السلام عليكم..

ودي أعرض عليكم مشكلتي و هي بسيطة شوي لكن أنا حايرة ماني عارفه كيف أتصرف فقلت مافي غير أخواني و أخواتي هنا راح يساعدوني..

أنا لي 4 شهور متزوجة و الأمور الحمد لله تمااام لكن أحيان ما أحس إن زوجي يحبني أحسه ماعليه مني و إذا تزاعلنا أبد ما يجي يصالحني و لا يتنازل يكلمني.. كل الرجال كذا بس اللي أعرفه انه في الشهور الأولى يدلعون حريمهم شوي.. و قبل يومين وداني لأهلي و عطاني غترته قال خلي الشغالة حقت امك تكويها ( لأني ما اعرف أكوي الغتر و لا يمديه يوديها المغسلة وعلى فكرة أنا أكوي ملابسه كلهاااا إلا الغتر) المهم قال بعد شوي أمر آخذها .. قلت للشغالة اكويها بسرعة و رحت اتكلم مع أختي و أوريها ملابس شريتها للعيد و أقيسها و انشغلت مررررة عن الغترة مادريت إلا الأنتر فون يدق و انه زوجي شوي و يطلع من السماعة يضربني يقول وينك ما تردين ع الجوال و أنا و الله مدري الجوال وينه و قال بسرعة خلي أحد ينزل الغترة و لمن سألت الشغالة قالت نسييييت أكويها قلت له دقايق بس تكويها قال نزليها كيف ماتكون وإلا بأمشي أرسلتها له و هو معصب و لا هي مكوية .. و من ذلك اليوم إلى اليوم و هو ما يكلمني أصلا ما يديني وجه حتى يوم يكلمني من راس خشمه رغم هذا قلت خليني أراضيه و لمن جينا ننام اليوم الصباح قربت منه و حطيت يدي عليه راح قلب وجه ع الناحية الثانية و الله جلست أبكي و يمكن هو سمعني .. ماني عارفه كيف أتصرف خصوصا اني حاولت اراضيه بس هو ماعطاني وجه و أنا و الله معد أقدر أكلمه بعد هذي الحركة

بالله كيف أتصرف دلوني الله ينور عليكم..

العتب عليج الصراحه زوجج قالج شى و انتي رحتي لملابسج لازم تراضينه طرشي له مسج حلو استسمحى منه بوسى راسه حتى لو ما عطاج ويه انتي الغلطانه

__________________
اللهم اشفي زوجي و احفظه لي

دااااااااايما العتب على المراة الله يعينها والله
يعني نست تكويها شصار سبحان اللي ماينسى ،،جل من لا يسهو
اختي انتي مو غلطانه والعتب عليك مرفوع يعني نسيتيها ورديتي قلتي بتكويها وما رضى وزعل وراضيتيه خلاص انتي اللي عليج سويتيه وهوو كيفه

__________________

هلا بالغالية عيون فتانه..
اي و الله أنا ماغلطت أنا نسيت يعني الشغلة مو متعمدة و هو معه حق يزعل و يعصب لكن المفروض انه يرضى يوم جيته قبل ما ينام

بأحاول أكلمه مرة ثانية وش أسوي عاد الله يهديه ..

الله يجزاك خير يا ناصرة المرأة

أدري إني غلطانه بس و الله نسييييت و إن شاء الله بأفكر في طريقة اراضيه فيها

الله يجزاك خير يا أم أنفال

الغاليه
عندي احساس انه هو زعلان من شي ثاني
او يمكن عدة اشياء تراكمت على بعضها لين صار ما يتحمل منك شي!!!


الله يألف بين قلبينكم

اللهم آمين ..

بس أنا والله مو مقصرة معه في أي شييييي .. الحمد لله ..
وهو ماشاء الله إذا فيه شي مو عاجبه يقول ما يخلي فنفسه شيء

الله يجزاك خير عذوب

حبيبتي تفاحه هانم هو اكيييد انك غلطانه ومعاه حق يزعل بس بعد مو مفرووض تخلينه دقيقه وحده زعلان اولا عشان اهو زوجك ورضاااه مهم يالغاليه وثانيا انتي قصرتي بإنك ماسألتي الشغاله قبل وخصوصا انك عارفه انه مستعجل
الرجال يحبون الزوجه تكون ودوده مهتمه فيهم تراضيهم ولا تخلي فترة زعله تطول لانه كذا بيقول بخاطره انا ماهميتها وعادي عندها ازعل او ارضى00وانتي اكيد مو عادي
شوفي حبيبتي لما يجي اعتذري منه وقوليله انا اسفه واوعدك ماعيدها وانا مالي غيرك اذا زعلت علي الدنيا بعيني ظلمه(لازم يحس ان رضاه يهمك) لان عمر السكوت ماجاب فايده وقولي كلام حلو ولا تقولين مو لازم او ماعرف ومااقدر بالعكس 000حتى اذا ماعطاك وجه ولف عنك لفي وراه واتعلقي فيه ولا تخليه بحاله الين يرضى الييين يرضى وايش مايقول عدي وحتى لو سبك وقال انتي مهمله وانتي همك نفسك برضو اتحملي واتنازلي خليه يقول اللي بخاطره وبعدها بيكون مرتاح وراضي ويدلعك بعد
ونصيحه مني يالغاليه اذا زعلتي زوجك اعتذري ولا تخليه ينام وهو زعلان منك
اضغطي على نفسك واحراجك و صلحي اللي قلتلك ياقلبي
حتى اذا كان هو الغلطان سايريه وراضيه واذا هدأت اعصابه اتفاهمي معاه00000صدقيني انا مجربه وعرفت ان هذي انسب طريقه وصدقيني راح يحطك فوق راسه000الله يسعدك يارب

السلام عليكم ورحمة الله وبركاته..

أختي تفاحة هانم

زوجك متضايق لأنه لا يشعر بإهتمامك فيه!!

حاولي تراضينه وتدليلينه

وتدلعينه كثييييير

صدقيني في داخل كل رجل شامخ أو ذي جبروت طفل صغير

يحتاج الى الحنان قبل الحب!!

وبعدين طيعيه دائماً

وخلي أوامره تتنفذ على طول

كذا بيتعلق فيك

ولا راح يسيبك زعلانة ويراضيك على طول

أغدقي عليه الحناااااااااااان

أتمنى أنك أستفدتي من كلامي

تحياتي

كلامك صح مية بالمية و ان شاء الله بدلعه واتدلع عليه من عندي غيره

الله يجزاك بالخير هو في قلبي