ﻻ تطلعين من البيت مهره
اول ما انطرح الحل جاء في بالي نفس تصوراتج عن ريلج
بالفعل ماينفع معاه التهديد وحسيتها بتكبر بطريقة غير اللي احنا نبيها
لازم ينهز كيانه وانت جدام عينه

وغير هذا ماننسى حكم الشرع

__________________
الحمدلله الذي بنعمته تتم الصالحات

باقية في بيتي بإذن الله إلى أن يشاء الله.


وأنا أستخرت بالفعل في نفس اليوم الذي أعطيته فيه الرسالة.

__________________


اللهم طِيبَ الأثر .. وحُسْنَ الرحيل.

lklklkاسأل الله ان يفرج همك ويبدله مكانه سعاادهـ

__________________
سبحان الله وبحمده ** سبحان الله العظيم

مهره ماعندي شي اقوله لان مجربه الي تمرين فيه وانه مره صعب ويجرح ولكن لاتتنازلين عن زوجك بسهوله وتقدمينه لها على طبق من فضه وهي بالدعاء تجاهليهاوانسيها والله يكون بعونك ويفرج همك يارب

أنا ما تنازلت .. أنا ظليت متمسكة فيه لحد آخر قطرة من صبري.

بس خلاص ما عاد فيني.

بعدين هو اللي راح من نفسه!

__________________


اللهم طِيبَ الأثر .. وحُسْنَ الرحيل.

صباح الخير و راحة البال مهرة
صرت بس اعمل ريفريش لموضوعك بلكي شفت تطور مرسح او شي حل مشكلتك
الله يسعدك والله قلبي عندك فوق متتصوري...

__________________

مهره هو يبني لها عدال بيتكم

__________________
وهل من مصير اخر ؟

ماما كلمتني اليوم.
.
.
.
هو اتصل من شوي.

ما رديت.

في اللحظات اللي كان الموبايل يرن فيها تذكرت سلوكه معاي لما يكون هو اللي زعلان وأنا اللي أتصل به عشان أراضيه!

__________________


اللهم طِيبَ الأثر .. وحُسْنَ الرحيل.

يسعدلي صباحك مهره
مادام انه اتصل عليك دليل عنده كلام بدو يحكيلك اياه
لا تقطعي شعره معاويه
واسمعي شو عنده
اعطيه فرصه يحكي شوي
حاولي تطلعي انت وهو مكان بعيد عن البيت هادي ومريح وهناك افتحيها جلسه مصارحه واذا حسيتيه متجاوب معاك حطي كل شروطك واضمني حقوقك
والله ياختي افضل حل لكل المشاكل جلسات المصارحه والمناقشه بين الزوجين
الله يفرج همك امين
المهم شو طابخه اليوم << كلن يغني على ليلاه هههه

__________________
انا لله وانا اليه راجعون

يا حليلج يا متفائلة .. تراج وايد متفائلة فعلاً

الحين هو بيتصل فيني خلال وقت دوام الرسمي عشان يناقش مشكلة مصيرية بيني وبينه؟!!

منطقيا لو يبا يناقش بيتصل لما يخلص دوام .. أو على الأقل وقت البريك.


غالباً هو متصل عشان بيسلم ويتطمن على اليهال .. ويقول كلمتين طياري عشان يشوف لأي مدى أنا زعلانة .. هذا لو كان بالفعل يعتقد إني لازلت زعلانة!

بعدين يا متفائلة يا حبيبتي .. والله انه مب مال نقاش .. زوجي ما يناقش أبداً .. يسمع فقط عشان يشوف إنتي شو في خاطرج وشو اللي يدور في بالج .. وهو يتم سااااااكت أو يرد بكلمة مالها معنى ولا تفيد الحوار بأي شي.

جربته قبل وايد.

والأهم من هذا كله .. ليش أعطيه فرصة أساساً؟ .. أعطيه فرصة لو أنا شايفة إن في حل غير الطلاق!
.
.
.
توني مخلصة تنظيف البيت .. غسلت الأرضيات ومسحتها .. ومطلعة صدور دجاج من الصبح ما أدري عاد إذا في وقت أسويها والا لا .. يمكن أشويها مع بطاطا مقلية وأقطع جنبهم شرايح خيار وطماطم .... وبس.

__________________


اللهم طِيبَ الأثر .. وحُسْنَ الرحيل.