ترردت كثيرا في طرح مشكلتي كنت واثقه من نفسي وإني راح أقدر أحل مشاكلي بنفسي
مبدأي إن زوجي مو حقل تجارب اسمع أي تجربه وأجريها عليه
بس خلاص والله ما أتحمل أكثر مليت من الصبر
لجأت لكم بعد الله وبعد صبر لمدة سنه ونصف
مشكلتي مع خطيبي"مملكه"إنه في فرق بين شخصيتي وشخصيته!!!!!!!!!!
وهذا أمر طبيعي"ليس الذكر كألأنثى"
أنا أحب الصراحه والوضوح مستحيل أنام وبقلبي على أحد شئ لازم أصارح غيري بمشاعري تجاهه اشتهرت بهذي الصفه بين صديقاتي وأقاربي أكره الغموض في كل تعاملاتي
وكثير يقولي إنتي شفافه..تلقائيه..ارتحت لك أول ما شفتك
المهم اتفقت مع خطيبي إنا نبني حياتنا على الصراحه والتفاهم وإذا ضايقته بتصرف يصارحني أول بأول
عشان تصرفاتنا الإيجابيه نحافظ عليها والسلبية نتجنبها حتى نتعرف على بعض أكثروأعجب بالإتفاق وأيدني عليه
استمريت سنة كامله وأنا أصارحه بحركاته الإيجابيه والسلبية بكل اللي بقلبي وهو عمره ماقال لي شئ
حصل بيننا موقف كاااااااان قووووي و انتشر بين أهله وأهلي وأنا آخر من يعلم عموماتحملت إهانه بشكل ماتتخيلونه وحصل مصارحه واجهته بأنه غامض وإني مافهمت شخصيته بعد سنه كامله ووالله حاولت إني أختار ألطف العبارات معه حتى مااجرحه بالرغم إنه جرحني جرح وياليته كان بيني وبينه بس الكل درى فيه
الخلاصة:::::
قال:مايحب العتاب !!!!!!!!!!!!!!
والله ماصرت أفرق بين العتاب والصراحه انهرت وقررت في نفسي إني ماأقوله شئ لو إيش مايصير
المهم تحملت نصف سنه تطنيشات وحركات مالها داعي وما قدرت أفتح فمي بكلمة
بس طفح الكيل لأني حملت نفسي شئ فوق طاقتها..عمري ماتعودت أتضايق من أحد ولا أقوله
وهذامن شهرذو الحجه بدأت أبرد عاطفياً
فترة الإختبارات"أسبوعين"ماكلمنا بعض حاولت ألمح له بالبرود اللي حصل بيننا وقالي فعلاًحس بهالشئ طبعاً قلت له" إنه بسبب الإختبارات ومشاغل الدنيا"حتى مايقول إني عاتبته
كنت اتمنى إنه يساعدني بس لاحياة لمن تنادي أنا على هالحال إلى الآن
وهو مطنشني ما أدري خايفه إنه يحسبني فعلاًمطنشته ويرد لي نفس الحركة
وخايفه أصارحه بكل اللي بقلبي يزعل مني لأني فعلاً ما أقدر أتحمل أفكر إني أقوله إنه لي طبيعتي وله طبيعته وكل واحد يتحمل الثاني
ماني عارفه وش أسوي بالضبط.......أرشدوني
لي عندكم رجاء خاص
"لاأحد يعلق على شخصيته أو يذمها لأني أحبه يكفي إني حاسه بالذنب وأنا أشكي منه والله ماأحب أشكي من أحد لأحد ثاني بس الله يسامحه هو اللي جبرني ألجأ لغيره بدل من مصارحته أبيكم تساعدوني كيف أتعامل معه لأنه بيكلمني قريب"
لاتزعلون من رجائي

اولا حبيبتي انا من رأيي الشخصي انه ماتكوني صريحه معاه مررره لانه في بعض المواقف بين الازواج تتطلب انك تجاملي شوي وتتركين الصراحه حتى لو كانت من طبعك علشان تستمر الحياه
حعزيزتي أذا كان عتابك وصراحتك مع زوجك تزعله وتضايقه منك اتخلي عنها قليلا لاتتركيها مره لا ...........بس اتنازلي شوي علشان حياتكم تستمر وادعي لك من كل قلبي انه الله يوفقكم ويسعدكم ويهدي سركم

اختي رعاك الّله

تذكري ان الرجل بطبيعته لايحب الانتقاد من اي شخص فما بالوك بي زوجته المستقبل والتي من المفترض ان يكون في عينها كامل الاوصاف
لذلك اختي الفاضله حاولى ان تتعملي بي طريقه المزح وهذه احسن طريقه تكسبي فيها الرجل

انا مع الاخ والاخت في الردود السابقه واعانك الله

ألا تستطيعين يا عزيزتي أن تعتذرين منه بكل عفوية وتلقائية كما أنتي صريحة ؟؟؟
قولي له إنك أخطأت على الأقل في التعامل مع هذه المشكلة
وبعدين لا تتوقعين كل الناس صريحين مثلج
وأيضا مو حلو تقولين كل كل كل كل اللي بقلبج له وخاصة العتاب ... الرجل لا يحب العتاب ابدا أبدا عن تجربة
لا أعرف ما هو الموقف اللي صار لج وأكيد موقف جارح خاصة إنه انتشر بين الأهل وأكيد هم تدخلوا ولو كلاميا
انسي ما حدث وقولي له إنك تحبينه ولا تريدين خسرانه
وإن أحسست بالبرود أشعلي جمر الحب مرة أخرى ..أنت تقدرين
لا تخسرين الشخص الذي تحبين

الله لايحرمني منكم
وجزاكم الله خير
بس حاليا حاسه ببرود وشلون ارجع له من جديد
والله غصب عني وهو مو حاس فيني
قاهرني بتطنيشه لي أرسلي رسالة البارح وقالي إنك على بالي بس مشغووول
انهرت بكاء
والمشكلة لما يكلمني ما يشبعني عاطفيا
أغلب المكالمة عن جامعته وأشغاله والسياسة
صحيح تهمني أخباره بس هم أنا لي احتياجاتي العاطفية
والله ما أخفيكم إني نادراً ما أسمع كلام حب وغزل وأنا عاذرته لأنه عاش ببيت قاسي
بس الحين أنامحتاجه له
هل أصارحه بحاجتي له بالحرمان العاطفي اللي أعانيه منه ؟
كيف أتخلص من البرود؟

اختي حاولي تتقربي منه وتشاركيه اهتماماته وشغله بما انها واخدا وقته الكتير حتى ولو انك ما ليك دراية بيها اهتمامك بها ممكن تزيد القرب منكما وتجعل الحوار مفتوح وصريح ويجر الي اشباع رغبتك من ناحية ومن اخرى تكسبيه
وبتالي تتكلما على امور عاطفية تشبع رغبتك
وصراحة جميلة نستعملها في قوتها بدبلوماسية في كلامك وخليك انت دايما سباقة للحوار العاطفي بدون خجل حتى تكتسبيه وبتالي تكوني افرغت ما بقلبك
برودك شوفي ميزة حلوة بيه وتعلقي بيها موقف منه اتجاهك كان ايجابي خليه بين عينك ورسخيه في عقلك حتى تتخطى البرود
ان شاء الله تتوفقي

الصراحة سلاح ذو حدين
فلا تكوني صريحة جدا ولا متكتمة جدا

عزيزتي لا أملك الخبرة الكافية لأقول لك كيف تشيلين ها البرود
ولكن الإنسان اللي تعود ما يكشف عن عواطفه مثل خطيبج ابدي إنتي اكشفي عواطفج واغمريه حنان ولطف
قولي له اشتقت لك وأدري إنك اشتقت لي ..
قوليله بعد: إني أحس فيك وأحس بأشغالك الكثيرة
قوليله يفضفض لك شوي ..لا تجيبي سيرة الصراحة أبدا .. قوليله : حبيبي إذا كنت متضايق من شي قولي أكيد راح ترتاح خلني أشيل شوية عنك ها الهم !!!
:
:
ابدي بها الطريقة وأكيد راح يذوب الجليد

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!