلبت ترضع بنتي علشان تصير اخت عيالها بالرضاعة !!
وما انكر حبيتها وماشاء الله ماينقصها شي كانسانة
بس عشت توتر الله وحده يعلم به
خوف وارتباك مو طبيعي
عقبها اكتشفت ان الرجل طلق اكثر من مرة غيرها
فصرفت النظر عن الموضوع

بس كوني جربت التعدد
التجربة مخيفة والتفريط كان سهل وظلم واااااضح

لدرجة لما وافقت على زوجي
السبب الاولي اللي دفعني أوافق مب لانه اعزب لاني وقتها
فقدت الامان في كل الرجال وبالذات المعدد
ولكن
لانه مني وفيني وعطاني شعور الامان اللي فقدته بالرجل
يعني تربينا مع بعض ونعرف بعض زين زين
وعلى الرغم من هالمعرفة
اكتشفت اشياء كثيرة بعد الزواج
فكيف لو غريب ومعاه عائلة!

لو متاكدة منه شي ثاني
اما مجرد خاطب وزواج كزواج تقليدي
فاالموضوع يحتاج اثباتات كثيرة من الرجل

__________________
الحمدلله الذي بنعمته تتم الصالحات

حبيباتي موهبة الكويت وفاكهة الشتاء.

سلمتما.

__________________


اللهم طِيبَ الأثر .. وحُسْنَ الرحيل.

طيب أنا شو عرفني اذا الشخص يستاهل اني اتنازل عشانه هالكثررررررررررر ؟!؟!؟!
كلامج منطقي 100% وعقلاني
بس بكل صرآحة
احس انه اصراره عجيب .. من وين ييبون هالكثر وقت وهم اساسا عندهم بيت ومسؤوليات

يعني باجر لو خذته بيروح ورا وحده غير بنفس الطريقة !!

سألت استشارية قريبة مني جداً وتعرفني تماماً وتعرف نقاط القوة والضعف عندي

تدرين شو قالت لي ؟!

قالت لي انتي بالذات لو خذتي متزوج ما بيأثر في شخصيتج سواءاً تم عندج او راح عندها !!
تخيلي !!

تكلمت عن تقديري لذاتي وتكلمت عن اشياء بصرآحة انا كنت اجهلها عن نفسي ..
ونورت بصيرتي قبل بصري

حسستني انه عادي لو انا كنت في هالموقف

بس أنا ما احس انه عندي هالقدرة العالية من الثقة اللي هي قالت عني !!
الله المستعان


وايد رمست

يزاج الله خير الغالية ما قصرتي ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

ما أعتقد.

كونه مصمم عليج انتي بالذات وخطبج أكثر من مرة .. فما أعتقد أنه يبا يعدد من باب البطرة أو حب التغيير أو لهدف معين وخلاص.

على كل حال .. ما دام أخوج ما بيمانع وعندج إمكانية انج تتكلمين معاه فأنا أشوف انج تستغلين هالفرصة .. يمكن كلامج معاه يوضح لج الصورة أكثر.

لا تفهمين من كلامي أني أأيد ارتباطج به بالضرورة .. لكن كلامج معاه يمكن يريحج أكثر ويخليج توصلين لقرارج عن قناعة .. سواءً وافقتي أو رفضتي.

لكن قبل أي خطوة استخيري حبيبتي.

__________________


اللهم طِيبَ الأثر .. وحُسْنَ الرحيل.

انا استخرت وما تتخيلين كيف مرتاحة
عكس قبل كنت حاسة بنفور مو طبيعي
كل المشاعر اللي تييني مبالغ فيها ما في اي اعتدال اللهم طولك يا رووووووووح

تدرين اني كنت رافضة تماما فكرة اني اتكلم معاه شخصياً
لأني ادري راح اتوتر وايد وما باخذ وبعطي معاه مثل ما ابا

لكني مجهزة ورقة طويلة عريضة كلها اسئلة واستفسارات
اذا قررت اني اكلمه بسأله

بس ما فكرت من زاوية تفكيرج .. ولا يا في بالي انه يباني انا وبس ..!
يعني اشمعنى انا في وايد ناس في العالم يعني
بس اذا هو فعلاً مثل ما انتي اتقولين وعيبه انه متزوج وبس ف أكيد ما بفرط فيه ..

يزاج الله خير الغالية ما قصرتي
سامحيني طولت عليج ..

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم