طرحت مشكلتي من قبل مع ولدي اللي عمره ست سنوات واليوم ارجع اطرحها لاني تعبت ولا اعرف كيف اتصرف معاه
يعني كل الصفات اللي ما احبها في ولدي لسانه طويل ،حركاته تقهرني بدرجه فظيعه ووصلت به الجرأه ان يمد يده علي واذا اضربه يرجع يرد لي الضربه اي شي اقوله ولا كانه يسمعني ،اقوله يافلان قوم سو جذي اعيد الكلمه الف مره وهو لا حياة لمن تنادي مع ان يسمعني بس اهدده بشي على طول يفز من مكانه اقوله يعني تسمعني وما تبي تقوم ،ما يحترم احد حتى مع امي واخواتي يطول لسانه عليهم ويمد يده ، ونفسيتي تتعب من كثر ما اضربه ،وعقب ما يرقد ابجي وافكر بيني وبين نفسي انه هو ياهل ليش انه اعامله جذي واحس اني صرت قاسيه زياده عن اللزوم معاه ومع اخته اللي عمرها سنه و10 شهور ما عندي صبر على اقل شي اصرخ عليهم وقلت حق زوجي لو شنو تسوي ماراح اييب لك عيال بعد وكل السبب اني ما اعرف شلون اتصرف مع اليهال ولا عندي طولة بال،ياريت تساعدوني نفسيتي جدا تعبانه عيالي يكسرون خاطري صرت اخاف عليهم من نفسي وخصوصا ولدي من يرقد اروح احتضنه واقعد ابجي لين تنشف دموعي


اتمنى انكم تفيدوني من خبرتكم اذا مريتو بهالمواقف مع عيالكم مع ان ما اعتقد ان في احد قاسي مثلي على عياله

وجزاكم الله خير ((سلفا))