السلام عليكم و رحمة الله و بركاته
اخواني و أخواتي ..
كيف الحال ؟؟ ان شاء الله مبسوطين ؟؟
صار لي زمان ما دخلت النت مع الانشغال بالتجهيز و الدراسة و غيرها ..
عموما كنت قد شرحت لكم سابقا أمر خطبتي و أن أهلي مو راضين أن نملك
و أنهم يبغونها ملكة و عرس مرة وحدة ، لكن بعد المحاولات صار في مجال
نقدم الملكة على العرس بفترة بحيث أني أتعرف شوي على الريال مو مرة وحدة!!!
المهم أن باقي حوالي كم شهر بس على العرس ، و أخت خطيبي تبغي تكون على
اتصال معاي حتى تكون حلقة وصل بيني و بين خطيبي ، يعني هو حاب انه يتعرف
على شخصيتي من خلال أخته ، و اللي احبه و اللي ما احبه و أي شي هو حاب
يقوله توصله لي أخته و العكس لو أنا ودي أقول شي هي أيضا توصله ..
أنا بصراحة حبيت هالفكرة وايد ، بس بحدود يعني ما أدخل في تفاصيل كثيرة
معاها ، يعني أمور التأثيث و شهر العسل هذي ممكن أكلمها فيها ، لكن في
أمور ما أبغي أكلمها فيها ، مثلا : يعني أني ما أحب التطنيش ، أو ما احب هالاسلوب ....
يعني ما له داعي حد ثالث يعرف هالأشياء ، و ابنتظر لحد ما نملك و بعدين نتفاهم عدل
عموما أبغي رأيكم في الموضوع ، حتى ما أقول كلام و ينتقل له بشكل غلط و يصير
سوء تفاهم قبل الزواج ..

و لكم مني خالص الشكر ...
أنفال

الله يبارك لك ياأنفال ..مقدما ....


وكلامك عين العقل .... لاداعي لأن تعرف أخته الكثير عنك .... ربما خانها التعبير فلم تستطع توصيل عباراتك ومشاعرك لأخيها بالشكل الذي ترغبين .....

أعطيها رأيك في مسائل شكلية فقط ( الأثاث وغيره )... أما الباقي ...فاحذري رجاء .....

وبعدين حتى بالنسبة لخطيبك ...لاتعطيه هذه الأشياء دفعة واحدة ...بعد الملكة مباشرة .... استخدمي ذكاءك في فهم مايحب ..وتوصيل ماترغبين به منه ..أعطيه إطارك في التعامل بشكل رسائل غير مباشرة ... وإذا لزم المر كلميه بلطف ..أو استغلي المواقف .... يعني إذا لاحظت حرصه وعدم تطنيشه ...فلا داعي أن تقولي له أنا لاأحب التطنيش .... لأن بعض الكلمات إن جاءت في غير موضعها الصحيح تهدم ولا تبني .....

أسأل الله لكم التوفيق

__________________

هذا الكلام المزبوط

__________________

جزاكم الله خير على النصايح الطيبة ..
ما قصرتوا ...
بس على فكرة ، مر اسبوع و الى اليوم هي ما اتصلت ، ارسلت لها اليوم رسالة فيها دعاء
بس ما لها حس ، أنا ما ودي أبدا بالاتصال فيها ، أحس المفروض هي تتصل ..
و الا كيف ؟ لا زم أكون ثقيلة ..

صح ...اثقلي وانتظري ...الرزق ماراح يطير
وترى مرمطة الخطوبة عادي جدا ...... يعني ممكن يتركونك شهر ...عادي
لأنهم مارسوا على شي معين
خذي الأمر ببساطة ..ولا داعي للقلق

الله يوفقك اختي ويسعدك ويتمم لك على خير

بس بقولك ملاحظه

شي انا نفسي طحت فيه بس من غير قصد لاني كنت الوسيط بين اخوي وخطيبه
الله يسامحني على كل حال اذا كنت بخرب شي عليها لاني ماقصدت
(بما ان اخوي يحبها وبعد ماكلمها اشوف اللهفه بصوته وعيونه تبرق وش قالت وش رايها ماجابت طارري فشي طيب قلتي لها اني اسلم عليها ؟)

فكنت ازود البهار شوي .. يعني اذا قالت كيف حاله مجامله ؟ اقوله ايه سالت عنك وعن اخبارك وحسيتها مهتمه فيك بس والله بدون قصد مني غصب عني ماحب احطمه وهي كانت ثقيله

واذا قالي قوليلها مشتاق لها ؟ وقلت لها تقولي مايوحشه غالي ان شاء الله
اقوله تقول وانت بعد وحشتها..

المهم..اللي ابي اوصله لك انو خليك رسميه معها قد ماتقدرين وان شاء الله ماتكون تحب اخوها كثير مثلي وماتبيه يتحطم ههههههه
يعني اذا قالت مشتاقلك اضحكي وسوي مستحيه وخلاص

أختي جمرة
فظيعة أنتي مع اخوج ..
بصراحة هي اتصلت لي ، و كنا نسولف مثل العسل ، بس يوم سألتي شو رايي بالهدية اللي جابها لي خطيبي ..
ارتبكت و ما عرفت شو اقول و قلت لها حلوة و صوتي ترتجف ..
ههههههههههه
و الأدهى يوم تقول لي : فلان يسلم عليج ..


الله يعيننا الين ما تنقضي مدة الحجر و يهدي أهلي على تأخيرهم الملكة

__________________

__________________

ما في رد !!!!!!!!