أحبكِ الله وحبب فيكِ خلقه يا سر.

سعيدة بوجودكِ.

__________________


اللهم طِيبَ الأثر .. وحُسْنَ الرحيل.

الحمدلله مو انا الوحيدة الملقوفة اللي ودي اعرف شنو يصير حولي


والله اني من خلال محادثات زوجي مع زوجته عرفت كثييييييييييير من الامور

ادري ان غلط وياما وياما يبت الهم والغم حق نفسي بس شسوي نفسي امارة بالسوء


الله يسخر ازواجنا لنا


......... امس كانت فيني حالة من الرومانسية الهائلة وفي وقت صفا وحلو سألت زوجي منو تحب اكثر

كانت ردة فعله امممممم ما اعرف شلون اوصفها بس قالي والله ما تستحين هو ما كان معصب بس مثل اللي يكون واثق من شي وعباله الطرف الاخر واثق مثله


الله اعلم شنو هالشي

هل انا والا اهي؟؟؟؟

ومشكلته يقولي ماكو شي بالدنيا اسمه حب - وهو اللي حارب اهله بس عشان يتزوجها -

يعني ما يحق لي اعيش الحب؟؟؟؟


كلامي ملخبط بس احتاج افضفض

__________________
لا اله الا انت سبحانك اني كنت من الظالمين

احسك تجبين الهم لنفسك

دائما تجيبين ذكرها في بيتك

حتى في اللحظات الرومنسية تجبين طاريها

انسيها لا عاد تجبين ذكرها عند زوجك مو من صالحك

فضفضي موهبه ... يمكن هالأفكار تطلع من راسك وترتاحي منها .. بس بجد مؤلم جدا أن تتابعي حياتهم ... أقدر أتفهم زوجة تتابع قصة علاقة لسه ما صارت زواج عشان تعرف اخرتها وتعرف كيف تحاربها لكن أن تتابعي زوجته الأخرى !!! ما أشوف من وراها الا تعب القلب

__________________

ترى ما اذكرها امام زوجي الا نادر

بس اهني لاني ابي حل بعض المرات ومرات احتاج افضفض

اصلا ما ادري شلون سألته لانها ما كانت على بالي قبل لا اساله


الله يعيني على نفسي

__________________
لا اله الا انت سبحانك اني كنت من الظالمين

باللللللللللللللعكس لو تابعتي بتتعبييييييين
طنشيييييي ولاتجيبين طاريها أبدآآآآآآآآآآآ
وان جاب طاريها اسكتي كانك ماتسمعين وبعد مايخلص تكلمي بشي آآآآآآخر بعيد كل البعد عن السالفه نفسها
عشان يفهم انك واثقه من نفسك ولاانتي شايلتها براسك

انا زووجي ظاااالم بمعنى الكلمه
ومع هذا شايف انه مو بيده ومو ظالمني
انا زوجه ثانيه الله المستعان مدري كيف قبلت فيه
حسبي الله ونعم الوكيل

حسب ما اسمع يزيد حب وتقدير الزوجه الاولى عند زوجها بعد زواجه ويحاول يكرمها وما يقصر عليها بشي .. وانا العكس .. موفر للثانيه كل شي وانا تاركني زوجه معلقه مالها اي حقوق

__________________
Hug

اليوم كنا نتكلم عن مشروع معين وطبعا المشروع يحتاج فلوس وهو شرعا وقانونا المفروض يكون المشروع من فلوسه بس الظروف تحتم اني انا اللي ادفع وانا ما عندي اي مانع بالعكس المسالة من صالحي

فجاة قلب علي وقالي انتي نذلة وحقيرة بس تبين تخسريني باي طريقة

تدرين اني عايش تناقض فظيع اهي ولا مرة طلبت مني فلس دايما تقط فلوسها بالهبل على البنات حتى العزايم اهي اللي تدفعها دايما

وانتي شوفي شلون تبين بس تخسريني

طبعا انهرت من البجي ..... هو طلع من البيت اتصلت عليه وقلت له انت المتناقض في تصرفاتك شوف شلون تفرق في المعاملة بعدين تعال شوف ردة الفعل .... وقلت له حتى فيه تناقض ثاني انا قاعدة في بيتي وماسكة بنتي وهي لا قالي حتى اهي كانت ماسكة بيتها 10 سنين



سبحان الله الحين صرت انا العوبة والكخة واللي مو زينة

وهي اللي هاده بناتها بوقت مرضهم الزينة والسنعة



اللهم اني اعوذ بك ان اظلم او اظلم

__________________
لا اله الا انت سبحانك اني كنت من الظالمين

اصبري عزيزتي أعلم حجم الإساءة هو من شدة الضغط أخرج كلماته السيئة هذه ..
لكن عندما يأتي لاتذكريه بالأمر لأنه مضغوط أعذريه ..
أحياناً الإنسان عندما كل الدنيا تكون ضده يخرج كلمات لايلقي لها بالاً لكنه يندم ! كلنا نحنُ البشر معرضين لهذا ..!
وانتزعي المقارنة بينكما أنتِ لاأحد مثلكِ ضعيها في بالك ..
أمر المقارنة منهك جداً جداً عليكِ ..حاولي بقدر الإمكان أن تبتعدي عن أمر المقارنة ..
بالعكس ارسلي له رسالة أخبريه كيف حال عملك وهكذا كأنكِ نسيت الأمر ..!
الرجل يبحث عن البيت الخالي من المشاكل والمتاعب ..يريد بيتاً ملئياً بالأمان والمودة والرحمة وأنتِ هداكِ الله تجعلينه غير ذلك ..
لاتردي بالمثل لأنه خطأ جداً ويدمر العلاقة بينكما