السلام عليكم وحيا الله الاعضاء الحلوين الطيبين
حبيت اسألكم هل المفروض الواحد اذا خطب يشوف البنت قبل مايروحون اهلها يسألون ولابعد
لاني خطبت وحده واهلها نقدر نقول واصلين وقعدوا يحققون معي وابوها جالس يشوف ميولي السياسيه وتسحيب في الكلام ومافيه احد اعرفه الا وصلوا له وكل الناس عرفت اني خاطب وكلن يسألني وش صار
بس يوم شفتها ماعجبتني ابدا وصراحه جلست افكر اني ماارفضها تجنبا للاحراج وبعدين فكرت اني بقابلها طول حياتي والحمدلله مالي علاقات وحارم نفسي ليه اصوم اصوم وافطر على بصل
صراحه مليت وزعلت على اهلي لانهم احرجوني لدرجه الثماله ارجوا منكم الارشاد لاني بديت انحرف
نرجع لسوالنا هل الشوفه افضل تكون قبل الاسئله ولابعد وووش اصرف هلعالم اللي تسأل وش صار على المشروع افيدونا ?

اعتقد

الشوفه بعد التحقيق ..

بس بصراحه اهل البنت مرره بالغو ..والله يعجبوني ..حريصين ليها ..ينشرون ذولا والله

واذا عن الي يسألون ..عادي ..ماكتبه الله

والسبب ..ماكتبه الله ..مو لازم يكون فيه سبب ..

__________________

ينشرون والله حتى البنت ماشالله من اللي سمعته عنها اخلاق وامها ايضا سمعت عنها كلام طيب بس نهائيا ماانجذبت لها وجلست احاول اني اطلع حاجه تجذبني لها ماحصلت
اشكرك على الاهتمام

الشوفه تكون دائما بعد ما يسألوا أهل البنت عن الرجل
ولكن يمكن أن تخبر أهلك بالمواصفات التي ترغبها في زوجة المستقبل

ولكن ياأخي لا يصح أن تصف بنت الناس ومخلوقه من مخلوقات المولى بأنها بصله، ثم إن كنت أنت الرجل ستحرج إن لم يحصل نصيب فالبينت ستحرج أكثر وستتأذى أكيد إذا صار الرفض بعد الشوفه ولكنه أكيد أفضل من أن تتابع الموضوع مجاملة فقط.

إذا لم تحس بالراحله فالأفضل أن تترك بنت الناس والله يرزقك باللي تسر قلبك ويرزقها باللي يقدرها.

ماوصفتها انها بصله وش دعوه ماني بهالحقاره
انا اقول زي اللي يصوم يصوم ويفطر على بصل
يعني واحد يمسك نفسه يمسك نفسه واخر شي يطيح بشي مايعجبه
ومااقول فيها الا كل خير هي واهلها >>>> خايف
ومن ناحية الحرج والله انحرجت والبنت حست اني ماانجذبت لها وشكلها ضاق صدرها ويعلم الله انه ماكان قصدي وانشالله ربي بيرزقها واحد احسن مني يمكن ماني كفوا لها
والله يجزاك بمثل ماتمنيتي لي واكثر

هل الشوفه افضل تكون قبل الاسئله ولابعد

السؤال ثم الشوفة <<<<< وين عقلك


وووش اصرف هلعالم اللي تسأل وش صار على المشروع افيدونا ?
ما حصل نصيب ... من غير ذكر أسباب.

الله يسر أمرك
انت دايم يا بصله يا قصيرهــ

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

الله يصلحك اخوي كيف تقول فكرت اني ماارفضها عشان الاحراج يعني حاب تكرر تجربتك السابقه مثلاً
الله يهديك هذا زواج مو لعب وبعدين عادي مااعجبتك انسحب وطنش كلام الناس وان حد سألك مافي نصيب
وبعدين اهلك ولا الناس مابيعيشون معك ببيت واحد ولاراح يتحملون حياتك ان كان فيها تنغيص فكر بالمواصفات اللي تبغاها وشدد على اهلك فيها
وربي بيسرها لك بإذن الله
انا حاااسه انها جالسه وحاطه رجل ع رجل وانت تدور عليها
اقصد زوجة المستقبل
وبعدين ترى تعبنا معك متى نشوف موضوع تفرحنا فيه عشان نرتاح من قروشاتك
دعااااابه
اتمنى لك التوفيق بالزوجة اللتي تتمناها وتستحقها وتستحقك وزيادة

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

اكيد الشوفه تكون بعد السؤال
بس المفروض ماتقدم على الخطبه الا وانت متأكد وواثق من كلام اهلك وصفاات البنت لان وضع البنت مو زي الولد
وضع البنت صعب اذا انرفضت بعد الشوفه بعيدن يا اخي المفروض محد يعرف انك شفتها انسحب بسكات
وقل لأهلها استخرت وما ارتحت او مافيه نصيب وما عليك من الناس
انا خطبت لولدي وحده من الاقارب وسألو عنه وبعدين رحنا للشوفه وكانو اهلها مسوين اعلان وعزيمه وعشا للشوفه
بس الحمدلله ان البنت عجبته ....(لكن انا كنت واصفتها له وصف كامل حتى لما شافها كانه يعرفها من الوصف)
الله يوفقك لما فيه خيرا لك ولها

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

احسم امرك ... وبالصالح لك ولها ..
ومالك شغل بالناس ..

__________________

مو تتزوجها عشان محرج
وبعدين ماتعطيها الحب والحنان ترا زيها زي غيرها
لا تتزوج الا وحده مقتنع فيها عشان تعطيها الحب والحنان وكككككككل شي بحياتك.