[CENTER]والله احنا العوانس نضحك ..

حالتنا حالة الله المستعان

كل يوم لنا حال ..صايرين نكتة ..لاحول ولاقوة إلا بالله

من كم يوم عملت بحث على مواضيعي ..

والله انصدمت !!

إيش هذا

مرات عاملة فيها صابرة وحكيمة وأنصح وأعطي مواعظ ..

ومرات الله المستعان ..مخنوقة ومكبوته ..ودموع وحسرة ..لاحول ولاقوة إلا بالله ..

سبحان الله ..

بس يبدو لي أن هذي كلها أعراض لما يسمى

بـمرض (الخوف من عدم الزواج )..

وهو داء العصر المستشري بلا منافس ..وعدد المصابين أقصد المصابات به في تزايد ..

ولاحظوا معاي يابنات كم ال (آه)

في مواضيعنا في الفترة الأخيرة ..

اللي تشتكي وتقول مخنوقة ..
واللي تقول تعبانة
واللي تصيح مالي حظ ..
واللي تقول امي ..واللي تقول أبوي ..

والصراحة الشي اللي جد جد يضحكني

لما تشوفين وحدة توها منزلة موضوع وتشتكي وتصيح وحالتا حالة

هي نفسها بعد شوي ترد على زميلة لها في المهنة ..أقصد في في العنوسة ..

وتجلس تواسيها وتخفف عليها وتصبرها وتذكرها بالقضاء والقدر ..

ولا كأنها هي اللي كانت بتذبح نفسها من شوي !!!..

قولي لعمرج ياشيخة..

بس تدرون ..

والله هذا شيء يسعد :14:

لأن كل واحدة فينا لما تواسي الثاينة كأنها قاعدة تواسي نفسها لأنها تعاني المعاناة نفسها ..

يعني مليون بالمليون حاسة بكل كلمة تقولها أختها ..يعني بالعربي هي ترى تواسي نفسها ماتواسي غيرها بس

ياربي لما يكون الهم واحد ..يكون أهون بكثير

ساعات لما أحس بضيق ..

أحاول أصبر نفسي ..واقول يااعذروها يابنت الحلال شوفي غيرك واحمدي ربك ..وأتذكر بنات المنتدى وحالة كل وحدة فيهم ..أعرف إن معاي في الهم ملاااااااااااااااايين

وسالفة تغير المزاج أنا أشوفها نعمة الصراحة

على الأقل مو زعلانين طول عمرنا ..

يوم لك ويوم عليك ..

أدري أن معظم اللي شافوا عنوان الموضوع توقعوا أن كاتبه واحد جاي يستهزأ ومجهزين رشاشات كلاشينكوف للهجوم ..

بس والله صج ..شر البلية مايضحك

لا تزعلون يابنات ..تراني عنوسة مثلكم ..وأكثر وحدة متناقضة فيكم

حبيت أخفف جو التوتر والحزن للي سائد هلكم يوم عليكم ...وأضحكم شوي ..

الله يوسع صدورنا ويشرحها قولوا امين

مع تحيات :
عنوسة مروقة الحمد لله..[/CENTER]

الله يسعدك يا اعذروها ... وهذا حال النساء ياقلبي دائماً نشوف التناقض والسبب يكون مزاج الوحده مننا

خصوصا ان العاطفه تتحكم فينا في اغلب الاوقات .......... لكن الحمدلله على كل حال ومصيرها تحلوووو ان شاءالله

بس لا تنسين ان فيه غيرك كثير مثل حالك ويمكن حالك افضل منهم وتذكري نفسك مثل ما قلتي وانتي تواسين زميلاتك بالمنتدى وراح ترتاحين

الله يفرج همومك يا بنات ويعينكم على اللي انتم فيه والله هالدنيا مافيها احد مرتاح .

اذا شفت حالي وحال غيري اقول الحمدلله على كل حال اعتبر افضل من غيري بكثيييييير صحيح اني ترملت وانا صغيره وعندي اربعة اطفال بس حالي افضل من غير انا بين امي وابوي واخواني الله يحفظهم لي

مو مثل بعض الارامل الله يرزقهم الثبات لا اب ولا ام ولا اخ ولا احد يوقف معها ويحسسها بدعم معنوي

الله يعننا ويوفقنا جميعا ويرزقكم خواتي باالازواج الصالحين

اعذريني على الاطاله يالغاليه

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

الله يهديك يا اعذروها تبين تضحكين الناس علينا

الشكوى لله وش نسوي

يوم نحس الدنيا ضاقت علينا

و يوم نكون قريبين من ربنا أكثر وتكون النفسيات مطمئنة

وهذا حال الإنسان

والله يرحم ضعفنا أجمعين

__________________
صبرٌ جميل والله المستعــان ،،
الحمدلله على كل حال ،،

أي والله صادقة الواحد لما يكون قريب من ربه ينسى همومه سبحان الله ويصير عنده رضا وتوكل عجيب ..الله يديمها علينا يارب..ويرزقج ويفرح قلبج يارب

شاكرة مرورك أخي الكريم

ياحبيبتي ..الله يجزاج خير ويعينج على تربية أولادج ويسخر لج من خلقه اللي يعينونج على امر الدنيا يااارب..

والله أنك صادقه

آخر رمضان نزلت موضوع عن تقدم شاب لي وكنت متوترة ساعتها

لكن لما أنتهى كل شيء حسيت براحة


تصدقين رجعت أفكر أجلس عمري كله بلا زواج << نفس تفكيري أيام المراهقه و الجامعه

بس سبحان الله من تخرجت و جلست بالبيت أنهبلت !!




التناقض فينا أمر لابد منه !!

يالله يارب تسعدك دنيا واخرة <<<<<<والله ياني ضحكت ضحك من الموضوع



لانك سبحان الله كانك تتكلمين عن نفسي لااله الا الله تكلمتي كاني انا اتكلم مع روحي امس يوم قريت مواضيع بعض الاخوات جلست اصبرهم وانا اصلا ابغى احد يصبرني ويواسيني من جد هم يضحك وهم يبكي وبالاخص هالايام النفسيه الله المستعان زفت يبغالي شحنت تصبير وامل الله يفضيها علينا ويسرها علي وعليكم يارب




يااختي ايه نزلوا مواضيع كذا دخل الفرح والسرور والضحك بقلوبنا



الله يعلم وش كثر معزتك بقلبي الله يسعدك دنيا واخرة ويرزقك كل ماتمنيتي ويعطيك على قد نيتك الصافيه



وبالاخير ارجع واقول ماشاء الله انتم اغلبكم موظفات تطلعون وتتكلمون وتتونسون مع بعض الناس بالوظيفه
الله يعين الى مولاقين احد يفضفضون له غير هنا


الله يفرج همك وهمي وهم جميع المهمومين ويحلها من عندة ويرحم حالنا وحالك


يالله نتحمل بعضنا الين الله يفرجها :14: :14: علينا بالازواج الصالحين التقيين النقيين لنا قريب مو بعيد

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك