أواجه مشكلة واريد حلا
مشكلة بالنسبة لي كبيرة
وبحاول ماطول عليكم
واتمنى اني اجد الدواء الشافي
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ
المشكلة بين ابني(عمره خمس سنوات) وابوه
الاب دائما يقسو على ابني مايتحمل اي ازعاج بسيط منه
قلت يمكن انة مايحب الازعاج لكن السالفة ان ابني الصغير (سنتين و نص )لما يسوي ازعاج عادي ابوه مايقول شي ولا يسوي شي واذا سووالعيال ازعاج يضرب الكبير
قلت له اكثر من مرة لاتضربة مافي فايدة
0(علشان اريح راسي )لمايجي ابوهم من الدوام ادخلهم غرفتهم (هذا بالظهر )
ولما يرجع من الدوام يلقاهم نايمين( هذا بالليل) وارتحت من الازعاج
لكن اكتشفت انهم ماعاد يشوفون ابوهم يادوب ساعة في اليوم
كلمته قلت له لازم تصبر على ازعاجهم وتتحملهم مهما كان هذول اولادك
زادت المشكلة لما الصغير بدا ينطق
الولد الصغير أول مايدخل ابوة البيت يركض ويقول بابا ويحضنة وابني الكبير مايسوي مثل اخوة الصغير بس يوقف يطالع (اشك انة يغار )
فهمت ابني انة لازم اذاجا بابا تروح عنده وتحضنة وتبوسة
فهم حبيب قلبي وطبق الدرس لكن المشكلة ان الاب الله يهديه منبهر بشي اسمه (ولدنا الصغير )
انا ماانكر ان ابني الصغير يحبب نفسة لابوه
لكن هذا نتج عن ان ابني الكبير في صدام دائم مع الاب
مايسمع كلامه مايبوسه الا بالغصب ما يتكلم مع ابوه
الوقت الي يقعدون الاولاد مع ابوهم اما ان الاب يلعب مع الولد الصغيرأو إن يخاصمهم من ازعاجهم
حاليا اصبح ولدي الكبير عدوانى يضرب اخوة بقسوة
واصبح يزيد من الشقاوه لما يجي ابوه (مما يعرضة للضرب احيانا )
مادري ايش اسوي محتارة كيف اخلي ابني يحب ابوه
اخاف تمر السنين ويتعود على المعاملة
ولاحضت انه دائما الابن الاكبر(في اي عائلة ) يقسى عليهم اهلهم اكثر من اخوانهم الباقيين ليه مادري ؟
مالحل ؟؟ابني (الكبير )وهو نايم يصدر اصوات من اسنانه تحتك ببعض لدرجة انها بتتكسر (عندها اكتشفت انه في مشكلة كبيرة) زوجي انسان طيب وحنون ويحب اولادة لكن مايبي يقتنع انه يفرق بين الاولاد
وكل ماقلت له ان الولد الكبير( يغار ) لما تلعب مع الصغيرحاول تلعب معه يقول هو مايبي يجي هو مايسمع الكلام
وبعدين في فرق بين الولدين الكبير خجول والصغير مشاكس ومايستحي من احد
ابوهم الله يهديه (مومتعلم )اذا قلت لةولدك بيتعقد قال انتي تتفلسفين مافية الا العافية(مومقتنع ان فيه مشكلة ومومقتنع انه غلطان في تصرفاته )
ابني شخصيته بتضيع قدام عيني
انا كتبت المشكلة لاني واثقة اني سأجد حل لابني ولابوه
وارتاح
مع اني عارفة مافي راحة في الحياة لازم مشاكل نخلص من مشكلة تطلعنا مشكلة ثانية
وش عاد نقول صبرا جميل وبالله المستعان
تم تعديل الموضوع لوجود أخطاء إملائية..حائزة الأمل
__________________
لااله الا الله العظيم الحليم لا اله الا الله اله رب العرش العظيم لا اله الا الله رب السموات ورب الارض ورب العرش الكريم
التعديل الأخير تم بواسطة حائزة الأمل ; 28-10-2005 الساعة 08:44 PM