السلام عليكم ورحمه الله وبركاته
تقبل الله طاااااااعاتكم وكل عام وانتم الى الرحمن اقرب

صدق حبيي صلى الله عليه وسلم حين قال وكسرها طلاقهاااا
يارب اجرني في مصيبتي واخلف لي خيرا منهاااااا
تعباااااااانه حيييييييل ضايقه فيني مدري وش اقول بس عرفت ان المراه بلا رجل مكسوره
ياناس اليوم حرارتي اربعين عيوني مااقدر افتحهاا والي حولي كلن نفسي نفسي وانا رايحه المستشفى مع السواق انا وولدي وداخله ع الدكتور بروحي وحطولي مغذي والسواق عند باب الغرفه شايل ولدي كانه زوجي تمنيت الارض تنشق وتبلعني
حتى محلات الرجال ادخلها بروحي اشتري لولدي ثياب وعماايم وازاحم الرجاااال اااااااااااه يارب لطفك
تعب ولدي قبل يومين وديته المستشفى جالسه بغرفه الانتظار اناوولدي الوحيدين الي بدون رجااال ولدي الله يهديه حركته كثيره يقوم يلعب وينزل الدرج وانا والله ساعتين بالانتظار الاحق وراه صاروا الرجال الي جالسين يقومون يجيبونه لي حزنوا علي بالنهايه واحد منهم عطااني رقم دخوله ع الدكتور عشان ادخل قبله اسال الله ان يصلحله ذريته .... حمدلله ع كل حاااااااال .... الله يسامح من كان السبب
ياناااس انا قويه وبفضل الله صبوره وصبرت ع كلام كثيييير لاكن بدات اضعف اضعف اضعف موقادره اتحمل عيشتي ابي اتاقلم ع وضعي زواج مااقدر ولدي صغير حياااه بدون رجل مااقدر ابيلي عزوه ابوي متوفي الله يرحمه اخواني الحق مايقصرون لاكن مشغووولين ع طووول ولايقدرون يودوني ويجيبوني كنا مسافرين وجيت بالسياره مع اخوي وزوجته ويوم وصلنا طلع شناط زوجته وخلى شنطتي بالسياره اثر فيني هالموقف واتصلت فيه وخليت السواق يطلع ياخذ المفتاح من عنده ويجيب شنطتي مادري انا حساسه ولا حركته مي حلوه
يااااارب اجعل لي من كل هم مخرجا ومن كل ضيق فرجا وارزقني من حيث لااحتسب وجميع من يقررا

دعووواتكم ي صحب

نسيت اقلكم سالفه نكدت عليه بعد >> عيد ولا احلى
نزلت توني قبل شوي رايحه لاختي والسواق ينتظرني توني فاتحه باب السياره الا طليقي جااي وولدي معاه لانه اخذه اليوم ماشافه من جااء العيد واول مرره اشوفه من تطلقت حسيت المواجع كلها تقلبت وانا متنكده من الصباح من سالفه الشنطه وبعدها المستشفى وهذا غلق الناقص ونزل ولدي من السياره حقت ابوه وجاء ركب معي وعطااني عود ازرق من عند ابووه ايش تفسرون حركته هاااذي وهو عارف اني احب العود
انا متاكده انه راح يرجعلي قريب بس لايمكن اغفر له لقب مطلقه الي حملني ايااااه في لحظه فرد عضلااات وراح ارفضه لو بيرجعلي صح اني مو مرتااحه الحين بس احس باهااانه وجرح كبيييير يوم اتذكر طلاقه لي ولازم انتقم برفضي له وكرهت اهله لايمكن اتاقلم معاهم امه الحين تتصل ع امي وسلمي ع ام فلان تقصدني وقوليلها كل عام وانتي بخييييييييير عشان عرفت ان ولدها يبيني ويوم طلقني كانت ساحبه علينا ماتتصل وراحت خطبتله ع طووول كانها ماصدقت والحين تبي تجي تعيد علينا بالبيت امي تقلي عيب اخرجي سلمي عليها قلت مستتتحيل اقابلها حقدت عليها الله يغفرلي

ياحبيبتي فوضي امرك الى الله وبثي همومك وشكواك له
وعلقي قلبك بالله وليس بطليقك ولا اخوك
انت قوية وكل مايصيبك هو خير لك
الزمي الاستغفار واعمري وقتك بطاعة الله وحاولي تمارسي هواياتك وتنشغلي عن التفكير
ولاتفكري بالانتقام صدقيني محد متضرر الا انت
فوضي امرك لله وربي بياخذ حقك ورددي حسبي الله ونعم الوكيل
والله يكتب لك اللي فيه الخير ويعلق قلبك بالله ويسخرلك عبيده

غاليتي... نيوتيلا
ونعم بالله لاملجأ منه إلى أليه
الله يعيني ويااااااك ع ذكره وشكره
أسعدني مرورك

غاليتي ،،،
من قال لك ان الرجل امااااان ؟!
نعم هو سند و عزوة ولكن ليس هو المصدر الوحيد للامااان ،،،
اختي فكري قليلا معي ... ها انت قد تزوجتي يوما ما ... و قد افضيت اليه و أفضى إليك ... و فجأة طلقك و اصبحت محرمة عليه و هو محرم عليك .... عن اي اماااان تتحدثين ؟! والله ليس هناك علاقة آمنة كعلاقة الدم كالاخ و الاب و الابن فهم العون و السند بعد الله ....
اما و قد فقدت والدك فلله الامر من قبل و من بعد ولكن يا غاليه لديك ام رؤوم ،،، هي الصدر الحنون لم لا ترتمي بحضنها ؟! لم لا تضعي رأسك على كتفها و تقولي امسحي على راسي يا أمي ؟! لا تقولي كبرت وووو .... ( عمرنا ما نكبر عن حضن الوالده ) هي التي تضمك بلا مقابل و تنسى جميع تقصيرك و اساءتك ،،، حفظها الله لي ولك ولجميع الأخوات ،،،،
يا غالية ،،، وهبك الله ابن ،،، ضعيه نصب عينيك ،،، ازرعي فيه ما تريدين فهو امانك في المستقبل ان اصلحه الله ،،، لم اذا ضاقت عليك الارض بما رحبت ترتمين بحضنه ؟! فوالله هو البراءة بعينها و أنا متأكدة من انك لو تراقبيه من بعيد لشعرتي بالسعادة و ابتسمتي لا إراديا ،،، يا غالية غيرك لم ترى أطفالها منذ ان طلقت ؟! فاحمدي الله ،،،

عزيزتي لا تدعي للشيطان ان يدخل عليك لحظة ضعف و يحزنك ،، نعم لا انكر مشاعرك فالطلاق كسر ،، و لكن لا تدعي هذة المشاعر تسيطر عليك في لحظة ضعف ،،،
بالنسبة للمواقف التي ذكرتيها ،،، فلو احسنتي التصرف قليلا لما شعرت بما شعرت ،،
الموقف الاول : كان الأجدر بك ان تضعي طفلك عند امك او احدى اخواتك ،،، ولا تتحسسي من غفلتهم عنك فهم اخوتك و لديهم من المشاغل ما يلهيهم عن غيرهم وانا متأكدة لو طلبتي منهم مرافقتك لن يترددوا في ذلك ،،،
الموقف الثاني : ابنك متعب !! لم لا يأخذة والده المستوصف ؟! ويكون التواصل بين والدتك وبينه ،، يجب ان يتحمل مسئوليته و لو قليلا ،،،، و كذلك شرائك لمستلزماته كان الأجدر ان تطلب من والده ،،،
اما موقفك مع اخيك ،،، من جد انتي حساسة ... الله يعينك ... اولا لا تتوقعي من اي رجل ان يفهم ما يدور في بالك مالم تترجميه الى كلام ... وضحي حاجتك وانا متأكدة انهم لن يرفضوا طلبك ،،،

و ان خطبك رجل صالح فاستخيري و أقدمي و اعلمي ان الله لن يضيعك و لن يضيع طفلك فهو الذي يرزق الطير تغدو خماصا و تعود بطانا و فوضي أمرك لله ولا تدعي مجالا للشيطان ان يحزنك ،،،

جبر الله كسرك عاجلا غير اجل و رزقك من حيث لا تحتسبي ،،

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

غاليتي ... حلم
كنت اقول نفسي كلامك واظن ان الحياه سهله بدون رجل لاكن والله مع الاياااااام اكتشفت العكس صح انه مابيجي رجل مثل اخوي ولا ابوي ولا ولدي لاكن الحياااه تجبرهم ع التقصير أخواني دوبهم في انفسهم وعيالهم اجي انا اثقل بطلباااتي ومره يقولون ابشري ومرتين لا
ولدي احمد الله واشكره اني تطلقت وانا مخلفه ولد لانه مالي علي دنيتي ومفرغه عاطفتي كلها عليه ومنسيني نص همي حمدلله ياااااااااااااااارب
حمدالله انا مااحس اني تاثرت كثير بالطلاق بالذات السنه الاولى لاني كانت علاقتي بربي قويه الحمدالله ومقتنعه ان ربي اختارلي الخير وكلي تفائل ان ربي بيعوضني لاكن السنه الثانيه من طلاقي بدا حالي يتغير وبدات احس اني في خطوره وانا ماادري بديت اطالع للناس صررت اتذكر مواقفه معااايه وانقهر اني ماخذت حقي وساااويس شيطااااان مالها اول ولا تااالي
والمواقف الي ذكرتها اهلي كلهم كانوا مساافرين وانا كنت توي واصله من السفر ورحت ع المستشفى وماكان في احد يمسك ولدي وامي الله يحفضها كبيره بسنها وانا مااحب اكلف عليهااا بولدي وحكايه المستشفى احيانا احتاج اني انا لازم اروح اكلم الطبيب عن حاله ولدي احيانا يوديه ابوه ويجيبه وانا ماادري ايش فيه ولدي فعشان كذا لازم اروح
في النهايه اختي الغاليه اساااال الله ان لايذيقك نااار الطلاق ويكتب لك سعااده الدارين
ممتنه لشخصك

الله يعوضك خير عن مافاتك ان شاء الله واذا كان لك صلاح في رجوعك لزوجك يارب ترجعين ..
الحيآة صآيرة صصصعبه .. ومعاك ولد يحتاجله رجال .!
الله يصلح بينكم وتتعدل وتزين امورك ان شاء الله ..

اختي ... ذكرى
ماتدرين قد ايش افرحتيني بدعوتك لي اسااااااااال الله لك خيرا منهااا
كل الشكرر

الطلاق كسر ظهر كل بنت مالها ذنب .. \حسبي الله ونعم الوكيل

__________________
ياآاآاآاآرب .. والباقي أنت تعلمه

اختي ... خفوق السعيده
ونعم بالله كفى به خيرر وكيل
قااادر ع إسعادنا وتبديل حياتنا للافضل
كل التقدير